Dec 9, 2018

ခရစ္စမတ်ဇတ်ကောင် ယောသပ်ထံမှ သင်ယူခြင်း

ဖတ်ရန်ကျမ်းပိုဒ် - မဿဲ ၁း၁၈-၂၅

နိဒါန်း

ခရစ္စမတ် မတိုင်ခင် ယခု ကာလများအတွင် မကြာခဏ အမေးခံရသည်မှာ "ခရစ္စမတ် အတွက် အဆင်သင့် ဖြစ်ပြီလား" ဟူ၍ ဖြစ်သည်။  သင်ကိုယ်တိုင်လည်း အမေးခံရမည်ဟု ထင်ပါသည်။

ထိုကဲ့သို့ ကျွန်တော် မေးမြန်လာသော် "ခရစ္စမတ်အလှဆင်ပြီးပြီလား" "ခရစ္စမတ်အတွက် ပစ္စည်းတွေ ၀ယ်ပြီးပြီလား" "ခရစ္စ မတ်ကဒ်လေးတွေ ပြင်ဆင်ပြီးပြီလား" ခရစ္စမတ်အတွက် သင်သွားရမည့် ခရီးစဉ်တွေ အစီအစဉ်ဆွဲပြီးပြီလား" ဟု သဘော ပေါက်ကြပေလိမ့်မည်။

 "သင် ခရစ္စမတ်အတွက် အဆင်သင့်ဖြစ်နေပါပြီလား။"
ကျွန်ုပ်တို့သည် ခရစ္စမတ်အတွက် သွားရင်း လာရင်း လုပ်ဆောင်းရင်း "ခရစ္စမတ် ပြာယာခတ်ခြင်း" ဖြစ်လာသည်။ ခရစ္စမတ်ရာသီပြီးသောအခါ မောပန်းနေပြီး နှာစီးချောင်းဆိုး ဖျားနာမှုများ ဖြစ်လာခဲ့သည်။ သင်လည်း ထိုကဲ့သို့ ဖြစ်နေပါပြီလား။

ကျွန်တော်က "ခရစ္စမတ်အတွက် အဆင်သင့်ဖြစ်ပြီလား" ဟု မေးမြန်းခဲ့သည့် မေးခွန်းကို သင် သဘောပေါက် ပါသလား။ ကျွန်တော် မေးမြန်သည်မှာ သင်၏ ခရစ္စမတ် လှုပ်ရှားမှု အစီအစဉ်များထက် ပိုပါသည်။ ကျွန်တော် သိလိုသည်မှာ သင်၏ စိတ်နှလုံးအခြေအနေနှင့် သင်၏အသက်ရှင်သည့် ပုံစံ အနေအထားကို ဆိုလိုခြင်း ဖြစ်ပါသည်။ ဘုရားသခင် နှစ်သက်သော ခရစ္စမတ် အသက်ရှင်မှု ပုံစံကို ဘုရားသခင်က သင့်ကို ဖွင့်ပြပါပြီလား။

ခရစ္စမတ် အကြောင်းကို အနည်းငယ် စဉ်းစား ကြည့်ကြပါစို့။ စစ်မှန်သော ခရစ္စမတ်ဆိုသည်မှာ အဘယ်နည်း။ ခရစ္စမတ် ဆိုသည်မှာ ကောင်းကင်ဘုံတွင် စံမြန်သော ဖန်ဆင်းရှင် သခင်ယေရှု ခရစ်တော်သည် လူတို့တွင် လူ့ဇာတိ ခံယူရန် ဆင်းသက်ကြွလာခြင်း ဖြစ်သည်။ ဘုရားသခင်နှင့် ကျွန်တော်တို့အကြားတွင် ထင်ရှားတော်မူသော သူ၏မေတ္တာဖြစ်သည်။ (ဤနေရာတွင် ကယ်တင်ခြင်းအကြောင်း ထည့်ပြီး ဟောနိုင်ပါသည်။) ကျွန်ုပ်တို့၏ နှလုံးသားတွင် ကျိန်းဝပ်လိုသော အရှင်ဖြစ်သည်။ ထိုအရှင်ကို သင့် အသက်တာထဲတွင် ထင်ရှား ဖော်ပြနိုင် ပါပြီလား။

သမ္မာကျမ်းစာထဲတွင် ခရစ္စမတ်အကြောင်း မှတ်တမ်းတင်ထားသည်များ ရှိနေပါသည်။ မဿဲ ၁း၁၈-၂၅ တွင် သင်ဖတ် ကြည့်ပါ။

ယေရှုခရစ်သည် ဘွားမြင်ခြင်းကိုခံတော်မူသောအကြောင်းအရာဟူမူကား၊ မယ်တော်မာရိသည် ယောသပ်နှင့်ထိမ်းမြားဆောင်နှင်း၍ မရှက်တင်မှီတွင် သန့်ရှင်းသောဝိညာဉ်တော်ကြောင့် ပဋိသန္ဓွေစွဲနေ၏။ သူ၏ ခင်ပွန်းယောသပ်သည် သူတော်ကောင်းဖြစ်၍၊ မာရိအသရေကိုမပျက်စေချင်သောကြောင့် တိတ်ဆိတ်စွာစွန့်ပယ် မည်ဟုအကြံရှိ၏။ ထိုသို့ကြံစည်၍နေစဉ်တွင် အိပ်မက်ကိုမြင်ရသည်မှာ၊ ထာဝရဘုရား၏ကောင်းကင်တမန်သည် ထင်ရှား၍၊ ဒါဝိဒ်အမျိုးယောသပ်၊ သင်၏ခင်ပွန်းမာရိကို ထိန်းသိမ်း ရမည်အခွင့်ကိုမစိုးရိမ်နှင့်။ ဤပဋိသန္ဓွေသည် သန့်ရှင်းသောဝိညာဉ်တော်ကြောင့်ဖြစ်၏။ သားယောက်ျားကို ဘွားမြင်လိမ့်မည်။ ထိုသားသည် မိမိလူတို့ကို အပြစ်မှကယ်ချွတ်မည်သူဖြစ်သောကြောင့်၊ ယေရှုဟူသော အမည်ဖြင့်မှည့်ရမည်ဟု ကောင်းကင်တမန်ဆို၏။ (မဿဲ ၁း၁၈-၂၁)

ယောသပ်သည်အိပ်ပျော်ရာမှနိုးလျှင်၊ ထာဝဘုရား၏ကောင်းကင်တမန် မှာထားသည်အတိုင်းပြု၍ မိမိခင်ပွန်းကိုထိန်းသိမ်းလေ၏။ သို့သော်လည်း၊ သားဦးကို မဘွားမှီတိုင်အောင် သံဝါသမပြုဘဲနေ၏။ ထိုသားကိုလည်းယေရှုဟူသောအမည်ဖြင့်မှည့်လေ၏။ (မဿဲ ၁း၁၈-၂၄-၂၅)

ကျွန်တော် ယောသပ်ကို သဘောကျပါသည်။ သူသည် ပေးဆပ်မှု များစွာ လုပ်ဆောင် ခဲ့သော်လည်း ခေတ် အဆက်ဆက်တွင် မီးမောင်းထိုး မခံခဲ့ရပါ။ သူ့အကြောင်းကို ကျွန်ုပ်တို့ သိခွင့် များများ မရခဲ့ပါ။ သူ့ထံမှ ခရစ္စမတ် သဘောထားများကို ကျွန်ုပ်တို့ လေ့လာသင် ယူနိုင်ပါသည်။

၁။ ဘုရားသခင်၏ အလိုတော်ကို လက်ခံသော သဘောကို သင်ယူရမည်။

ပထမဦးစွာ ယောသပ်က ကျွန်တော်တို့ကို သင်ပေးသည်မှာ "ဘယ်လို အကြောင်းတရားတွေ ရှိနေပါစေ ဘုရားသင်၏ အလိုတော်ကို လက်ခံရန်" ဖြစ်ပါသည်။ ယောသပ်သည် ဘုရားသခင်၏ အလိုတော်ကို လက်ခံခဲ့သည်။

ယောသပ်သည် သူ့ဘ၀ အတွက် ကောင်းမွန်သောအစီအစဉ်များ ထားရှိခဲ့သည်။ မာရိကို လက်ထပ် ယူမည်။ လိုအပ်သော အစီအစဉ် များကိုလည်း ပြင်ဆင်နေသည်။ မင်္ဂလာ အခန်းအနားကို မည်သည့်ပုံစံ၊ မည်သည့် နေရာ၊ မည်သည့် အ၀တ်အ စားများဖြင့် မည်သည့် အစားအစာကို ကျွေးမည် အစရှိသဖြင့် ပြင်ဆင်မှုပေါင်း မြောက်များစွာဖြင့် ပြင်ဆင်နေသည်။

သို့သော်လည်း မာရိထံတွင် ပဋိသန္ဓေ စွဲယူ၍ ကလေးရှိနေပြီ ဖြစ်ကြောင်း သိခဲ့သည်။

သူကြားခဲ့ရသော အသံသည် နားထဲတွင် ဗုံးပေါက်ကွဲ သကဲ့သို့ ဖြစ်သွားလိမ့်မည်။ သူသည် မာရိကို ချစ်ပါသည်။ မာရိလည်း သူ့ကို ချစ်ပါသည်။ သို့သော် ယခု မာရိက သူ့ကို သစ္စာမရှိလေရော့သလား။ သူ နားမလည်နိုင်ပါ။ ယခုအခါ သစ္စာမရှိသောသူမကို ဖြတ်လိုက် ရတော့မည်လား။ သူတို့အကြားမှ မေတ္တာ သံယောဇဉ်ကို ဖြတ်လိုက်တော့ မည်လား။

ပညတ်တော် အရ မာရိကို သတ်ရပါမည်။ သို့သော် ယောသပ်သည် သူမကို ချစ်သောကြောင့် ထိုသို့ မဖြစ်စေချင်။ ထို့ကြောင့် လက်ထက်ယူပြီး တိတ်တဆိတ် ကွာရန်သာ ဆုံးဖြတ်လိုက် တော့သည်။

သို့သော် ကောင်းကင်တမန်က အိပ်မက်တွင် လာရောက်ပြီး ယောသပ် ဘုရားသခင်ကို ယုံကြည်ပါ။ သင် နားမလည်နိုင် ပါဘူး။ ဒါတွေက ဘုရားသခင် လုပ်တာပါ။ အားလုံးဟာ အမှန်တွေပါ။ ဟု ဖော်ပြ ပြေဆိုခဲ့သည်။

ယောသပ်က အလိုတော်ကို ၀န်ခံသောသူအဖြစ် သက်သေထူသည်။ တစ်ခါတစ်ရံ အလိုတော်ကို ၀န်ခံ အသက်ရှင်ရန် ခက်ပါသည်။ ယောသပ်သည် ဘုရားသခင်ကို ကိုးစားခဲ့သည်။ သူ့ထံတွင် မေးခွန်းပေါင်း သောင်းခြောက်ထောင် ရှိနေပါမည်။ သို့သော် သူသည် ဘုရားသခင်၏ အလိုတော်ကို ၀န်ခံခဲ့သည်။ ဘုရားသခင်သည် သူတို့အတွက် အကောင်းဆုံး တွေကိုသာ လုပ်ဆောင် ပါလိမ့်မည်။

ကျွန်ုပ်တို့သည် တခါတစ်ရံ အလားတူ အခြေအနေများ ကြုံတွေ့ရပါလိမ့်မည်။ ခရစ္စမတ်သည် ငြိမ်သက်ခြင်းဖြင့် လာသလို ပြဿနာ များဖြင့်လည်း ရောက်ရှိ လာပါလိမ့်မည်။ ပျော်ရွှင်စရာ ခရစ္စမတ် ဖြစ်နိုင်သလို ၀မ်းနည်းခြင်းတွေနှင့် ခရစ္စမတ်လည်း ဖြစ်ပါလိမ့်မည်။ ခရစ္စမတ်သည် တစ်ခါတစ်ရံ ချစ်ခြင်း မေတ္တာတွေနှင့် လာသလို အမုန်းတွေနှင့်လည်း လာပါလိမ့်မည်။ ကျွန်တော်တို့ကိုယ်တိုင် ခရစ္စမတ်ကာလ များတွင် ထမင်းငတ်ဘူးသည်။ ငိုကြွေး၍ ပြဿနာတွေ ရင်ဆိုင်ဘူးသည်။ ထိုအချိန်က ယောသပ်၏ အသက်တာများကို ဆင်ခြင်ပြီး ခွန်အားယူ ဖြတ်သန်း ခဲ့ရသည်။ 

ယောသပ်သည် စိတ်ပင်ပန်းကြီးစွာ ခံစားရသကဲ့သို့ ကျွန်ုပ်တို့လည်း ခံစားရ ပါလိမ့်မည်။ ကျွန်ုပ်တို့က "ဘုရားသခင် ဒါဘာကြောင့် ဖြစ်ရတာလဲ" ဟု ၀မ်းနည်းစိတ်နှင့် အော်ဟစ်ချိန်တွင် ဘုရားသခင်က တိုးညှင်းသော အသံလေးဖြင့် "ငါ့ကို ယုံကြည်ပါ" ဟု ပြောနေ သကဲ့သို့ပင်။

ဘုရားသခင်၏ လမ်းတော်သည် ကျွန်တော်တို့၏ လမ်းနှင့်ကွာခြားပါသည်။ သူ၏အတွေးအကြံသည် ကျွန်ုပ်တို့၏ အတွေးများထက် သာလွန်ကောင်းမွန်ပါသည်။ ကျွန်တော်တို့သည် ဘယ်သောအခါမှ နားမလည်နိုင်ခဲ့ပါ။ ထိုအချိန်များတွင် ဘုရားသခင်က "ငါကို ကိုးစားပါ" ဟု သင့်ကို ပြောနေပါလိမ့်မည်။
ဘုရားသခင်ကို ချစ်သော သူတည်းဟူသော ကြံစည်တော်မူခြင်း အတိုင်း ခေါ်တော်မူသော သူတို့၏ အကျိုးကို ခပ်သိမ်းသော အရာတို့သည် တညီတညွတ်တည်း ပြုစုကြသည်ကို ငါတို့ သိကြ၏။ (ရောမ ၈း၂၈)


ယောသပ်၏ အလိုတော်ကို နာခံမှုကြောင့် ခရစ္စမတ် ဖြစ်လာခဲ့သည်။ ကျွန်တော်တို့သည် ယောသပ်ထံမှ အလိုတော်ကို ၀န်ခံခြင်းနှင့် ကိုးစားခြင်းကို သင်ယူရန် လိုအပ်ပါသည်။

၂။ လူတွေကို ကူညီတတ်ရန် သင်ယူပါ။


ဒုတိယအချက်မှာ ယောသပ်က ကျွန်တော်တို့အား အခြားလူများကို ဂရုစိုက်ရန် သင်ပေးနေပါသည်။

ယောသပ်သည် အလွန် ရိုးသားသူ တစ်ဦး ဖြစ်သည်။ ခရစ္စမတ် ဇတ်လမ်းတွေကို ကြည့်လိုက်တိုင်း မာရိနှင့် ကောင်းကင်တမန်များ၊ သိုးထိန်းများ၊ ပညာရှိများ၊ ရွှေတုံးကြီးများ၊ မုရန်၊ လောဗန်များ၊ အစရှိသဖြင့် ဖော်ပြကြသည်။ ယော သပ်က တုတ်ချောင်းလေးကို ကိုင်ပြီး အနားမှာ ရပ်နေမည်။ အခြားသော အရာများထက် ပို၍ အရေးကြီးသော ယောသပ်ကို မထင်မရှားလေးမျှသာ ပြသကြသည်။ ယောသပ်သည် အလွန် အရေးကြီးပါသည်။ သူသည် ခရစ်တေ်ာနှင့် မာရိကို ဂရုစိုက် ရသူ၊ ကူညီရသူတစ်ဦး ဖြစ်နေသည်။

တကယ်တော့ ခရစ္စမတ်သည် တစ်နှစ်တွင် တစ်ခါသာဖြစ်သည်။ ဤအချိန်လေးတွင် သူတပါးကို စိတ်မပျက်စေဘို့ လိုအပ်ပါသည်။ သူတစ်ပါးကို ဂရိုစိုက်ရမည်။ ကျွန်တော်တို့သည် အသင်းတော်ထဲတွင် ရှိသူများကို တန်ဘိုးထားရမည်။ အချို့သော သူတို့သည် မိမိကိုသာ ဂရုစိုက်စေချင်သည်။ လူအတော် များများသည် အသင်းတော်က သူတို့ကို ဂရုစိုက်စေချင်သည်။ မိမိက ခရစ်တော်၏ အသွေးတော်နှင့် ရွေးဝယ်သော အသင်းတော်ကို ဂရိုစိုက်ရမည်ကို မေ့လျော့နေကြသည်။ ကိုယ်နှင့် စပ်ဆိုင်သူများကို ဂရုစိုက်ပါ။ ကျမ်းစာက ဖော်ပြသော မိဘမဲ့များ၊ မုဆိုးမများ၊ အားနည်းသူများ၊ ငိုကြွေးနေသူများ ဖြစ်သော အငယ်ဆုံးသောသူများကို ဂရုစိုက်ပါ။

၃။ မည်သည့်အရာဖြစ်စေ ပေးတတ်သောသူဖြစ်ရန် သင်ယူရမည်။


တတိယ အချက်ကတော့ ခရစ္စမတ်သည် ယောသပ်ထံ ရောက်ရှိလာသည်။ အဘယ်ကြောင့် ဆိုသော် ယောသပ်၏ ပေးတတ်သော သဘာ သဘာဝကြောင့် ဖြစ်သည်။

ယောသပ်သည် ကြိုတင်၍ ဘာမျှ မသိခဲ့။ မာရိနှင့် ကလေးကို ခေါ်ပြီး ဗတ်လင်မြို့သို့ သွားရမည်။ ထို့နောက် အဲဂုတ္တုသို့ ပြေးရဦးမည်။ သူချစ်သောမြို့မှ ခွဲခွာရမည်။ ဟေရုတ်ထံမှ ၀ရမ်းပြေး တစ်ဦးအဖြစ် ပြေးရမည်. . . စသည်ဖြင့် ဘာမျှ မသိခဲ့ပါ။

သို့သော် ဘုရားသခင်က သူ့ဘ၀ထဲက တောင်းဆိုသမျှအရာအားလုံးကို သူကတော့ ပေးရန် အသင့်ပါ။

သင့်ရဲ့ ခရစ္စမတ် ခံယူချက်က မည်သို့နည်း။ ဘုရားသခင်သည် သားတော်ကို ပေးသည်။ ခရစ်တော်သည် သူ့ကိုယ်သူ ပေးသည်။ ယောသပ်သည် သူ့ဘ၀နှင့် အချိန်များကို ပေးသည်။ ပေးသမျှ မှားသည်ဟု မရှိပါ။ အကြီးမားဆုံး ပေးသည်မှာ ချစ်ခြင်းမေတ္တာပင်ဖြစ်သည်။

ကြားဘူးသော ဝေလီ ဆိုသော ကောင်းလေး၏အကြောင်းကို ပြောပြပါရစေ။

တစ်ခါတုန်းက ၇ တန်းကျောင်းသားလေးတစ်ဦးရှိပြီး သူသည် အတန်းထဲတွင် ခန္ဓာအကြီးဆုံးဖြစ်သည်။။ သူ၏မိခင်မှာ ကက်သလစ်တစ်ဦီးဖြစ်ပြီး အရက်သောက်သည်။ အကျိုးရလဒ်အနေဖြင့် သူသည် ညဏ်ရည် အနည်းငယ် အားနည်းပြီး မွေးဖွားလာသည်။ ထို့ကြောင့် အတန်းဖေါ်များထဲတွင် စိတ်ပိုိုင်းစွမ်းရည် အားနည်းခဲ့သည်။ သို့သော်လည်း သူက သူတစ်ပါးထံမှ အမြဲတမ်း ရအောင် ယူတတ်လေ့ရှိသည်။ သူ၏နာမည်မှာ ဝေလီ ဖြစ်သည်။

ခရစ္စမတ်အချိန် ရောက်လာပါပြီိ။ သူတို့ အတန်းက ပြဇတ်ကပြရန် ဆုံးဖြတ်ခဲ့သည်။ ခန္ဓာကိုယ် ကြီးမားသော ဝေလီ ကို တည်းခိုခန်းပိုင်ရှင်အဖြစ် သရုပ်ဆောင်ရန် ပြောကြသည်။ နည်းပြ ဒါရိုက်တာ ပြောသည့်အတိုင်း လက်ခံလိုက်သည်။

ပြဇတ်စပါပြီိ။ မာရိနှင့်ယောသပ် ဗတ်လင်မြို့သို့ ၀င်လာပါပြီိ။ တည်းခိုခန်းတံခါးကို ခေါက်ပါသည်။ သူက ထွက်ရသည်။ ဘာလိုအပ်ပါသလဲခင်ဗျာ။ အခန်းရနိုင်မလားခင်ဗျာ ယောသပ်မေးသည့်အခါ သူက "မရှိဘူး၊ မရဘူး" ပြောရသည်။ ထပ်ပြောသည် ကလေးမွေးဖွားတော့မည် ပြောသော ယောသပ်ကို  "မရှိဘူး၊ မရဘူး" ထပ်ပြောရသည်။ အခြားနေရာလေး တစ်ချက်ကြည့်ပေးပါဗျာ ပြောသောအခါ  "မရှိဘူး၊ မရဘူး" ပြောရသည်။ တောင်းသမျှကို "မရှိဘူး၊ မရဘူး"  ပြောရသည်။ ဘာဘဲဖြစ်ဖြစ် ပေးရမှာ နှမြောပြီး ရအောင်ယူတတ်သော သူ၏စရိုက်နှင့် ကိုက်ညီလှပေသည်။ ထိုအကြောင်းကြောင့် ထိုနေရာကို ဝေလီ အား သရုပ်ဆောင်ခိုင်းလိုက်ခြင်းဖြစ်သည်။

ဇက်စင်ပေါ်တွင် တိတ်ဆိတ်နေသည်။ မာရိနှင့် ယောသပ်မှာ "မရှိဘူး၊ မရဘူး" အပြောခံနေရသည်။ ဝေလီသည် မာရိနှင့် ယောသပ်ကိုယ်စား နာကျင်နေသည်။ "မရှိတော့ဘူး၊ မရှိတော့ဘူး၊ မရှိတော့ဘူး" ပြောရသည်ကို စိတ်နာနေသည်။ နည်းပြ ဒါရိုက်တာက ထိုိအခန်းကို သေချာ ဇတ်နာအောင် လုပ်ခိုင်းခြင်း ဖြစ်သည်။ ဇတ်တိုက်စဉ်က ပေါ့ပေါ့တန်တန်လုပ်ခဲ့သော်လည်း ယခု အမှန်တကယ် စိတ်ခံစားပြီး သရုပ်ဆောင်ရသောအခါ ဝေလီလည်း နာကျင်နေပါသည်။ သူသည် မျက်ရည်များ စီးဆင်းနေပြီိး နောက်ဆုံး သူက "အခန်းရှိပါတယ်" ဟု ပြောချင်နေသည်။ ဘ၀တွင် အမြဲတမ်း ရယူဘို့သာ သိခဲ့သော ဝေလီ သည် ယခုအခါ ယောသပ်၏ ပေးဆပ်မှုများကြောင့် သူ့ရင်မှာ တကယ်နာကျင်လာခဲ့ပြီး ပေးတတ်သူအဖြစ် ပြောင်းလဲသွားလေတော့သည်။

အခန်းမရဘဲ နာကျင်မှုဖြင့် ပေးဆပ်ခဲ့ရသော ယောသပ်ထံမှ သင်ယူပါ။ တချိန်က တည်းခိုခန်းမရခဲ့သော ယောသပ်နှင့် မာရိကို သင့်၏ နှလုံးသား နေရာကို ပေးလိုက်ပါ။ နောက်ဆုံးမှာ ကိုယ်တော် ကျွန်တော့်ရဲ့ နှလုံးသား အခန်းဟာ ကိုယ်တော်အတွက် ဖြစ်ကြောင်း ပြောလိုက်ပါ။ ထို့ထက်မက ကျွန်တော့် ဘ၀ကြီးဟာ ကိုယ်တော့်အတွက်ပါ။ ကျွန်တော့် ပိုင်ဆိုင်မှုဟာ ကိုယ်တော့်အတွက်ပါ။ ကျွန်တော့်ရဲ့ ပညာတွေဟာ ကိုယ်တော်အတွက်ပါ။ ကျွန်တေ်ာ့ရဲ့ အသက်ရှင်မှုဟာ ကိုယ်တော်အတွက်ပါ စသည်ဖြင့် ပေးလိုက်ပါ။

နိဂုံး


သင်ခရစ္စမတ်အတွက် အဆင်သင့်ဖြစ်နေပါပြီလား။

(၁) အလိုတော်ကို ၀န်ခံရန် အဆင်သင့်ဖြစ်နေပါပြီလား။

(၂) သူတစ်ပါးကို ကူညီရန် အဆင်သင့်ဖြစ်နေပါပြီလား။

(၃) မိမိအသက်တာကို ကိုယ်တော်အား ပေးရန် အဆင်သင့်ဖြစ်နေပါပြီလား။



ဘုရားသခင် ကောင်းကြီးပေးပါစေ။

နာမတော်မြတ်၌

Rev. ဦးမင်းလွင်

ကိုးမိုင်ခရစ်ယာန်အသင်းတော်

Dec 4, 2018

ခရစ္စမတ်ကို ဘယ်လိုပြင်ဆင် ကြိုဆိုမလဲ

မာကု ၁း၁-၈
၁ဘုရားသခင် သားတော် ယေရှုခရစ်၏  အစကိုဆိုပေအံ့။ အနာဂတ္တိ ကျမ်းစာ၌ လာသည်ကား၊ ကြည့်ရှုလော့။ သင်သွားရာလမ်းကို ပြင်ရသော ငါ၏တမန်ကို သင့်ရှေ့၌ ငါစေလွှတ်၏။ တော၌ဟစ် ကြော်သောသူ၏ အသံမှာ၊ ထာဝရ ဘုရား ကြွတော်မူရာ လမ်းကို ပြင်ကြလော့။ လမ်းခရီးတော်ကို ဖြောင့်စေ ကြလော့ဟု လာသည်နှင့် အညီ၊ ယောဟန်သည် တော၌ ဗတ္တိဇံ ကိုပေးလျှက်၊ အပြစ်လွှတ်ခြင်း အဘို့အလိုငှါ နောင်တ နှင့်စပ်ဆိုင်သော ဗတ္တိဇံ တရားကို ဟောလျက်ပေါ်ထွန်း၏။ ယေရှုရှလင်မြို့သားများမှ စ၍ ယုဒပြည်သူပြည်သား အပေါင်းတို့သည်၊ ယောဟန်ထံသို့ ထွက်သွား၍ မိမိတို့ အပြစ်များကို ဘော်ပြလျှက် ယော်ဒန်မြစ်၌ ဗတ္တိဇံ ကိုခံကြ၏။ ယောဟန်သည် ကုလားအုတ် အမွှေးနှင့်ရက်သော အဝတ်ကို ဝတ်လျက်၊ ခါး၌ သားရေ ခါးပန်းကို စည်းလျက်၊ ကျိုင်းကောင်နှင့် တော၌ ဖြစ်သော ပျားရည်ကို စားလျက်နေ၏။ ဟောချက် စကားဟူမူကား၊ ငါ့ထက် တတ်စွမ်းနိုင်သော သူသည် ငါ့နောက်ကြွလာ၏။ ထိုသူ၏ ခြေနင်းတော် ကြိုးကိုမျှ ငုံ့၍ဖြည်ခြင်းငှါ ငါမထိုက်။ ငါသည် သင်တို့အား ရေ၌ ဗတ္တိဇံ ကိုပေး၏။ ထိုသူသည် သန့်ရှင်းသော ဝိညာဉ် တော်၌ သင်တို့ကို ဗတ္တိဇံ ပေးမည်ဟု ဟောသတည်း။ (မာကု ၁း၁-၈)

ကယ်တင်ရှင် မလာမီ ကြိုတင်ပြင်ဆင်ရသော ဗတ္တိဇံဆရာ ယောဟန်

ခရစ္စမတ် အတွက် အသက်တာကို ပြင်ဆင်ခြင်းဟူသော ခေါင်းစဉ်ဖြင့် ဟောပြောလိုပါသည်။ ဤဝေငှချက်သည် သင့်အတွက် အကြံပြုချက်လည်း ဖြစ်ပါသည်။ ယခုအခါ သင်သည် ခရစ္စမတ်အတွက် ပြင်ဆင်မှုများကို ပြုလုပ်ကောင်း ပြုလုပ်နေပါလိမ့်မည်။ အိမ်ကို အလှဆင်ခြင်း၊ မီးလုံးလေးများကို ချိတ်ဆွဲခြင်း၊ လက်ဆောင် ပစ္စည်များကို စုဆောင်ခြင်း၊ အ၀တ်အစားများ ၀ယ်ယူခြင်း၊ စသည့် ပြင်ဆင်မှု ပေါင်းမြောက်များစွာကို ပြုလုပ်နေပါလိမ့်မည်။

သို့သော် ကောင်းကင်ဘုံရှင် ဘုရားသခင်က ထိုပြင်ဆင်မှုများကို အားရကျေနပ်နေ လိမ့်မည်ဟု သင်ထင်ပါသလား။ ကယ်တင်ရှင် ခရစ်တော်၏ လူ့ဇာတိခံယူရန် ကောင်းကင်ဘုံ စည်းစိမ်ကို စွန့်လွှတ်၍ ဤလောကသို့ ကြွလာရာတွင် ထိုကဲ့သို့ ပြင်ဆင်မှုများက အမှန်တကယ် လုံလောက် ပါပြီလား။ ယနေ့ ကျွန်တော် ပြောလိုသည့်အရာမှာ ထိုကဲ့သို့သော ပြင်ဆင် မှုမျိုး မဟုတ်ပါ။

 ရှင်မာကု ခရစ်ဝင်ကျမ်းကို လေ့လာကြည့်ပါက အံ့သြဘွယ်ဖြစ်သော မယ်တော် မာရိ၏ ပဋိသန္ဓေ ယူဆောင်ခြင်းကို မဖေါ်ပြ သလို မွေးဖွားခြင်း အကြောင်းအရာများကို မ တွေ့ရချေ။ သင်နှင့် ကျွန်ုပ်တို့ ကဲ့သို့ သာမန် လူသားတစ်ဦးက လူ့ဇာတိ ခံယူမည့် သခင်ခရစ် တော်ကို ထူးခြားစွာ ပြင်ဆင် ကြိုဆိုခဲ့သော ဗတ္တိဇံဆရာ ယောဟန် အကြောင်းကိုသာ ရှင်မာကုက ဖေါ်ပြခဲ့ပါသည်။


ကယ်တင်ရှင် ခရစ်တော်နှင့် ပတ်သတ်ပြီး မမွေးဖွားမီ နှစ်ပေါင်း ရာနှင့်ချီ၍ ကြိုတင် ပရောဖတ် ပြုချက်ပေါင်း မြောက်များစွာ ရှိနေခဲ့ပါသည်။ ဘုရားသခင် ကိုယ်တော်တိုင်က ထို သခင်မလာခင် ပြင်ဆင်မှုများ ပြုလုပ်ရန် ဗတ္တိဇံ ဆရာ ယောဟန်ကို စေလွှတ် ခဲ့ကြောင်း ယခု လေ့လာ ဖေါ်ပြလိုပါသည်။

မာကုကျမ်းစာ၏အစတွင် ဤကဲ့သို့ ဖေါ်ပြစတင်ထားပါသည်။ 

၁ဘုရားသခင်သားတော်ယေရှုခရစ်၏ ဧဝံဂေလိတရား၏ အစကိုဆိုပေအံ့။ ၂အနာဂတ္တိကျမ်းစာ၌ လာသည်ကား၊ ကြည့်ရှုလော့။ သင်သွားရာလမ်းကိုပြင်ရသော ငါ၏တမန်ကို သင့်ရှေ့၌ ငါစေလွှတ်၏။ ၃တော၌ဟစ် ကြော်သောသူ၏ အသံမှာ၊ ထာဝရဘုရားကြွတော်မူရာလမ်းကို ပြင်ကြလော့။ လမ်းခရီးတော်ကို ဖြောင့်စေ ကြလော့ဟု လာသည်နှင့်အညီ၊ (မာကု ၁း၁-၃)

မာကုက ခရစ္စမတ် အကြောင်းအရာနှင့် အစပြုမထားပါ။ မာကုကျမ်းကို စတင်ဖွင့်လှစ်လိုက်သည်နှင့် ခရစ္စမတ်အတွက် လိုအပ်သည့် အခြေခံ အကြောင်းအရာနှင့် အစပြုထားသည်ကို တွေ့ရပါလိမ့်မည်။ ယခုဖော်ပြလိုသည်မှာ ခရစ္စမတ် သစ်ပင် လှလှလေးများ၊ ကလေးလက်ဆောင်များ၊ အစားအသောက် ပြင်ဆင်မှုများ၊ ကျိုးစား အားထုပ်မှုများကို မလိုအပ်ပါဟု ဆိုလိုခြင်း မဟုတ်ပါ။ ထိုအရာများသည်လည်း အထူးပြုလုပ်သော အရာများ ဖြစ်သောကြောင်း ကောင်းမွန်ပါလိမ့်မည်။ လိုအပ်ကောင်း လိုအပ်ပါလိမ့်မည်။

သို့သော် ရှင်မာကုက အစပြုသည်မှာ “ဧ၀ံဂေလိတရား၏အစ” ဟုဆိုထားပါသည်။ “ဧ၀ံဂေလိ” ၏ အဓိပ္ပါယ်မှာ “သတင်းကောင်း” ဖြစ်ပါသည်။ “သတင်းကောင်း၏အစ” ကို ခရစ္စမတ် သစ်ပင်နှင့် အစပြုမထားပါ။ သတင်းကောင်း ဆိုသည်မှာ အဘယ်နည်း။ သတင်း ကောင်းဆိုသည်မှာ “ကယ်တင်ရှင် ခရစ်တော်၏ အကြောင်း” ပင်ဖြစ်ပါသည်။

မာကုကျမ်းတွင် မွေးဖွားခြင်းနှင့်အစပြု ရမည့်အစား ထူးခြားစွာဖြင့် ဗတ္တိဇံဆရာ ယောဟန်အကြောင်းကို ဖေါ်ပြ အစပြု ထားပါသည်။ ယနေ့မနက် ဗတ္တိဇံဆရာ ယောဟန် ထံမှ အကြောင်းအရာ သုံးခုကို လေ့လာလိုပါသည်။ 


၁။ သူသည် ထူးခြားသော စေတမန်တစ်ဦး ဖြစ်ပါသည်။

 အငယ် (၆) တွင် ယောဟန်သည် 

“ယောဟန်သည် ကုလားအုတ်အမွှေးနှင့်ရက်သော အဝတ်ကိုဝတ်လျက်၊ ခါး၌ သားရေခါးပန်းကို စည်းလျက်၊ ကျိုင်းကောင်နှင့် တော၌ဖြစ်သောပျားရည်ကိုစားလျက်နေ၏။” (မာကု ၁း၆)

 သခင်ယေရှုနှင့် ၀မ်းကွဲတော်စပ်သူ ယောဟန်သည် ခြားနားမှုများ ရှိနေပါသည်။ သင်လေ့လာကြည့်ပါ။ မိသားစုဝင်များ နှင့် နီးစပ်သော ၀မ်းကွဲမောင်နှမများသည် အနည်းငယ် တူညီသော အကြောင်းအရာများ ၊ရှိနေတတ်သည်။ ယခု ယောဟန်ကို လေ့လာကြည့်ပါက သိတ် အဆင် မပြေသော အခြေအနေ များထဲတွင် ရှိနေသည်။ ကုလားအုပ်မွေးနှင့် ယက်သော အင်္ကျီကိုသာ ၀တ်သည်။ သားရေ ခါးပန်းကိုစီးပြီး ကျိုင်းကောင်နှင့် ပျားရည်ကိုသာ စား သောက်သည်။ နေသည်မှာ ကန္တာရတွင်နေသည်။ ကန္တာရမှရသော အင်္ဂျီကိုသာ ၀တ်ပြီး ထိုနေရာ မှ အစားအစာကိုသာ စားသောက်သည်။

ဘုရားသခင်ဘက်တွင် စိတ်အားထက်သန်သော ယဇ်ပရောဟိတ်ဖြစ်သူ အဖ ဇာခရိနှင့် အမိ ဧလိရှဗတ် တို့မှ မွေးဖွုားလာသောသူ ဖြစ်သောကြောင့် ယောဟန်သည် ဘုရား ၀တ်တွင် မွေ့လျော်သူ တစ်ဦး ဖြစ်သည်။ ငယ်စဉ်ကပင် အသက်တာကို ဆက်ကပ်အပ်နှံထား သူဖြစ်ပြီး စုံစမ်းသွေးဆောင်ခြင်းများ ကင်းဝေးရာ တောကန္တာတွင် သွားရောက်နေ ထိုင်ခဲ့ပြီး ရနိုင်သည့် အစားအစာများနှင့်သာ ရောင့်ရဲ တင်တိမ်ပြီး အသက်ရှင်ခဲ့သူဖြစ်သည်။ 

ခရစ်တော်၏ လမ်းခရီးတော်ကို ကြိုတင်ပြင်ဆင်ပေးရမည့် ဗတ္တိဇံဆရာ ယောဟန် ၏ အသက်တာ ပြင်ဆင်မှုမှာ ထူးခြားပါသည်။ မည်သူမျှ တုနှိုင်း မမှီနိုင်သည့် အသက်ရှင်မှုပုံစံ ဖြင့် အကောင်းဆုံး အသက်ရှင်လျက် ကိုယ်တော်ကို စောင့်ကြိုနေခဲ့ပါသည်။ ခရစ်တော် ၏ လူဇာတိခံယူပြီး လူ့လောကသို့ ကြွတော်မူရာ ခရီးလမ်းကို ကြိုဆိုနေပါသည် ဟူသော သင့်၏ အသက်ရှင်မှု မည်ကဲ့သို့ ဖြစ်နေပါသနည်း။ ခရစ္စမတ်ကို ကြိုဆိုသော သင်၏အသက် တာ အသက်ရှင်မှုကို ပြန်လည်ဆင်ခြင်ပါ။ 

သူသည် ထူးခြားသော တမန်တော် ဖြစ်ရုံမျှသာမက

၂။ ထူးခြားသော တရားစကားကို ဟောပြောသူ ဖြစ်သည်။


ဟေရှာယ ၄၀း၃-၅ မှဖော်ပြထားသော အကြောင်းအရာနှင့် မာလခိ ၃း၁ တွင်ဖော်ပြ ထားသော အကြောင်းအရာ အမှန်တကယ် ဖြစ်လာပြီး ပြည့်စုံတော့မည်ဖြစ်ကြောင်း နိမိတ်ဖတ် ဖော်ပြခဲ့သည်။

တော၌ ဟစ်ကြော်သောသူ၏ အသံမှာ၊ ထာဝရဘုရား ကြွတော်မူရာလမ်း ကို ပြင်ကြလော့၊၊ ငါတို့ဘုရားသခင်၏ လမ်းခရီးတော်ကို လွင်ပြင်၌ ဖြောင့်စေ ကြလော့၊၊ ချိုင့်ဝှမ်းရာရှိသမျှတို့ကို ဖို့ရမည်။ တောင်ကြီးး တောင်ငယ်ရှိ သမျှတို့ကို ဖြိုရမည်။ ကောက်သော လမ်းများကို ဖြောင့်စေရမည်။ ကြမ်းတမ်းသော လမ်း များကိုလည်း သုတ်သင် ပြင်ဆင်ရမည်။ (ဟေရှာ ၄၀း၃-၄)
ကြည့်ရှုလော့။ ငါသွားရာလမ်းကိုပြင်ရသောငါ၏တမန်ကို ငါစေလွှတ်မည်။ (မာလခိ ၃း၁)
ဗတ္တိဇံဆရာ ယောဟန်ပြောသည်မှာ ကယ်တင်ရှင်လာမည့်အကြောင်းကို ကြော်ငြာသည်။ လမ်းတော်ကို ပြင်ဆင်ကြဟု ပြောသည်။ “ပြင်ဆင်” ဟူသောစကားသည် “အဆင် သင့်ဖြစ်နေရမည်” ဟု ပြောနေခြင်း ဖြစ်သည်။ ယောဟန် ဆိုလိုသည်မှာ ယခု လမ်းမကြီးများကို ပြင်ဆင်ရန် ဆိုလိုခြင်းမဟုတ်။ သခင်ယေရှု လူ့ဇာတိခံ ကြွရောက်လာမည့် အချိန်အတွက် အဆင်သင့် ဖြစ်နေရန် ပြောခြင်းဖြစ်ပါသည်။

ယနေ့ခေတ် သခင်ခရစ်တော် ကြွလာမည့် အခန်းအနားပြင်ဆင်မှုများသည် အရေး ကြီးသော လုပ်ဆောင်မှုများ၊ အချက်အလက်များ၊ ပျောက်ဆုံးနေသည်ဟု ထင်ပါသည်။ ကျွန် တော်တို့က ပြင်ဆင်ရာတွင် သခင်ယေရှု ခရစ်တော် အရုပ်ကလေးကို အ၀တ်ကလေး နှင့်ပတ်၊ နွားစားခွက်တွင်ထား၊ မီးလုံးလေးတွေ ထွန်းထား ထိုကလေးသည် ဘယ်သော အခါမှ ကြီးထွားခွင့်မရ။ ခရစ္စမတ် ကယ်ရယ် သီချင်းများဆိုပြီး ပျော်ရွှင်နေကြသည်။ ထိုအရာသည် ဟေရုတ်ဘုရင် က သတ်ဖြတ်ရန် သတိပေးနေသလို၊ အသိပေးကာ ခရစ်တော်ကို ဒုက္ခပေးရန် ပြင်ဆင်နေ သလိုဖြစ်သည်။ ထိုအရာများထက် ထူးခြားသော ပြင်ဆင်မှုများကို သင်လုပ်ဆောင်ဘို့ လို အပ်ပါသည်။
ဗတ္တိဇံဆရာယောဟန်က ပြောသည်မှာ
“ငါ့ထက် တတ်စွမ်းနိုင်သော သူသည် ငါ့နောက်ကြွလာ၏။ ထိုသူ၏ခြေနင်းတော် ကြိုးကိုမျှ ငုံ့၍ဖြည် ခြင်းငှါ ငါမထိုက်။” (မာကု ၁း၇)
ဟုဆိုခဲ့သည်။ အများတကာ လေးစားသော၊ အထင်ကြီးသော ဗတ္တိဇံဆရာ ယော ဟန် က “ကြွလာမည့် အရှင်သည် မည်မျှ ကြီးကျယ် မြင့်မြတ်ကြောင်း ဟောပြောခဲ့သည်။” ထို အရှင် ကြွရောက် လာမည့် အချိန်တွင် တကမ္ဘာလုံးကို အဆင်သင့်ဖြစ်နေစေရန် ဟော ပြောခဲ့သည်။ သူဟောပြောရသည့် အကြောင်းမှာ ထိုအချိန်က ယုံကြည်သူဟု ဆိုသောသူ များပင်လျှင် ဖြစ်ချင်သလို ဖြစ်နေသော ကာလဖြစ်သည်။ ဘုရားမဲ့၊ တရားမဲ့ မိမိ စိတ်တိုင်းကြ အသက်ရှင်နေခဲ့ကြသည်။ သူတို့ လုပ်ဆောင်သော အပြစ် တရားများမှာ ယနေ့ခေတ် အခါ ကဲ့သို့ပင် ဖြစ်သည်။ သူတို့သည် ခရစ်တော်ကို မလိုချင်ခဲ့ကြ။ ခရစ်တော် မလိုဟု ထင်မြင်သူများရှိခဲ့သည်။ ထို့ကြောင့် ထိုအချိန်က ခရစ်တော်ကို သတ်ဖြတ်ရန် ၀န်မလေး ခဲ့ကြချေ။ ယနေ့ခေတ် အဆင်သင့်မဖြစ်သလို သူတို့လည်း အဆင်သင့် မဖြစ် ခဲ့ကြချေ။

သင်အသက်တာရော အဆင်သင့်ဖြစ်ပါပြီလား။ လူတိုင်း ခရစ္စမတ်ကို ကြိုဆိုကြ သော်လည်း အဆင်သင့် မဖြစ်ကြချေ။ ဗတ္တိဇံဆရာ ယောဟန် က ဟောပြောခဲ့သည်မှာလည်း ထိုလူမျိုး အတွက် ဖြစ်သည်။ ယနေ့ သင့်အသက်တာကိုလည်း ထိုကဲ့သို့ ပြောလိုပါသည်။
ကျွန်တော်တို့ ဘယ်လို အဆင်သင့်ဖြစ်ရမလဲ။ ယောဟန်ကတော့ ပြောခဲ့ပါသည်။ နောင်တရရန် ပြောခဲ့ပါသည်။ အပြစ်တရားမှ နောင်တရ သည့် အနေဖြင့် ဗတ္တိဇံခံရန်ပြောခဲ့ ပါသည်။ ယောဟန်ပြောသည့် ပြင်ဆင်ခြင်းဆိုသည်မှာ နောင်တရရန် ဖြစ်သည်။ ဂရိဘာသာ စကားဖြင့် နောင်တဆိုသည်မှာ “metanoia” ဟု ခေါ်ပြီး “စိတ်နှလုံး ပြောင်းလဲခြင်း” ဟု အဓိပ္ပါယ်ရှိပါသည်။ ၂ကော ၇း၁၀ တွင် နောင်ဆိုသည်မှာ ၀မ်းနည်းခြင်းမှ လာကြောင်း ဖော်ပြထားပါသည်။
အဘယ်သို့နည်းဟူမူကား၊ ဘုရားသခင်၏ အလိုတော်နှင့်ညီသော ဝမ်းနည်း ခြင်းသည် ကယ်တင်ခြင်းနှင့် ယှဉ်သော နောင်တစိတ်တည်းဟူသော၊ မပြောင်း လဲနိုင်သော နောင်တ စိတ်ကို ပြုပြင်တတ်၏။ လောကီ ဝမ်းနည်းခြင်းမူကား၊ သေ ခြင်းကို ပြုပြင်တတ်၏။ (၂ကော ၇း၁၀)
အထက်ပါ ကျမ်းပိုဒ်အရ နောင်တကို ဖြစ်စေသော ၀မ်းနည်းခြင်း (၂) မျိုးရှိသည်။

ပထမတစ်ခုက လောကီ ၀မ်းနည်းခြင်း

ဤ၀မ်းနည်းခြင်းမှာ ကြောက်ရွံ့ခြင်းများ၊ စိုးရိမ်ခြင်းများဖြင့် လုံးထွေးနေပါသည်။ လူအချို့သည် သူတို့၏ အပြစ်များ အတွက် မနှစ်သက်ဘွယ် အခြေအနေများကို ကြုံတွေ့လာ ချိန်များတွင် ထိုဝမ်းနည်းခြင်းကို ဖြစ်ပေါ် လာစေပါသည်။ ကောင်းသော ယာယီအကျိုးတရားများ ဖြစ်လာနိုင်ပါသည်။ ခေတ္တခဏမျှသာ ပြောင်းလဲစိတ် ဖြစ်သည်။ အပြစ်များထဲတွင် ကျင်လည်ပြီး ရဲစခန်းရောက်၊ အချုပ်ခန်းရောက်၊ ပြဿနာ တတ်သော အချိန် များတွင် “တော်ပါပြီ၊ နောက်မလုပ်တော့ပါ” ဟု ပြောတတ်သော်လည်း အချိန် ကြာလာလျှင် ခွေးမြီးကောက် ကျီတောက်စွတ် သကဲ့သို့ ဒုံရင်း ပြန်လည် ဖြစ်လာတတ်ပါသည်။ လောကီ ၀မ်းနည်းခြင်းမှာ ထိုသို့ဖြစ်သည်။

ဒုတိယတစ်ခုက ဘုရားသခင်နှင့်ဆိုင်သော ၀မ်းနည်းခြင်း

ဤ၀မ်းနည်းမှုမှာ အမှန်တကယ် ပြောင်းလဲမှု အစစ်အမှန်ဖြစ်စေပါသည်။ ထာဝရ အပြစ်ခွင့်လွှတ်ခြင်း တရားကိုလည်း ခံစားရပါသည်။ သန့်ရှင်းသော ၀ိညာဉ်တော်သည် နှုတ် ကပတ်တော်အားဖြင့် လူ တစ်ယောက်၏ နှလုံးသားထဲ အထိ ပြင်းထန်သော ရိုက်ခတ်မှုကို ဖြစ်ခဲ့ပြီး ထာဝရ ကာလအတွက် အရေးကြီးသော နောင်တ တရားကို ရရှိခံစားစေ နိုင်သည်။ တမန်တော် ၂း၃၇ တွင်
ထိုသူတို့သည် ကြားလျှင် စိတ်နှလုံးပူပန်ခြင်းရှိ၍၊ ညီအစ်ကိုတို့၊ အဘယ်သို့ပြုရပါမည်နည်းဟု ပေတရုမှစ၍ အခြားသော တမန်တော်တို့အား မေးမြန်းကြ၏။ (တမန် ၂း၃၇)

သင်ဝမ်းနည်းတတ်ပြီးလား။

နှုတ်ကပတ်တော်ကို ကြားသိလျှင် သင်သည် နောင်တကိုဖြစ်စေသော ၀မ်းနည်းမှု များ ဖြစ်ပေါ်ဘို့ လိုအပ်ပါသည်။ သင့်အသက်တာကို ပြန်လည်ဆန်းစစ်ပါ။ သင်သည် ယေရှု ခရစ်တော်ကို မိမိ၏ ကယ်တင်ပိုင်ရှင် အဖြစ် လက်ခံပြီး အသက်တာ ပြောင်းလဲသူ ဖြစ်သော်လည်း ကျမ်းစာမဖတ်သေးလျှင် ၀မ်းနည်းပါ။ ဆုမတောင်းသေးလျှင် ၀မ်းနည်းပါ။ ဘုရားကျောင်း မတတ်ခဲ့သော နေ့ရက်များအတွက် ၀မ်းနည်းပါ။ မိတ်သဟာယ မသွားခဲ့ သော နေ့ရက်များအတွက် ၀မ်းနည်းပါ။ ဆယ်ဘို့တစ်ဘို့ မျက်ကွယ်ပြုခဲ့သော နေ့ရက်များ အတွက် ၀မ်းနည်းပါ။ ဆင်းရဲသားများကို မျက်ကွယ်ပြုခဲ့သော အရာများအတွက် ၀မ်းနည်း ပါ။ မရင့်ကျက်သော အသက်တာ အတွက် ၀မ်းနည်းပါ။ ဧ၀ံဂေလိ မဟောခဲ့သော နေ့ရက် များ အတွက် ၀မ်းနည်းပါ။ ဘုရားသခင်၏ အမှုတော်မြတ်ကို ရှောင်ဖယ်ခဲ့သော နေ့ရက်များ အတွက် ၀မ်းနည်းပါ။

ထိုသို့ ၀မ်းနည်းပြီး အသက်တာကို ပြုပြင်ခြင်းဖြင့် ခရစ်တော် လူ့ဇာတိခံယူခြင်း နေ့ရက်များကို ကြိုဆိုနိုင် ပါသည်။ ဗတ္တိဇံဆရာ ယောဟန်ကဲ့သို့ သင်သည် ခွန်အားယူ ကြိုဆို ရပါမည်။
ယောဟန်သည် ထူးခြားသော တမန်တော် ဖြစ်ရုံမျှမက
ယောဟန်သည် ထူးခြားသော တရားစကားကို ဟောပြောရုံမျှမက

၃။ ထူးခြားသော အမှုတော်လုပ်ငန်းကို လုပ်ဆောင်သည်။

ယောဟန်သည် တော၌ ဗတ္တိဇံ ကိုပေးလျှက်၊ အပြစ်လွှတ်ခြင်း အဘို့အလိုငှါ နောင်တ နှင့် စပ်ဆိုင်သော ဗတ္တိဇံတရားကို ဟောလျက်ပေါ်ထွန်း၏။ ယေရှုရှ လင်မြို့သားများမှ စ၍ ယုဒပြည်သူ ပြည်သား အပေါင်းတို့သည်၊ ယောဟန်ထံ သို့ထွက်သွား၍ မိမိတို့ အပြစ်များကို ဘော်ပြလျှက် ယော်ဒန်မြစ်၌ ဗတ္တိဇံကိုခံ ကြ၏။ (မာကု ၁း၎-၅)

ဗတ္တိဇံဆရာ ယောဟန်သည် မိမိ၏အသက်တာကို ပြုပြင်သည်သာမက မိမိ ပတ်ဝန်ကျင် အသိုင်းအ၀ိုင်း အတွက်လည်း ကြီးသော အမှုတော် လုပ်ငန်း လုပ်ဆောင်ခြင်းဖြင့် နိုးဆော်မှု ပြုလုပ်ခဲ့သည်။ ခရစ်တော်သည် သုံးနှစ်ကြာမျှ အမှုတော် လုပ်ငန်းများကို လုပ်ဆောင်နေသော အချိန်တွင် ကြီးမားသော လူအုပ်ကြီးက ခရစ်တော်နောက်တော်သို့လိုက်ကာ နှုတ်ကပတ် တော်များကို ခံယူနေကြပြီ ဖြစ်သည်။ ထိုသို့ ဖြစ်လာရသည့် အကြောင်းရင်းမှာ ယောဟန်၏ အမှုတော် လုပ်ငန်အားဖြင့် ပြင်ဆင် လုပ် ဆောင်မှုများကြောင့် သခင် ခရစ်တော်အတွက် အဆင်သင့် ဖြစ်နေခဲ့သည်။

အခွန်ခံများကိုလည်းကောင်း၊ ရောမစစ်သားများကိုလည်းကောင်း လူတန်းစားအ မျိုးမျိုးကို နောင်တရစေရန် ဟောပြောခဲ့ပြီး သူတို့ကို နှစ်ခြင်းပေးကာ တည်ဆောက်မှု ပြု ခဲ့သည်။ ထို့ကြောင့် ခရစ်တော်၏ အမှုတော် စတင်သောအခါ အခွန်ခံများ၊ ပြည့်တန်ဆာများမှ စပြီး လူအသီးသီးက ကိုယ်တော်နောက်သို့ လိုက်ခဲ့ကြသည်။ ကိုယ်တော်ကို ထူးခြားစွာ ကြိုဆို ခဲ့သော ယောဟန်၏ ပြင်ဆင်လုပ်ဆောင်မှုများ ၏ အသီးအပွင့်များ ဖြစ်သည်။

ထိုကဲ့သို့ ပင် ယနေ့ခေတ်အခါတွင်လည်း သင့်၏အသက်တာနှင့် အမှုတော်လုပ်ငန်း များအားဖြင့် ကြီးသော အောင်မြင်မှုကို ခရစ်တော် ရရှိခံစားစေပါ။

နိဂုံး

မွေးနေ့တော်ကို သင်ကြိုဆိုမည်ဆိုပါက ခရစ္စမတ် အလှဆင် သစ်ပင်လေးများ၊ မီးလုံး အလှဆင်မီးများ၊ လက်ဆောင် လှလှလေးများ၊ ခရစ္စမတ် ကဒ်လေးများဖြင့်သာ ကြို ဆို နေသော သင့်အသက်တာကို ပြန်လည် စစ်ဆေးပါ။ ကယ်ရယ်သီချင်းလေးတွေ အပျော် လိုက်ဆိုသော ကြိုဆိုမှု ထက်ထူးခြားသော ကြိုဆိုမှုဖြစ်စေရန် တိုက်တွန်းပါသည်။ အထက် ပါ ခေါင်းစဉ် သုံးခုကို ပြန်ပြောပါရစေ။

၁။ ခရစ်တော်ကို ညွှန်ပြနိုင်သော ထူးခြားသော တမန်တော်အဖြစ် မိမိအသက်တာကို ပြင်ဆင်ပါ။
၂။ လူများကို နောင်တသို့ဖြစ်စေသော ထူးခြားသော သတင်းစကားဖြင့် ကိုယ်တော်ကို ကြိုဆိုပါ။
၃။ လူတို့ကို ပြောင်းလဲစေသော အမှုတော်လုပ်ငန်းများကို ဆောင်ရွက်ရင်း ကိုယ်တော်ကို ကြိုဆိုပါ။

https://www.4shared.com/office/Uo8Yj-Kdfi/preparation_for_Christmas.html



နာမတော်မြတ်၌
Rev. ဦးမင်းလွင်
ကိုးမိုင်ခရစ်ယာန် အသင်းတော်

Nov 24, 2018

ဘုရားသခင်အတွက် ထားရှိသော ဆန္ဒ

ကျမ်းစာထဲတွင် ခါနန်ပြည်ကို သွားရောက်လေ့လာခဲ့သော သူလှျို (၁၂) ယောက် အကြောင်းကို တွေ့ခဲ့ရပြီး သူတို့ ပြန်လည် ပြောကြားကြသော အကြောင်းအရာ များကို လည်း ကျွန်ုပ်တို့ သိရှိခဲ့ပြီး ဖြစ်သည်။ ထိုသူတို့ အထဲတွင် (၁၀) ယောက်က အနှုတ် လက္ခဏာ ဆောင်သော သတင်းများကို ပြန်လည် ပြောပြခဲ့ကြပြီး အခြားသော နှစ်ယောက် မှာမူ အပေါင်း လက္ခဏာ သတင်းစကားများကို ပြန်လည်ပြောပြကြသည်။ ထိုသူနှစ်ယောက် မှာ ယောရှုနှင့် ကာလက်တို့ နှစ်ယောက် ဖြစ်သည်။

ထိုသို့ လူ (၁၀) ယောက်မှာ ဣသရေလလူမျိုးများကို ခွန်အားပေး တိုက်တွန်းရ မည့်အစား စိတ်ပျက် အားလျော့ စေမည့် စကားများကိုသာ ပြောဆိုခဲ့ပြီး ကြားရသူများက လည်း ဘုရားသခင်၏ ကတိ စကားထက် ထိုသူတို့၏ စကားများကိုသာ ယုံကြည်ခဲ့ကြခြင်း ဖြင့် အသက်ရှင်သော ဘုရားသခင်ကို ကျောခိုင်း ခဲ့ကြသည်။

ထိုသူတို့၏ မနာခံခြင်းနှင့် ဘုရားသခင်ကို အားကိုးခိုလှုံမှု မရှိခြင်းတို့ကြောင့် ရက် (၄၀) နှင့် ခါနန်ပြည်သို့ ရောက်နိုင်သည့် ခရီးကို နှစ်ပေါင်း (၄၀) သွားရခြင်းဖြင့် ဘုရားသ ခင်က ဒါဏ်ခတ်တော်မူခဲ့သည်။ ထို့ကြောင့် ထိုအချိန်က ရှိခဲ့သောသူအများ စုသည် ခါနန် ပြည်ကို ၀င်ခွင့် မရတော့ဘဲ သူတို့၏ သားမြေး များကသာ ကာလက်နှင့် ယောရှုတို့နှင့် အတူ ကတိတော်နယ်မြေ ခါနန်ပြည်သို့ ၀င်ခွင့်ရရှိခဲ့လေသည်။

ယခင်က ရှိနှင့်ခဲ့သော အာမလက်လူများကိုပင် ယခုလည်း ရင်ဆိုင်ကြရသည်။ သို့ သော် ယခု အခါ တွင်မူကား ယခင် ကဲ့သို့မဟုတ်။ ယောရှု၊ ကာလက်တို့နှင့်အတူ မျိုးဆက် သစ်တို့သည် ဘုရားသခင်၏ ကတိတော်ကို ယုံကြည်ခြင်းဖြင့် ရန်သူအာမလက်များကို တိုက် ခိုက်ခဲ့ကြသည်။ ယုံကြည်ခြင်းဖြင့် ယေရိခေါမြို့ကြီး ခုရက်တိုင်တိုင် ပတ်ခဲ့သည်။ ယေရိခေါ မြို့ ရိုးကြီး ပြိုလဲသွားသည်အထိ ယုံကြည်ခြင်း အား ကြီးခဲ့ကြသည်။ ဘုရားသခင်၏ နောက် ကို လုံးလုံးလိုက်သော ဤမျိုးဆက်ကို ဘုရား သခင်က အောင်မြင်ခြင်း၊ အောင်မြင်ခြင်း ဆက် တိုက် ရရှိခံစားစေခဲ့သည်။ ရန်သူ၏ နယ်မြေအများစုကို သိမ်းပိုက်ကို သိမ်းပိုက်နိုင်ခဲ့ သော် လည်း ဆက်လက်၍ တိုက်ပွဲဝင်စရာ နေရာတွေ ရှိနေ သေးသည်။ သူတို့လူမျိုး (၁၂) နွယ်စလုံး နေစရာ၊ စိုက်ပျိုးစရာများ အတွက် ဆက်လက် တိုက်ပွဲ ၀င်ရဦးမည်ဖြစ်သည်။

ယခုပြောလိုသည်မှာ ကာလက်နှင့် ပတ်သတ်သော အပိုင်းများကို ပြောဆိုတင် ပြ လို ပါသည်။ ကာလက်၏ အကြောင်းကို ယောရှု ၁၄း၆-၁၄ တွင် ဖော်ပြထားပါသည်။

ယောရှု ၁၄း၆-၁၄ ကိုဖတ်ပါ။

အကျွန်ုပ်နှင့် အတူသွားသော ညီအကိုတို့သည် လူများစိတ်ပျက်စရာကို ပြုသော်လည်း၊ အကျွန်ုပ်သည် ဘုရားသခင် ထာဝရဘုရား နောက်တော်သို့ လုံးလုံးလိုက် ပါ၏။ ထိုနေ့ ရက်၌ မောရှေက သင်သည် ငါ၏ဘုရားသခင် ထာဝရဘုရား နောက်တော်သို့ လုံးလုံးလိုက် သောကြောင့် အကယ်၍ သင်နင်းပြီးသောမြေသည် အစဉ်အဆက် သင်၏အမွေ၊ သင်၏ သား မြေးတို့၏အမွေ ဖြစ်ရလိမ့်မည်ဟု ကျိန်ဆိုလေ၏။ (ယောရှု ၁၄း၈-၉)

အထက်ပါ ကျမ်းပိုဒ်သည် ကာလက်အတွက် အိပ်မက်တစ်ခုဖြစ်ခဲ့သည်။ ထိုနှုတ် ခပတ်တော်ကို ရရှိ ခံစားပြီးချိန် မှစ၍ ဘုရားသခင် ပေးမည့် နယ်မြေနှင့် ပတ်သတ်ပြီး စိတ်ကူး ယဉ်စရာ၊ အိပ်မက် ရူပါရုံ တစ်ခုဖြစ်လာခဲ့သည်။ ထိုအရာ အတွက် အချိန်မည်မျှ ကြာသည် ဖြစ်စေ ထိုအိပ်မက်မှာ ပျောက်ဆုံး သွားခြင်း ပျက်ပြယ်သွားခြင်း မရှိခဲ့ပါ။

တမန်တော်ရှင်ပေါလု၏ ရဲရင့်ပြက်သားသော ရူပါရုံအိပ်မက်မှာ တစ်လောကလုံး ဧ၀ံဂေလိသတင်းစကား ကြားနာခွင့် ရရှိလာရန်ပင်ဖြစ်သည်။ ညှင်းပန်း နှိပ်စက်မှုများ ရှိနေ သည့်တိုင်အောင် သူ၏ အိပ်မက် ရှုပါရုံမှာ ပျောက်ပျက်သွားခြင်း မရှိချေ။

မာတင်လူသာ၏ အိပ်မက်မှာ ယေရှုခရစ်တော်၏ ကယ်တင်ခြင်း ကျေးဇူးတော်ကို လူတိုင်း လွတ်လပ်စွာ ဟောပြောခွင့် ရရှိရေးပင်ဖြစ်တော့သည်။ လူတိုင်းသည် ဘုရားသခင် ၏ နှုတ်ခပတ်တော်ကို နားလည် နိုင်အောင် လူတိုင်း ဖတ်ရှုလေ့လာ နိုင်ရေးပင် ဖြစ်တော့ သည်။ သူမသေမီမှာပင် သူ၏နိုင်ငံမှ သန်းနှင့် ချီသော လူများသည် နှုတ်ခပတ် ကျမ်းစာကို ဖတ်ရှုနိုင်ခဲ့လေသည်။

၁။ မိမိ၏ ဆန္ဒများအတွက် အသက်သိတ်ကြီးသွားပြီဆိုတာ မရှိပါ။

ယောရှု ၁၄း၁၀-၁၁ ကိုကြည့်လျှင် အသက် ရှယ်ဆယ့်ငါးနှစ်ရှိပြီ ဖြစ်ကြောင်း ပြော ကြားထားပြီး ခွန်အား များလည်း ရှိနေဆဲ ဖြစ်ကြောင်း ဖော်ပြထားပါသည်။ လူတို့သည် အ သက် ခြောက်ဆယ်ကျော် ခုနှစ်ဆယ် ရောက်လျှင် အားနည်းသွားသည်။ လုပ်နိုင်သည့် စွမ်း ရည်များ လျှော့နည်းသွားသည်။ သို့သော်လည်း ကာလက် အတွက် ခွန်အားတွေ ရှိနေဆဲ၊ အိပ်မက်တွေကို အကောင်အထည် ဖော်ရန် အားရှိနေဆဲဟု ဖေါ်ပြထားပါသည်။

ကာလက်သည် ၄၅ နှစ်ခန့် ကြာခဲ့ပြီ ဖြစ်သော်လည်း သူ၏ရူပါရုံမှာ အိပ်မက်များမှာ ပျောက် ပျက်မသွားခဲ့ပါ။ အဘယ်ကြောင့်ဆိုသော် ထိုအိပ်မက်မှာ ဘုရားသခင်ကိုယ် တော်တိုင်က ပေးထားသောကြောင့်ဖြစ်သည်။

(၂) ဆန္ဒရှိနေရင် ဘုရားသခင်က ဘယ်တော့မှ ဆွဲနှုတ်သွားမည်မဟုတ်ပါ။

ယောရှု ၁၄း၁၁ အရ ကာလက်သည် ခွန်အားများ ရှိနေဆဲဟု ပြောဆိုသည့် ကျမ်း ပိုဒ်ကို သင်ကိုယ်တိုင် ခံစားကြည့်ပါ။ ထိုစစ်ပွဲကို ၀င်ရောက် တိုက်ခိုက်ရန်အတွက် မည်သည့် ပြဿနာမျှ ကာလက်တွင်မရှိပါ။ သင်၏အသက် ၈၅ နှစ်အရွယ်တွင် ထိုသို့ ပြောဆိုနိုင် သည့် အခြေအနေ ရှိပါဦးမည်လား။ ကာလက်၏ ရူပါရုံအိပ်မက်သည် ဘုရားသခင်ထံမှ တိုက်ရိုက် ရရှိထားခြင်း ဖြစ်သောကြောင့် ဘုရားသခင်က ခွန်အား များနှင့် စွမ်းရည်များကိုပါ တစ်ပါတည်း ပေးထားသည် အသက်ကြီး လာသော်လည်း လျော့ပါးသွားခြင်း၊ ခွန်အားနည်း သွားခြင်းတို့ မရှိခဲ့ချေ။

ယခင် အနှစ်လေးဆယ်က ရှိခဲ့သော အာနကလူကြီးများသည် ထိုနေရာတွင် ရှိမြဲရှိ နေသော်လည်းဘဲ ကာလက်၏ စိတ်နှလုံးကို ဖျက်ဆီးနိုင်ခဲ့ခြင်းမရှိပါ။ ယနေ့ ကျွန်တော် တို့၏ အသက်တာတွင် အာနကဟူသော လူ့ဘီလူကြီးများက သင်၏အိပ်မက် ရူပါရုံများကို ဖျက်ဆီးပစ်ရန် ကြိုးစား အားထုပ်ပါလိမ့်မည်။ သို့သော် သင်၏ရူပါရုံသည် ဘုရားသခင်ပေး ထားသော စစ်မှန်သော အိပ်မက် ရူပါရုံများဖြစ်ပါက သင့်ကို မည်သို့မျှ အနှောက်အယှက် မဖြစ်စေနိုင်ပါ။ သင့်ကို ဘုရားသခင်က ခွန်အားများနှင့် ရစ်ပတ်ပါလိမ့်မည်။ သင်သည် ဖိလ္လိပိ ၄း၁၃ အားဖြင့် ပြန်လည်ကြွေးကြော်ပါလိမ့်မည်။ “ငါ့ကို ခွန်အားနှင့် ပြည့်စုံစေတော် မူသော ခရစ်တော် အားဖြင့် ခပ်သိမ်းသောအမှုတို့ကို ငါတတ် စွမ်းနိုင်၏” ဟူ၍ ဖြစ်ပါသည်။

ကာလက်သည် ဟေဗြန်နယ်ကို သိမ်းပိုက်ရန် ကြိုးစား ပြင်ဆင် ခွန်အားယူနေ သည့် နည်းတူ၊ သင်သည် အစီအစဉ်တစ်ခု၊ လုပ်ငန်း အသစ်တခု လုပ်ဆောင်တော့မည် ဆိုလျှင် ထိုအရာသည် သင့်အတွက် နယ်မြေ အသစ်တစ်ခုပင် ဖြစ်ပေသည်။ ကျွန်တော်တို့ သည် အချိန်မရွေး ကျဆုံးနိုင်သည်။ ကျွန်တော်တို့သည် မစုံလင်သောသူများ ဖြစ်ကြသည်။ ကျွန်တော်တို့သည် အလုပ်တာဝန် အသစ်များအတွက် ဆုတောင်းရမည်၊ အစီအစဉ်ချရ မည်။ ကျွန်တော်တို့သည် မှားယွင်းကောင်း မှားယွင်းနိုင်သည်။ သို့သော် ထိုအရာအတွက် ရင်ဆိုင်လာရမည့် ပြသနာအသီးသီးကို ပြင်ဆင်ထားကြရမည်။ ကာလက်သည် ဟေဗြုန်မြေ ကို ရယူရန် လွန်ခဲ့သော (၄၅) နှစ်က စိတ်နှလုံးတွင် ရှိခဲ့သော်လည်း ထိုအချိန်က ဖြစ်မလာ ခဲ့။ ယခုတစ်ဖန် ကြိုးစားရယူရန် ထပ်မံခွန်အားမွေး ပြင်ဆင်ရသည်။ သင့်အသက်တာတွင် သင်၏ရူပါရူံအိပ်မက်များကို လက်တွေ့ အကောင်အထည် ဖော်ရန် တစ်ခါတည်း အဆင် ပြေ အောင်မြင်ချင်မှ အောင်မြင်ပါလိမ့်မည်။ စိတ်ဓါတ်ကျ အားလျော့ သွားခြင်း မဖြစ်ပါနှင့်။ ဘုရားသခင်က သင့်ကို နောက်တစ်ကြိမ်အတွက် ခွန် အားများဖြင့် ပတ်ရစ်ပါလိမ့်မည်။

(၃) ကျွန်တော်တို့ရဲ့ ဆန္ဒတွေကို အောင်မြင်ရသောအခွင့်ကို ပေးလိမ့်မည်။

နောက်ဆုံး ပြောချင်တာကတော့ အခန်းငယ် (၁၂) မှာ ယောရှုက ပြောခဲ့တာကို ကြည့်ပါ။

“ဤတောင်ကို ကျွန်ုပ်အားပေး ပါ။ ဤတောင်ပေါ်မှာ အာနက လူရှိကြောင်းကို၎င်း၊ ထို့နေ့၌ ကိုယ်တော် ကြားရပြီ။ သို့ရာတွင် ထာဝရဘုရားသည် အကျွန်ုပ်နှင့်အတူ ရှိတော်မူလျှင် အ မိန့်တော်ရှိသည် အတိုင်း ထိုသူတို့ကို နှင်ထုပ်ခြင်းငှါ အကျွန်ုပ်တတ် စွမ်းနိုင်ပါသည်ဟု လျှောက်ဆို၏။” (ယောရှု ၁၄း၁၂)

ကျွန်တော်တို့သည် လူ့ဘီလူကြီးများကို မသတ်နိုင်ပါ။ ဘုရားသခင်ကသာ အကူအညီ ပေး မည် ဖြစ်ပါသည်။

ဘုရားသခင်သည် မောရှည်ကို ဣသရေလလူများအား ကယ်တင်နိုင်ရန် ကူညီခဲ့သည်။

ဘုရားသခင်သည် ဂိဒေါင်ကို လူ (၃၀၀) ဖြင့် ရန်သူ မိဒါန်များကို တံပိုးမှုတ်ပြီး တိုက်နိုင်ရန် အကူအညီ ပေးခဲ့သည်။

ဘုရားသခင်သည် ဒါဝိတ်ကလေးနှင့် အတူပါရှိကာ ကျောက်ခဲလုံးလေးများဖြင့် ဂေါလျက် ကြီးကို အနိုင်ယူ ပေးလိုက်သည်။

ဘုရားသခင်သည် တမန်တော်များနှင့် အတူပါရှိပြီး ကယ်တင်ခြင်း သတင်းကောင်းကို ရော မ အင်ပါယာ ကြီးတစ်ခုလုံးတွင် ပြန့်နှံ့သွားစေရန် လုပ်ဆောင် ကူညီပေး လိုက်တယ်။

ကျွန်တော်တို့သည် ယနေ့ ကျွန်တော်တို့တွင် ရှိနေသည့် အိပ်မက် ရူပါရုံများအတွက် ဘုရားသခင်က ကူညီ မစမည်ကို သံသယ ကင်းမဲ့စွာ ယုံကြည်ထားပါသည်။ လုပ်ဆောင်ရ မည့် အလုပ်များအတွက် ကျွန်တော်တို့ ကြိုးစားအားထုပ်ဘို့ လိုအပ်လာသည့် အခါတိုင်း ကိုယ်တော်က ပြောမည်မှာ “မင်းတစ်ယောက်ထဲ မသွားစေ ချင်ပါဘူး။ မင်းနဲ့ အတူငါ သွား မယ်။ မင်းရဲ့ အိပ်မက်တွေကို အကောင်အထည်ပေါ်ဘို့ ငါလည်းကူညီမယ်” ပြောပါ လိမ့် မည်။

သင်၏ ရူပါရုံများ၊ လုပ်ဆောင်လိုသည့်အရာများ၊ အခက်အခဲများ မည်မျှကြီးမားသည် ဖြစ် စေ ဘုရားသခင် ကတော့ သင်ကို ဘယ်သောအခါမျှ ရှုံးစေမည်မဟုတ်ပါ။ သင်၏ အိပ်မက် ရူပါရုံများ အောင်မြင်လာစေရန် ကူညီမစခြင်းဖြင့် အောင်မြင်ခြင်းကို ရယူခံ စားနိုင်ပါလိမ့် မည်။

နာမတော်မြတ်၌
Rev. ဦးမင်းလွင်
ကိုးမိုင်ခရစ်ယာန်အသင်းတော်

Nov 17, 2018

ဆာလံ (၂၃)

ယုံကြည်သူတိုင် ရင်းနှီးကျွမ်းဝင်သော ကျမ်းပိုဒ် အချို့ရှိကြပါသည်။ လူအများ ကြိုက်နှစ်သက် သည့် ကျမ်းပိုဒ် များသည် တစ်ယောက်နှင့် တစ်ယောက် မတူညီ ကွဲပြား ခြားနား ကြသော်လည်း ဆာလံ (၂၃) ကျမ်းပိုဒ်များမှာမူ အကြိုက်တူညီကြပါသည်။ မိမိ ခွန်အား ရရှိသလို အဓိပ္ပါယ် အမျိုးမျိုး ဖွင့်ဆိုကာ ကျေနပ်မှု အပြည့်ဖြင့် ဖတ်ရှုကာ ဝမ်းမြောက်ခြင်း ခံစားနေကြပါသည်။ ထိုအကြောင်း အရာကို အနည်းငယ် ဝေငှ လိုပါသည်။

ထာဝရဘုရားသည် ငါ၏သိုးထိန်းဖြစ်တော်မူ၏။ (ဆာလံ ၂၃း၁)

ဆာလံ (၂၃)ကို ကျွန်တော်တို့ အလွန် ရင်းနှီး ကျွမ်းဝင်နေသော စကားလုံးဖြင့် အစပြု ထားသည်ကို တွေ့ရမည် ဖြစ်သည်။ “ထာဝရ ဘုရားသည် ငါ၏သိုးထိန်း ဖြစ်တော်မူ၏။ ငါ၌ ဆင်းရဲမခံရ” တစ်စုံတစ် ယောက်က  “ငါ၌ ဆင်းရဲမခံရ” ဟူသော စကားလုံးကို အမှတ်တမဲ့ ကြားရပါက ဂရုတစိုက် ပြန်လည် တုန့်ပြန် ကြမည် ဖြစ်သည်။ အဘယ်ကြောင့် ဆိုသော် ကျွန်တော်တို့သည် ဆင်းရဲခက်ခဲလွန်းတဲ့ အခြေ အနေ မျိုးတွင် ရှိနေကြသောကြောင့် ဖြစ်ပါသည်။

လူတိုင်း အားရ ကျေနပ်နိုင်သော အခြေအနေမျိုးကို တစ်ခါမျှ မရနိုင်ခဲ့ပါ။ အဖြူရလျှင် အမည်ရောင် လိုချင်ကြ သည်။ အကြီးရလျှင် အသေးလိုချင်ကြသည်။ ထိုနောက်တွင်ကား မပြည့်စုံနိုင်သော အလိုဆန္ဒ များကြောင့် အစဉ်အော်ဟစ် တောင်းဆို နေကြသည်မှာ ကျန်းမာခြင်း၊ ကား၊ တိုက်၊ အစရှိသဖြင့် မိမိလိုချင် သော အရာများကို နေ့စဉ်တောင်ဆို နေကြတော့သည်။

ထိုသို့ ငါဆိုသော်၊ ကိုယ်တိုင် ဆင်းရဲခြင်းကို ရည်မှတ်၍ ဆိုသည်မဟုတ်။ အကြောင်းမူကား၊ ငါသည် တွေ့ကြုံ သမျှသော အခြင်းအရာတို့၌ ရောင့်ရဲသော စိတ်ရှိ အံ့သောငှါ သင်မိပြီ။ ရှုတ်ချခြင်း ကိုလည်း ကောင်း၊ ကြွယ်ဝခြင်းကို လည်းကောင်း ခံတတ်၏။ ဝစွာစားခြင်း၊ မွတ်သိတ်ခြင်း၊ စည်းစိမ်ရှိခြင်း၊ ဆင်းရဲခြင်းတို့ကို ခံရအံ့သောငှါ အရပ်ရပ်တို့တွင် အရာရာ၌ သင်မိပြီ။ (ဖိ ၄း၁၁-၁၂)

ဘုရားသခင်က ကျွန်ုပ်တို့ကို ပျော်ရွှင်ကျေနပ်မှုများဖြင့် အသက်ရှင်ရန် အလိုတော် ရှိပါသည်။ ကျွန်တော်တို့သည် မနာလိုမှုများ ဂနာမငြိမ်မှုများဖြင့် ကျွန်ုပ်တို့တွင်  မရှိသော အရာများ အတွက် ခံစားဝမ်း နည်းမှုများဖြင့် အသက်ရှင်ရန် မသင့်လျော်ပါ။ကျွန်တော်တို့သည် ကိုယ်တော်နှင့် ဆိုင်သောသူများ ဖြစ်သော ကြောင့် ကျေးဇူးတော် ချီးမွမ်းခြင်းယဇ်များကို ပူဇော်တတ်သော နှလုံးသားများဖြင့် အသက်ရှင် သင့်ပါသည်။
ကျွန်တော် တို့သည် ကျေးဇူးတော်ချီးမွမ်းရမည်။ အဘယ်ကြောင့် ဆိုသော် ကျွန်တော်တို့ လိုအပ်နေသော အရာများကို သိုးထိန်း ကောင်းကြီးက ပေးအပ်နေသောကြောင့် ဖြစ်သည်။

ကျမ်းစာအုပ် ထဲတွင် အကြိမ်ပေါင်းများစွာ လူသားများကို သိုးအုပ်စု (သို့) သိုးလေး တစ်ကောင်အဖြစ် အမြဲ တစ်စေ နှိုင်းယှဉ် ဖေါ်ပြခဲ့သည်။ သိုးဆိုသော သတ္တဝါမှာ အလွန် လှပပါသည်။ သို့သော် ထိုသတ္တဝါမှ
ကမ္ဘာပေါ်တွင် အကြား အာရုံ ချို့တဲ့နေသော သတ္တဝါ တစ်ကောင်မျှသာ ဖြစ်သည်။ ထို့ကြောင့် ဟေရှာယက ပြောခဲ့သည်မှာ

“ငါတို့ ရှိသမျှသည် သိုးကဲ့သို့လမ်းလျက် ကိုယ့်လမ်းသို့ အသီးသီး လိုက်သွား ကြသည်ဖြစ်၍ ထာဝရဘုရားသည် ခပ်သိမ်းသောငါတို့၏ အပြစ်များကို သူအပေါ်၌ တင်တော်မူ၏။ (ဟေရှာ ၅၃း၆)
ငါတို့ရှိသမျှ ဆိုသည်မှာ ကမ္ဘာပေါ်ရှိ လူသားအားလုံးကို ဆိုလိုပါသည်။ သခင်ယေရှုသည် ခရစ်ဝင်ကျမ်း များတွင် နောက်တော်တွင် လိုက်နေသော လူအုပ်ကြီးကို ရှုမြင် သုံးသပ်ရာတွင် “အထိန်းမရှိသော သိုးများဟု” ရည်ညွှန်း ခေါ်ဝေါ်ခဲ့ကြောင်း ခရစ်ဝင်ကျမ်း ရေးသားသူက မှတ်တမ်းတင် ထားသည်။ ထိုဝေါ ဟာရကို အသုံးပြု ထားရာတွင် တစ်စုံတစ်ရာ တင်စားထားခြင်း မဟုတ်ဘဲ အကူအညီ မဲ့နေသောသူ၊ အထီးကျန် ဆန်သောသူဟူ၍ ပြောဆို လိုခြင်းသာ ဖြစ်ပါသည်။

သိုးမွေးမြူရေး လုပ်ငန်းကြီးကို အကြီးအကျယ် လုပ်ခဲ့သူ တစ်ဦးဖြစ်သော Philip Keller ဆိုသူသည် "A shepherd Looks at the Twenty third Psalm" “သိုးထိန်းတစ်ယောက် ဆာလံ(၂၃)ကို လေ့လာခြင်း” ဟူသော စာအုပ်တွင် ရေးသား ထားသည်မှာ သိုးမွေးမြူရေး ဆိုသည်မှာ အခြား လုပ်ငန်းများထက် ပိုမို ဂရုစိုက် လုပ်ဆောင်ရကြောင်း၊ အဘယ်ကြောင့် ဆိုသော ထိုသတ္တဝါသည် သူတို့ကိုယ် သူတို့ ဂရုမစိုက် သောကြောင့် ဖြစ်ကြောင်း ရေးသား ဖေါ်ပြထားသည်။

သိုးများ၏ အမြင် အာရုံမှာ အားနည်းပါသည်။ အလွန် ခေါင်းမာသည်။ သို့သော် အလွန် စိုးရိမ် တတ်သည်။ အုပ်စုလိုက် နေထိုင်ပါက ကမူရှူးထိုး ရောက်တတ်ရာရာ တစ်ကောင်တစ်နေရာ အစဉ်ပြေသလို ပြေးတတ်သည်။ သူတို့တွင် မိမိကိုယ်ကို မည်ကဲ့သို့ ကာကွယ် ရမည်ဟူ၍ နည်းစနစ် မရှိချေ။ သူတို့သည် ကြောက်တတ် ကြသည်။ သူတို့သည် အားနည်းသော သဘော သဘာဝ ရှိသည်။ သူတို့ကို ကာကွယ် ပေးမည့် သိုးထိန်းမရှိလျှင် ထွက်ပြေးဘို့ နည်းလမ်း တစ်ခုတည်းသာ သိသည်။ ကျွန်တော်တို့သည် ပြဿနာ တစ်စုံတစ်ရာ တွေ့ကြုံရပြီဆိုပါက ကမူရှူးထိုး မိမိ ထင်မြင်ချက် အတိုင်း မှားသည် မှန်သည်ကို မစဉ်းစားဘဲ ဖြေရှင်း တတ်ကြသည် မဟုတ်ပါလား။

သိုးတစ်ကောင်သည် မိမိ၏ အိမ်ပြန်လမ်းကို မည်ကဲ့သို့ ရှာဖွေ ရမည်ကို သိမြင်ခံစားနိုင်သည့် အာရုံခံ စားမှုမျိုး မပါရှိချေ။ ခွေး၊ မြင်း၊ ကြောင်၊ ငှက် စသည်တို့သည် မိမိတို့ နေရာအရပ်ကို မည်ကဲ့သို့ ပြန်ရမည်ကို သိရှိပြီး သားဖြစ်သည်။ သိုးတစ်ကောင် အဘို့ လမ်းလွှဲပြီ ဆိုလျှင် မည်သို့မျှ အသက်ရှင် ရပ်တည်ရန် မဖြစ်နိုင် တော့ချေ။

သိုးတစ်ကောင်ပျောက်လျှင် ကိုးဆယ်ကိုးကောင်သောသိုးတို့ကို တောတွင်ထားခဲ့ပြီးမှ ပျောက် သောသိုး တစ်ကောင်ကို မတွေ့မှီတိုင်အောင်သွား၍ မရှာဘဲနေမည်လော။  (လု ၁၅း၎)

ထို့ကြောင့် ဆာလံ (၂၃)၏ အခြေခံအရင်းအမြစ်ကို လေ့လာဆန်းဆစ်ကြည့်ရာတွင် သိုးထိန်း မပါဘဲနှင့် ပြည့်စုံလုံလောက်သော အခြေအနေကို ရရှိခံစားနိုင်သည်မှာ မဖြစ်နိုင်ပါချေ။

စိမ်းလန်းသော ကျက်စားရာအရပ်

ဆာလံဆရာ ဒါဝိတ်ကိုယ်တိုင်က “ထာဝရဘုရားသည် ငါ၏သိုးထိန်းဖြစ်တော်မူ၏။ ငါ၌ ဆင်းရဲမခံရ” ဟူ၍ ရေးသားစပ်ဆို ထားသည်မှာ အံ့သြစရာတစ်ခုတော့မဟုတ်ပါ။ အသက်တာအတွက် ဆင်ခြင်စရာ တစ်ခုသာလျှင် ဖြစ်ပါ သည်။ ဆက်လက်၍ “စိမ်းလန်သော ကျက်စားရာအရပ်၌ ငါ့ကို အိပ်စေတော်မူ၏” ဟူ၍ ရေးသားထား ပါသည်။ ဤနေရာတွင် သိုးတစ်ကောင်၏ ပုံရိပ်ကို အပြည့်အဝ ယူဆောင်ထားပြီး ကျေနပ်စရာ အနေ အထားတစ်ခုကို ညွှန်ပြနေပါသည်။ သိုးတစ်ကောင်အတွက် အရေးကြီးဆုံးအရာမှာ စိမ်းလန်းသော ကျက် စား ရာအရပ်ကို ရရှိပိုင်ဆိုင်ထားပါလျှင် အားလုံးသည် ပြည့်စုံ လုံလောက် သွားသည်ဟူ၍ ယေဘူယျ အားဖြင့် ဆိုနိုင်သည် မဟုတ်ပါလော။ ထိုနေရာတွင် အိပ်စက် ပျော်မွေ့နိုင် သည်ဟု ဆိုထားသည် မဟုတ်ပါလား။

ဤနေရာတွင် စကားလုံးတစ်လုံးမှာ “ငါ့ကို အိပ်စေတော်မူ၏” ဟူသော စကားမှာ ကျွန်တော်တို့ အတွက် သတိထားရမည်။ တစ်ခါတစ်ရံ ဘုရားသခင်က ခွန်အားနှင့် အိပ်ခိုင်းသောအချိန် ရှိနေတတ်သည်။
ကျွန်တော်တို့သည် တစ်ခါတစ်ရံ ကျွန်တော်တို့၏စိတ်နှင့် အမူအကျင့်များနှင့်အညီ ရပ်နားသင့်သည့် အခါများတွင် ရပ်တန့်ခြင်းမရှိ ကြိုက်သလို ဆက်လက်လုပ်ဆောင်နေတတ်သည်။ ထိုအခါမျိုးတွင် ဘုရားသခင်၏ အသံကို ကြားနာတတ်ရန် အရေးကြီးသည် မဟုတ်ပါလား။ တစ်ခါတစ်ရံတော့ ဘုရား သခင်က “မင်းအိပ်ဘို့ လိုနေသည်” ဟု ပြောဆိုသည့်အခါမျိုးလည်း ရှိနေတတ်ပါသည်။ ထိုအချိန်မျိုး တွင် ကျွန်တော်တို့သည် မည်သည့် အခြေအနေမျိုးတွင် ရှိနေသည် ဖြစ်စေ ဘုရားစကားကို နားထောင်ရ မည်သာဖြစ်သည်။
Keller ကပြောသည်မှာ သိုးတစ်ကောင် အိပ်စက်နိုင်ရန် အောက်ပါ အချက် (၄)ချက် လိုအပ်ပါသည်။
1.    ပထမ အစာဝအောင် စားထားသည့်အချိန်မျိုးတွင် အိပ်ပျော်တတ်ပါသည်။
2.    ဒုတိယအနေဖြင့် မကြောက်တတ်သောအချိန်များတွင် အိပ်ပျော်တတ်ပါသည်။
3.    တတိယအနေဖြင့် တင်းတိမ်ရောင့်ရဲသောအခါများတွင် အိပ်ပျော်တတ်ပါသည်။
4.    သိုးအုပ်အတွင်း၌ ညီညွှတ်မှု ရှိနေသောအခါများတွင် အိပ်ပျော်တတ်ပါသည်။

နှုတ်ခပတ်တော်သည် သင့်၏အသက်တာကို ဝပြောစေလိမ့်မည်။ ကြောက်ရွံ့ခြင်း ကင်းစေလိမ့်မည်။ ကျေနပ်ရောင့်ရဲစေလိမ့်မည်။ သင်တို့၏ ပတ်ဝန်ကျင်၊ အသိုင်းအဝိုင်းနှင့် ညီညွှတ်စေလိမ့်မည်။

သာယာသောမြစ်နား

ဒါဝိတ်က ဆက်လက်၍ “ငါ့ကိုသာယာသော မြစ်နားသို့ ပို့ဆောင်တော်မူ၏” ဟူ၍ ရေးသားထားသည်။ ဆိုလိုသည်မှာ သိုးများကို ရေရှိရာ ရေစပ်နားသို့ မောင်းထုပ်လိုက်ခြင်း ဖြစ်ပါသည်။ သူတို့သည် ရေမကူး တတ်ပါ။ သိုးများသည် ရွံ့လူးသော သတ္တဝါများ မဟုတ်ကြသော်လည်း ကမ်းနားတွင် ရွံ့အိုင်များထဲတွင် သူတို့၏ ထူထဲသော အမွေးပွကြီးများဖြင့် မရုန်းနိုင် မထွက်နိုင် သောအခါများ ရှိနိုင်သည်။ ထိုအခါများတွင် ကူညီပေးတတ်ကြပါသည်။

တစ်ခါတစ်ရံတွင် ကျွန်တော်တို့သည် လောကအရာများထဲတွင် မရုန်းနိုင် မကန်နိုင်သောအခါများ ရှိနေလျှင်လည်း ကျွန်တော်တို့ကို မနစ်မြုတ် မပြောင်းလဲနိုင်ရန် အကူအညီပေးတတ်ပါသည်။ ဘုရားသခင် သည် ကျွန်တော်တို့၏ အားနည်းချက်များကို သိပါသည်။ ကျွန်တော်တို့ကို သာယာသော မြစ်နားသို့ ပို့ဆောင်တတ် ပါသည်။ လောက၏ စုံစမ်းခြင်းများထဲမှ မရုန်းထွက်နိုင်သောအခါ ကျွန်တော်တို့အတွက် ထားရှိသော ကတိတော်များဖြင့် အကူအညီပေးလေ့ရှိပါသည်။ ကျွန်တော်တို့ ရုန်းထွက်ရန် ခက်ခဲနေသော အခါများတွင်လည်း နားလည်မှုအပြည့်ဖြင့် ကွယ်ကာ လမ်းပြတတ်ပါသည်။
လူ၌ဖြစ်တတ်သော စုံစမ်းနှောက်ယှက်ခြင်းကိုသာ သင်တို့သည် ခံရကြ၏။ သင်တို့မခံနိုင်သော စုံစမ်း နှောက် ယှက်ခြင်းကို သင်တို့၌ ရောက်စိမ့်သောငှါ အခွင့်ပေးတော်မမူ။ သင်တို့သည် ခံနိုင်မည် အကြောင်း စုံစမ်းနှောက် ယှက်ခြင်းအရာနှင့်တကွ ထွက်မြောက်သောလမ်းကိုလည်း စီရင်ပြုပြင်တော် မူလိမ့်မည်။ (၁ကော ၁၀း၁၃)

ဘုရားသခင်သည် သစ္စာနှင့် ပြည့်စုံသော ဘုရားဖြစ်ပါသည်။ သူသည် ကျွန်တော်တို့ အသက်တာတွင် စုံစမ်းသွေးဆောင်မှုထဲ ကျဆင်းသွားသောအခါ ထိုနေရာမှာတင် မထနိုင်တော့သည့်အခြေအနေမျိုးတွင် ထားရှိ ခြင်းမပြုပါ။ ထွက်မြောက်နိုင်သောလမ်းကိုလည်း စီရင်ပြုပြင်ပြီးသားဖြစ်သည်။ ဘုရားသခင်သည် ကျွန်တော်တို့ကို ဂရုစိုက်နေသော ဘုရားဖြစ်ပါသည်။ ကျွန်တော်တို့အတွက် ထွက်မြောက်ရာလမ်းကို ပြုပြင် လုပ်ဆောင်ပေး ချင်သောဘုရားသခင် ဖြစ်ပါသည်။
ထို့ကြောင့် ကိုယ်တော်ကို တွေ့သင့်သော အချိန်ကာလ၌ သန့်ရှင်းသူ အပေါင်းတို့သည် ရှေ့တော်၌ တောင်း လျှောက်ပါလိမ့်မည့်။ အကယ်စင်စစ် လွှမ်းမိုးတတ်သော ရေကြီးသည် သူတို့ထံသို့ မချဉ်း ရပါ။ ကိုယ်တော်သည် အကျွန်ုပ်ခိုလှုံရာ ဖြစ်တော်မူ၏ အကျွန်ုပ်ကို တွေ့သင့်သော အချိန်ကာလ၌ သန့်ရှင်းသူ အပေါင်းတို့သည် ရှေ့တော်၌ တောင်းလျှောက်ကြပါလိမ့်မည်။ အကယ်စင်စစ် လွှမ်းမိုးတတ်သော ရေကြီးသည် သူတို့ထံသို့ မချဉ်းရပါ။ (ဆာလံ ၃၂း၆-၇)
ဒါဝိတ်က ဆက်လက်၍ ပြောကြားခဲ့သည်မှာ “အကျွန်ုပ်၏ ဝိညာဉ်ကို အားဖြည့်၍” ဟူသော စကား စုကို မြင်တွေ့ရပါသည်။ ပျောက်သောသိုးတစ်ကောင်သည် အိမ်သို့ မပြန်တတ်ပါ။ ထို့ကြောင့် သိုးထိန်းသည် ပျောက်နေသောသိုးကို ပြန်လည်ရှာဖွေကာ ပြန်လည် သိမ်းဆည်းတတ်ပါသည်။

သင်သည် ကားတိုင်လမ်းသို့ ပြန်မလာတတ်ဘဲ ပျောက်ဆုံးနေပါက သင်၏အိမ်ကို ပြန်လည်တွေ့ရှိခွင့် ပေးပါ လိမ့်မည်။ သင်သည် အိမ်ပြန်ရသောအခွင့်ကို ဘုရားသခင်က ရှာဖွေပေးပါလိမ့်မည်။ ဘုရားသခင် ထံသို့ ပြန်လာပါ။ ကားတိုင်လမ်းကို ပြန်လာခဲ့ပါ။ သင်၏ ဝိညာဉ်ကို ခွန်အားနှင့် ပြည့်ဝသော ယုံကြည်သူတစ် ယောက်ဖြစ်ရန်၊ ဘုရားသခင်၏အမျက်တော်မှ ကင်းလွတ်ခွင့်ရရန် သခင်ယေရှုသည် သင့်ကို ကားတိုင်တ ရားတော်အားဖြင့် ရွှေးနှုတ်ကယ်တင်ခဲ့သည်ကို သတိရပါ။ ကျွန်တော်တို့၏ အသက်ဝိညာဉ်ကို ကယ်တင်ရန် ကားတိုင်ထက်တွင် သခင်ယေရှု အသက်ပေးဆပ်ခဲ့သည်ကို သတိရပါ။

အချုပ်အားဖြင့် ဆိုရသော် သိုးထိန်သည် သိုးတစ်ကောင်ချင်းစီအတွက် အရေးပါသော အနေအထား တွင် ရှိနေသကဲ့သို့ ကျွန်တော်တို့ ယုံကြည်သူ တစ်ဦးတစ်ယောက်ချင်းစီတိုင်းသည်လည်း ဘုရားသခင်နှင့် ဆက်နွယ်ပတ်သတ်ရာတွင် အလွန်အရေးကြီးသော အခြေအနေတွင် ရှိနေပါသည်။ ထို့ကြောင့် သင့်အသက် တာတွင် ဘုရားသခင်ကို မျှော်လင့် အားကိုးတတ်ခြင်း မရှိသေးပါက သင့်အသက်တာအတွက် အလွန် ကြီးမားသော ပြဿနာကို ဖိတ်ခေါ်နေသကဲ့သို့ ဖြစ်ပါသည်။ ထို့ကြောင့် ဘုရားသခင်နှင့် အသက်ရှင် သွားလာ တတ်စေရန် ဝေငှတိုက်တွန်းလိုက်ရပါသည်။ (အာမင်)

နာမတော်မြတ်၌
Rev. ဦးမင်းလွင်
ကိုးမိုင်ခရစ်ယာန်အသင်းတော်

Nov 10, 2018

အသစ်သောအရာတွေ လုပ်ဆောင်ချင်တဲ့ဘုရားသခင်


ဖြစ်ဘူးသောအရာတို့ကို မအောက်မေ့ကြနှင့်။ ရှေးကာလ၏အရာတို့ကို ပမာဏမပြုကြနှင့်။ ကြည့်ရှုလော့။ အမှုသစ်ကို ငါပြုမည်။ ယခုပေါ်လာ လိမ့်မည်။ သင်တို့သည် အမှန်သိမြင်ရကြ လိမ့်မည်။ အကယ်စင်စစ် တော၌ လမ်းကို၎င်း၊ လွင်ပြင်၌ စီးသောရေကို၎င်း ငါဖန်ဆင်းမည်။ (ဟေရှာ ၄၃း၁၈-၁၉)

ဟေရှာယ၏ ရေးသားသောအရာမှာ ဣသရေလလူမျိုးတို့သည် ဘာမျှမရှိ ကတုံးဖြစ်နေသည့် သူတို့ တိုင်းပြည်အခြေအနေတွင် သူတို့သည် သူ့ကျွန် ဘဝရောက်နေသည်။ သူတို့သည် မည်သည့်အရာမျှ တော့ဟု ခံစားနေချိန်ဖြစ်သည်။ သူတို့သည် မိမိ၏ ဌာနကို လွမ်းဆွတ်နေချိန်တွင် ဘုရားသခင်က ကတိပြု ပြောဆိုထားသောအရာဖြစ်သည်။ ဣသရေလလူမျိုးတို့အနေဖြင့် ယခုအချိန်တွင် ဘုရားသခင် ပြုတော်မူမည့် အသစ်သော လုပ်ဆောင်ချက်များကို မျှော်လင့်နေမိသည်။ လက်ရှိ အခြေအနေတွင် ဘုရားသခင်က အခြေအနေဆိုးကို တွေ့ ကြုံစေ ခဲ့သော်လည်း ယခင်အတိတ်ကို ပြန်လည် စဉ်စားကြည့် ပါက အားရ စရာတွေ အများအပြားရှိသည်။ ထို့ကြောင့် ဣသရေလ လူတို့သည် အတိတ်ကို ပြန်စဉ်စားပြီး လက်ရှိအခြေအနေကို ငြီတွားနေကြသည်။ ထို့ကြောင့် ဘုရားသခင်က သူတို့ကို အထက်ပါ နှုတ်ခ ပတ်တော်ဖြင့် စကားပြောဆိုခြင်း ဖြစ်ပါသည်။ ထိုနှုတ်ခပတ်တော်ကို ဆင်ခြင် ကြည့်ကြပါစို့။

အောက်ပါအတိုင်း အဆင့် များခွဲကာ လေ့လာဆင် ခြင်နိုင်ပါသည်။

ပထမအချက်

အနေဖြင့် ဘုရားသခင်သည် သင့်အသက်တာထဲတွင် အသစ်သောအမှုပြုနိုင်ရန် သင်ကြည့်နေသော အမြင်များကို ပြောင်းလဲပစ်ရမည်။ နောက်ကို လှည့်မကြည့်ပါနှင့်။ အတိတ်ကိုသာ ထားခဲ့ပါ။
သင်သည် နောက်ကိုသာ လှည့်ကြည့်နေဦးမည်ဆိုပါက သင်သည် ရှေ့ကို မြင်နိုင်ပါဦးမည်လား။ အတိတ်ကိုသာ ထားခဲ့ပါ။ အသစ်သော အရာများက သင့်ထံသို့ အမြဲတမ်းရွေ့လျားနေချင်ပါသည်။ သင်ဟာ အတိတ်က အောင်မြင်မှုတွေ အပေါ်မှာ မည်သို့မျှ ရပ်တည်နေ၍ မရနိုင်ပါ။ အတိတ်အရာတွေကို မေ့ပစ်လိုက်ပါ။

ဣသရေလ လူတို့တွင် အတိတ်မှာ အောင်မြင်မှုတွေ အများအပြား ရှိထားသည်။ သူတို့၏အတိတ်သည် အလွန် အားရစရာ ကောင်းလှပါသည်။ ပြန်စဉ်းစား ကြည့်ပါ။ အောက်ပါအချက်များက သူတို့ သမိုင်း တစ်လျှောက်တွင် မည်သို့မျှ မေ့မရနိုင်သည့် အဖြစ်အပျက်များဖြစ်သည်။
  1. အဲဂုတ္တုပြည်မှ နိမိတ်လက္ခဏာများခံစားပြီး ထွက်ခွာနိုင်ခဲ့ခြင်း
  2.  ယေရိခေါ်မြို့ကို အောင်မြင်ခြင်း
  3. တရားသူကြီးခေတ် တစ်လျောက် ဦးဆောင်ခဲ့သော ခေါင်းဆောင်ကောင်းများ . . . အစရှိသည်ဖြင့် ပြန်လည်တွေးတောမိတိုင်း အားရစရာ ကောင်းနေ ပါသည်။ သို့သော် ထိုအောင်မြင်မှုများကို ပြန်လည် စဉ်စား ပြီး ယခုအချိန်တွင် သာယာနေ၍ မဖြစ်နိုင်တော့ချေ။

အခုချိန်မှာတော့ သူတို့ဟာ ကျွန်ဘဝကို ရောက်ရှိနေပါသည်။ အတိတ်မှ အောင်မြင်မှုများသည် သူတို့ကို လွတ်မြောက်ခြင်း ပေးနိုင်သည့် အခြေအနေတွင် မရှိပါ။ သူတို့အတွက် နိမိတ်လက္ခဏာအသစ်၊ အလုပ်သစ်၊ အခြေအနေသစ်များ လိုအပ်နေပါသည်။ ယခုအချိန်တွင် ဘုရားသခင် မိမိတို့ အတွက် ဘာတွေ လုပ်ပေးခဲ့ပြီဆိုသည်ကို စဉ်စားကြည်နူးရမည့် အချိန်မဟုတ်တော့်ပါ။ ထိုအရာများကို ဘုရားသခင်၏ ဘုန်းတော် ထင်ရှားစေရန် ပြန်လည် သက်သေခံနိုင်ပါသည်။ သို့သော် ထိုအရာများပေါ်တွင် ရပ်တည်နေ၍ မဖြစ်နိုင်ပါ။ လက်ရှိ အခြေအနေအရ စဉ်စားသင့်သော အရာများ (သို့) ဖြစ်သင့်သော မေးခွန်းများမှာ

ဘုရားသခင် ကျွန်တော်တို့အသက်တာကို မည်ကဲ့သို့ လုပ်ဆောင်ဘို့ အစီအစဉ်ရှိပါသနည်း။
ကျွန်တော်တို့ ဘုရားသခင်အတွက် မည်သည့်အရာများကို လုပ်ဆောင်ပေးရပါမည်နည်။


ဒုတိယအချက်

ခရစ်တော်ထံမှ အသစ်သောအရာတွေကို သင်မျှော်လင့်နေတယ်ဆိုရင် သင့်ရဲ့ ကျဆုံးခြင်းတွေကလည်း သင့်ကိုပိုင်ဆိုင်မှု မပြုပါစေနှင့်။ အတိတ်ကို လုံးဝ မဆက်ဆံပါနဲ့။
ဣသရေလ လူမျိုးများသည် ဘုရားသခင်ကို စိတ်ဆိုးစရာတွေ ပြုမူခဲ့ပြီး ဆုံးရှုံးမှုတွေကို ခံစားခဲ့ရသည်။ ဘုရားသခင်က ကောင်းကြီးမင်္ဂလာတွေကို အစဉ်သွန်းလောင်းခဲ့သော်လည်း သူတို့ကအမြဲတမ်း ဆိုးသွမ်းမှုတွေနှင့်သာ တုန့်ပြန်ခဲ့သည်။ သူတို့လုပ်ဆောင် ပုံတွေကို ပြန်စဉ်စားကြည့်လျှင် အမှန်တကယ် ဝမ်းနည်းစရာတွေ အများအပြားရှိနေသည်။ ဘုရားသခင်ကို ဤလူမျိုးကို အမှန်တကယ်ချစ်ပြီး အမှန်တကယ် ကောင်းကြီးပေးရန် ခေတ်အဆက်ဆက် ပြင်ဆင်ခဲ့သော်လည်း ပြစ်မှားမှုတွေနှင့်သာ တုန့်ပြန်ခဲ့ သည်။ ထိုအရာများကြောင့် ဣသရေလလူမျိုးတို့ ကျဆင်းခဲ့ရသည်။ အတိတ်သမိုင်းကြောင်းက အမှား တွေကို ပြန်လည် ဆင်ခြင်ကြည့်ပါက အောက်ပါ အတိုင်း တွေ့ရှိရပါသည်။

  1. ဘုရားသခင်က ဗိမ္မာန်တော်ပေးခဲ့သည်။ သူတို့က ရုပ်တုတွေကိုသာ ဝတ်ပြုကိုးကွယ်ခဲ့သည်။
  2. ဘုရားသခင်က သမ္မာတရားကိုပေးခဲ့သည်။ သူတို့က မုသာတွေနှင့်သာ အသက်ရှင်ခဲ့ကြသည်။
  3. ဘုရားသခင်က ပညတ်တော်တွေပေးခဲ့သည်။ သို့သော် လူတို့၏ အကြံညဏ်များကိုသာ အား ကိုးခဲ့ကြသည်။
  4. ဘုရားသခင်က ကြွယ်ဝခြင်းတွေပေးခဲ့သည်။ သူတို့က ထိုအရာများကို အပြစ်တင်မှုများဖြင့် ဆင်းရဲခြင်းလမ်းကိုသာ ရွေးချယ်ခဲ့ကြသည်။
  5. ဘုရားသခင်က ကိုယ်တိုင် သူတို့ထံသို့ ပေးကမ်းခဲ့သည်။ သို့သော်သူတို့ ငြင်းဆန်ခြင်းမှတစ်ပါး အဘယ်အရာကိုမျှ ပြန်လည် မပေးခဲ့ပါ။

ဣသရေလလူမျိုးများသည် ဘုရားသခင်ထံမှ မည်သည့်အရာများကိုမျှ လက်ခံရန် ထိုက်တန် သည့်သူများ မဟုတ်ကြချေ။ သူတို့ကို ဘုရားသခင်က ချစ်နေသေးသည်။ သူတို့ကို ကူညီချင်သေးသည်။ ဘုရားသခင်က ပြောသောစကားများမှာ အတိတ်ကို မေ့လိုက်ပါ။ ငါအသစ်သောအမှုကို ပြုမည်။

“ဆိုးသောသူသည် မိမိလမ်းကို၎င်း၊ မတရားသောသူသည် မိမိအကြံတို့ကို၎င်း၊ စွန့်ပစ်၍ ထာဝရဘုရား ထံတော်သို့ ပြောင်းလဲပါစေ။ သို့ပြု လျှင် သနားတော်မူလိမ့်မည်။ ငါတို့ ဘုရား သခင်ထံတော်သို့ ပြောင်းလဲပါစေ။ သို့ပြုလျှင် အထူးသဖြင့် အပြစ်ကို လွှတ်တော်မူလိမ့်မည်။” (ဟေရှာ ၅၅း၇)

သင်သည် ဝိညာဉ်ရေးရာ အသက်တာကို ပိုမိုကောင်းကြီးမင်္ဂလာခံစားလိုပါလျှင် နားလည်ရမည့် အရာတစ်ခုမှာ မနေ့က ယုံကြည်ခြင်းကို သင်မှီခို နေ၍မရပါ။

အစ္စရေးလူမျိုးတို့၏ ဝိညာဉ်ရေး ကောင်းကြီမင်္ဂလာများမှာ အံ့သြစရာဖြစ်ပေသည်။ ပထမဦးစွာ ပဿခါပွဲ၊ ပင်လယ်နီ ဖြတ်ကျော်ခြင်း၊ ခါနန်ပြည် အောင်ပွဲ၊ ဗိမ္မာန်တော် တည်ဆောက်ခြင်း၊ ဣသရေလ လူမျိုးတို့တွင် ဘုရားသခင်၏ လက်တော် ကြီးမားပုံကို ခံစားရခြင်း၊ စသည်တို့သည် သူတို့၏ ယုံကြည်ခြင်းထဲမှာ ဘုရားသခင် အလုပ်လုပ်ဆောင် သွားပုံများဖြစ်ကြသည်။ သို့သော် ထိုအရာများသည် ယခုအချိန်တွင် ဣသရေလ လူမျိုးများကို ထိုယုံကြည် ခြင်းများက မည်သည့် ဖြစ်ထွန်း အောင်မြင်မှုကိုမျှ စွမ်းဆောင်ပေးနိုင် ခြင်းမရှိခဲ့ပါ။ အတိတ်က ယုံကြည်ခြင်းသည် သူတို့၏ပြဿနာများကို ပြန်လည်ဖြေရှင်းရန် မလုံလောက်ခဲ့ချေ။ သူတို့သည် လက်ရှိပြဿနာကို ဖြေရှင်းရန် အသစ်သော ယုံကြည်ခြင်းများဖြင့် အသက်ရှင်ရမည်ဖြစ်သည်။ အောက်တွင်ဖော်ပြထားသော ဆာလံကျမ်းက လက်ရှိအချိန်အတွက် အသက်ရှင်ရမည့် ပုံစံကို ဖော်ပြထား ပါသည်။ အတိတ်ကို ရည်ညွှန်းသော အသက်ရှင်မှုမပါဘဲ လက်ရှိ အချိန်ကိုသာ ရည်ညွှန်းပြောဆိုနေသည်။


ကိုယ်တော်၏လူတို့သည် ကိုယ်တော်ကို အမှီပြု၍ ဝမ်းမြောက်ပါမည့်အကြောင်း၊ တဖန်ကျွန်ုပ် တို့ကို အသက်ရှင် စေတော် မူမည် မဟုတ်လော။ အိုထာဝရဘုရား ကျွန်ုပ်တို့အား ကရုဏာတော် ကိုပြ၍ ကယ်တင်တော်မူခြင်း ကျေးဇူးကိုပြုတော်မူပါ။ ထာဝရအရှင် ဘုရားသခင်သည် အဘယ်သို့ မိန့်တော်မူမည်ကို ငါနားထောင်မည်။ အကယ် စင်စစ်၊ မိမိ သန့်ရှင်းသူ တို့အား ငြိမ်သက်ခြင်း အကြောင်းကို မိန့်တော်မူလိမ့်မည်။ သို့ရာတွင် မိုက်သော အကျင့်ကို မကျင့်ကြပါစေနှင့်။ (ဆာလံ ၅၅း၆-၈)
ဘုရားသခင်လုပ်ချင်သော အသစ်သောအရာကို မြင်တတ်ရမည်။ ထိုအရာကိုသာ အမှီပြုရမည် ဖြစ်ပါသည်။ သင့်အာရုံကို ရှင်းရှင်း လင်းလင်း ထားပါ။ ဘုရား သခင် သင့်အသက်တာမှာ လုပ်စေချင်သောအရာဟူသည်မှာ

ဖြစ်ဘူးသောအရာတို့ကို မအောက်မေ့ကြနှင့်။ ရှေးကာလ၏ အရာတို့ကို ပမာဏမပြုကြနှင့်။ ကြည့် ရှုလော့။ အမှုသစ်ကို ငါပြုမည်။ ယခုပေါ် လာလိမ့်မည်။ သင်တို့သည် အမှန် သိမြင်ရ ကြလိမ့်မည်။ အကယ်စင်စစ် တော၌ လမ်းကို၎င်း၊ လွင်ပြင်၌ စီးသောရေကို၎င်း ငါဖန်ဆင်း မည်။ (ဟေရှာ ၄၃း၁၈-၁၉)
သင့်အသက်တာကို သင်ကြည့်လိုက်တဲ့အခါ ဘာကိုမြင်တွေ့ပါသလဲ။ ပြဿနာတွေကို မြင်တွေ့ နေပြီလား။ သို့ဆိုပါလျှင် ဘုရားသခင်က သင့်အသက်တာထဲမှာ ကောင်းကြီးမင်္ဂလာကို စီးဆင်းစေမည့် လမ်းကြောင်းကို လုပ်ချင်သော ဘုရားဖြစ်သည်။ လွင်ပြင်တွေကို ဘုရားသခင်က ရေစီး ကြောင်းတွေ ပြု လုပ်ချင်သည်။

ဣသရေလ လူမျိုးများ ရွေးချယ်ရမည့်အရာများ ရှိနေပါသည်။ အတိတ်နှင့် ပစ္စုပ္ပန်အကြားတွင် ချိန်ညှိပြီးမြင်တတ်ဘို့ လိုအပ်ပါသည်။ ဘုရားသခင် ဘာလုပ်စေချင်ပါသလဲ။ ဘုရားသခင် လုပ်ဆောင်မည့် အရာမှာ

တော၌ လမ်းကို ငါပြုမည်ဟု ရေးသားထားပါသည်။

လွင်ပြင်မှာ စမ်းချောင်းလေးတွေကို ဖြစ်စေမည်ဟု ရေးသားထားပါသည်။ ထိုအရာများမှာ ဘုရား သခင်လုပ်ချင်သောအရာများ ဖြစ်ပါသည်။ ဆိုလိုသည်မှာ သင့်အသက်တာထဲမှာ ထူးခြားမှုတွေကို ဆောင်ရွက်ချင်ပါသည်။ သင်ကိုတိုင်က အတိတ်ကို အားကျခြင်းတွေ၊ အတိတ်ကို မုန်းတီးခြင်းတွေ မဖြစ်စေချင်ပါ။ အသစ်သောအရာကို ဘုရားသခင်လုပ်ချင်ပါသည်။ ဘုရားသခင် လုပ်ချင်တဲ့ ရည်၇ွယ်ချက်တွေကို သိစေဘို့ အတွက် ဘုရားသခင်ကသင့်ကို ဘယ်လိုကြည့်သလဲဆိုတာကို သင်ကိုယ်တိုင်က ဘုရားသခင်မြင်တဲ့ အမြင်မျိုးနဲ့ မြင်ကြည့်ဘို့ အရေးကြီးပါတယ်။ ဘုရားသခင် တည်ဆောက်စေချင်တဲ့ လမ်း တွေ၊ စမ်းချောင်းတွေဆို တာ အသက်တာထဲမှာ ထူးခြားတဲ့ အရာတွေဘဲ ဖြစ်တယ်မဟုတ်လား

တတိယအချက်

သင့်အသက်တာကို ဘုရားသခင်ရဲ့ အကြံအစည်တော်ထဲမှာ ဆက်ကပ်အသက်ရှင်ပါ။

ဘုရားသခင်သည် ဣသရေလလူများကို အဲဂုတ္တုမှ နို့နှင့်ပျားရည်စီးသော တိုင်းပြည် ခါနန်ပြည်သို့ ပို့ဆောင်ခဲ့သည်။ ရည်ရွယ်ချက်မှာ ကောင်းကြီး မင်္ဂလာခံစားစေဘို့ ဖြစ်သည်။ ကတိတည်ကြောင်းကို ပြသလို၍ဖြစ်သည်။ ထိုအရာမှာ အတိတ်ကဖြစ်သည်။ ယခုလည်း သူတို့သည် ဗာဗုလုန်တိုင်းနိုင်ငံကြီးမှ ဣသရေလ တိုင်းနိုင်ငံသို့ ပြန်လည်ပို့ဆောင်ခဲ့ပါသည်။ ရည်ရွယ်ချက်မှာ ထိုသူတို့ ကောင်းကြီးမင်္ဂလာ ခံစားစေဘို့ဖြစ်သည်။ အစ္စရေးနိုင်ငံသို့ ခေါ်ဆောင် လာခဲ့ပြီး ဖြစ်သည်။ ကောင်းကြီးမင်္ဂလာ ခံစားစေဘို့ဖြစ် သည်။ သူတို့သည် ယခုအချိန်တွင် ဘုရားသခင်ကို ဆက်လက်ငြင်းဆန်နေပါ သေးလျှင်၊ သူတို့သည် ဘုရားသခင်၏ဦးဆောင်ခြင်းကို ဆက်လက် ငြင်းပယ်နေပါသေးလျှင် သူတိုသည် သေခြင်းတွင် ပျက်စီးရတော့မည် ဖြစ်သည်။

ဘုရားသခင်သည် သင့်အသက်တာတွင် လုပ်ဆောင်ချင်သောအရာတွေ အများအပြားရှိနေပါသည်။ ဆက်လက် ပြင်ဆင်ပေးမည့်အရာတွေ ရှိနေပါ သည်။ ကိုယ်တော်၏နောက်ကိုသာ လိုက်ကြပါ။

ထာဝရဘုရားသည် ငါတို့၏ ဘုရားဖြစ်တော်မူ၏။ ငါတို့သည်လည်း အထံတော်၌ ကျက်စားသောသူ၊ လက်တော်အောက်၌ နေသော သိုးစု ဖြစ်ကြ၏။ ယနေ့တွင် သင်တို့သည် ဗျာဒီတ်တော် အသံကိုကြားလျက် ခိုင်မာသော စိတ်နှလုံးမရှိကြနှင့်။ သင်တို့အဘများသည် အနှစ်လေးဆယ် ပတ်လုံး ငါ့ကို အနည်းနည်းစုံစမ်း၍၊ ငါ၏အမှုတို့ကို မြင်ရသော တောတွင် ငါ့ကိုဆန့်ကျင်ဘက်ပြု ၍၊ စုံစမ်းရာကာလ၌ ရှိသကဲ့သို့ မရှိကြစေနှင့်။ (ဆာလံ ၉၅း၇-၉)

ကျွန်တော်တို့၏ လက်ရှိအခြေအနေတွင် ခက်ခဲမှုများ အဆင်မပြေမှုများ ကြုံတွေ့နေရသောအချိန် ဖြစ်ကောင်းဖြစ်နိုင်ပါသည်။ ဣသရေလ လူမျိုး များတွင် သွန်သင်ခဲ့သော အထက်ပါ အချက်သုံးချက်ဖြင့် တည်ဆောက်ခွန်အားယူနိုင်ကြပါစေ။ (အာမင်)

နာမတော်မြတ်၌
Rev. ဦးမင်းလွင်
ကိုးမိုင်ခရစ်ယာန်အသင်းတော်

Oct 15, 2018

နာမတော်၏တန်ခိုး

တမန်တော် ၃း၁-၁၁
    ထိုအခါ ပဌနာပြုရသော သုံးချက်တီးအချိန်၌ ပေတရုနှင့်ယောဟန်တို့သည် ဗိမာန် တော်သို့ တက်ကြသည်ရှိသော်၊ အမိဝမ်းတွင်းကပင် ခြေမစွမ်းသောသူတယောက်ကို သူ တပါးတို့သည် ထမ်းလျက်လာကြ၏။ ဗိမာန်တော်သို့ ဝင်သောသူတို့မှာ စွန့်ကြဲခြင်းကို ခံစေ ခြင်းငှါ၊ တင့်တယ်အမည်ရှိသော တံခါးနားမှာ ထိုသူကိုထားလေ့ရှိ၏။ ပေတရုနှင့် ယောဟန် တို့ သည် ဗိမာန်တော်သို့ ဝင်မည်လာကြသည်ကို ထိုသူသည်မြင်လျှင် စွန့်ကြဲပါဟု တောင်း လေ၏။ ထိုအခါ ပေတရုနှင့်ယောဟန်တို့သည် ထိုသူကို စေ့စေ့ကြည့်ရှု၍ ငါတို့အား မျှော် ကြည့်လော့ဟု ဆိုလျှင်၊ ထိုသူသည် တစုံတခုကိုရမည်ဟု စိတ်ထင်နှင့် တမန်တော်တို့ကို မျှော်ကြည့်လျက်နေ၏။ ပေတရုကလည်း၊ ငါ၌ရွှေငွေမရှိ၊ ရှိသည်အရာကို သင့်အားပေးမည်။ နာဇရက်မြို့သား ယေရှုခရစ်၏ နာမတော်အားဖြင့် ထ၍လှမ်းသွားလော့ဟု ဆိုလျက်၊ သူ၏ လက်ျာလက်ကို ကိုင်ဆွဲချီကြွလေသောခဏချင်းတွင်၊ ခြေနှစ်ဘက် ဖမျက်စိတို့သည် စွမ်း အားကိုရသဖြင့်၊ ရုတ်တရက်ထ၍ မတ်တပ်ရပ်ပြီးလျှင် လှမ်းသွားလေ၏။ သွားလျက်၊ ခုန် လျက် ဘုရားသခင်ကိုချီးမွမ်းလျက်၊ တမန်တော်တို့နှင့်အတူ ဗိမာန်တော်သို့ဝင်လေ၏။ ထိုသို့ လှမ်းသွား၍ ဘုရားသခင်အား ချီးမွမ်းသည်ကို လူအပေါင်းတို့သည် မြင်သောအခါ၊ ထိုသူသည် ဗိမာန်တော်၏ တင့်တယ်တံခါးနားမှာ စွန့်ကြဲခြင်းကိုခံ၍ ထိုင်နေသောသူဖြစ်သည် ကို သိကြသောကြောင့်၊ သူ၌ဖြစ်သည်အမှုကို အံ့သြ မိန်းမောတွေဝေခြင်းရှိ၍၊ ထိုသူသည် ပေတရုနှင့်ယောဟန်ကို အမှီပြုလျက်ရှိရာအရပ်၊ ရှောလမုန်ကနားပြင် အမည်ရှိသော ကနား ပြင်သို့ ပြေးဝင်ကြ၍ စုဝေးကြ၏။

နိဒါန်း

    အထက်ဖေါ်ပြပါ ကျမ်းပိုဒ်သည် ကျွန်တော်တို့အတွက် ပြည့်စုံကောင်းမွန်သော ကယ်တင်ခြင်းကို မျှော်လင့်ချက်မဲ့နေသော သူတို့အား မေတ္တာတော်ကြီးမားစွာဖြင့် အခမဲ့ ပေးတော်မူကြောင်း ဖော်ပြသော ဆန်းကျယ်လှသည့် အဖြစ်အပျက် ကျမ်းပိုဒ် ဖြစ်ပါသည်။
   
    ကျမ်းတော်မြတ်တွင် ဘုရားသခင်မပါသော ကျွန်ုပ်တို့၏အခြေအနေ ဘ၀အမျိုးမျိုး အဖုံဖုံကို အရောင်အသွေးစုံ ဆေးရောင်ခြယ် ရှုထောင်စုံ ပန်ချီးကားတစ်ချပ်၏ သဖွယ် ဖော် ကျူးထားသော အဖြစ်အပျက်များကို မြင်တွေ့ ခံစားဘူးပေလိမ့်မည်။ ယခုဖော်ပြပါကျမ်းပိုဒ် အဖြစ်အပျက်ထဲတွင် ကျွန်ုပ်တုိ့ကိုယ်တိုင် စွမ်းဆောင်ရည်ကင်းမဲ့နေသောသောဝများ၊ စုံလင် မှန် ကန်သော ကယ်တင်ခြင်းနည်းလမ်းစဉ်များ၊ ကယ်တင်ခြင်းရရှိပြီးနောက် ခံစားနိုင်သည့် ကောင်းကြီးမင်္ဂလာများနှင့်အတူ သခင်ယေရှုခရစ်တော်၏ လှပပြည့်စုံကောင်းမွန်လှသည့် တန်ခိုးတော်အကြောင်းများကို ဤကျမ်းပိုဒ်ထဲတွင် မြင်တွေ့ ခံစားနိုင်မည် ဖြစ်သည်။

    ဤကျမ်းပိုဒ် အဖြစ်အပျက်ထဲတွင် တမန်တော်ကြီးများဖြစ်သော ပေတရုနှင့် ယော ဟန်တို့သည် သူတုိ့တွင် မရှိသော ရွှေ၊ ငွေများကို ခြေမစွမ်းသော သူတောင်းစားထံ မပေး ကမ်းနိုင်ခဲ့ပါ။ သို့သော် သူတို့ လုပ်ဆောင်ခဲ့သောအရာမှာ သခင်ယေရှုခရစ်တော်နှင့် ထိုအ ရှင်၏ တုနှိုင်းမရှိသော တန်ခိုးတော်အားဖြင့် ကယ်တင်ခဲ့ပြီး စုံလင်ကောင်းမွန်သော ကျန်းမာ ခြင်းကို ရရှိစေခဲ့သည်။
   
    တမန်တော် ပေတရုက ”နာဇရက်မြို့သား ယေရှုခရစ်တော်၏ နာမ၌ ထ၍လှမ်း သွားလော့” ဟူသော စကားမျှသာ ပြောကြားပေးရုံ ဖြစ်သည်။ (တမန် ၃း၆)

    ထိုစကားကို အပြောခံရသော ခြေမစွမ်းသော သူတောင်းစားသည် ထ၍ လမ်း လျှောက် ရုံမျှသာ သူပြုရမည်ဖြစ်သည်။ သို့သော်လည်း ထိုခြေမစွမ်းသူသည် ထ၍ လမ်း လျှောက် ရုံမျှသာ ပြုခဲ့သည်မဟုတ်ဘဲ ထိုထက်ပို၍ လုပ်ဆောင်ခဲ့သည်။ “ကလျှက် ခုန်လျက်  ဘုရားသခင်ကို ချီးမွန်းလျက်” (အခန်းငယ် - ၈) ဟူ၍စကားလုံး စာသားလေးများ က အံ့သြ ဘွယ် လုပ်ဆောင်ခဲ့သော သူ၏ လုပ်ဆောင်မှုကို တွေ့ရသည်။  

    အထက် ဖော်ပြပါ အကြောင်းအရာများကို အသေးစိတ် ပြန်လည်ဆင်ခြင် အောက် မေ့ပြီး ကျွန်ုပ်တို့လည် ခံစားရယူနိုင်သော နှုတ်ကပတ်တော်က သင်ကြားပေးသည့် ကယ် တင်ခြင်းအကြောင်းကို လေ့လာကြပါစို့။ ကျမ်းပိုဒ်ထဲတွင်


နံပါတ် (၁) စိတ်ပျက်စရာ ဘ၀ပေး အခြေအနေ

က။ ခြေမစွမ်းသူ

    ပထမဆုံးအနေနဲ့ သူဟာ အမိဝမ်းတွင်းမှာကတည်းက ခြေမစွမ်းသူပါ။ (အခန်းငယ် - ၂) တွင် ဖော်ပြထားသည်မှာ “အမိဝမ်းတွင်းကပင် ခြေမစွမ်းသူ” ဟု ဖော်ပြထားသည်။ စဉ်းစားကြည့်ပါ။ ဘယ်လောက်ဆိုးရွားလှတဲ့ အခြေအနေပါလဲ။ အရပ်စကားဖြင့် ပြောရလျှင် သူဟာ ဘဝကြမ္မာဆိုးထဲမှာ လူ့လောကကြီးထဲ ရောက်ရှိလာသူပါ။

    ထိုခြေမစွမ်းသူ၏ ဘ၀တွင် တစ်ခါမျှ လမ်းမလျှောက်ဘူးပါ။ ထိုသူ၏ဘ၀က သက် ရှိဟု ပြော၍ ရရုံမျှသာ ဖြစ်ပါသည်။ ထိုကျမ်းပိုဒ်က ပြောသော “အမိဝမ်းကပင် ခြေမစွမ်းသူ” ဟု ဆိုရာတွင်
   
    သင်နှင့် ကျွန်ုပ်တို့၏ ဘ၀များသည်လည်း ဒုက္ခဝေဒနာများနှင့် မွေးဖွားလာသည်ကို မမေ့ပါနဲ့။ ကြမ္မာဆိုးတွေ ရှိနေတဲ့ဘ၀ ဆိုလျှင်လည်း မမှားပါ။ ဤခြေမစွမ်းသူကဲ့သို့ပင် ခက် ခဲကြမ်းတမ်းသော ဘ၀များ ရှိနေခဲ့သည်။ ထိုကြမ္မာဆိုး ဆိုသည်မှာ အပြစ်တရားပင် ဖြစ် သည်။ ကျွန်ုပ်တို့သည် ထိုဆိုရွားလှသည့် အရာကြီး အတူပါပြီး လူလောကထဲသို့ ရောက်ရှိ လာခဲ့ကြသည်။

    ဆာလံ ၅၁း၅ တွင် ဖော်ပြထားသည်။ “အကျွန်ုပ်သည် မွေးစကပင် အပြစ်ပါ လျက်ရှိပါ၏၊၊ အမိဝမ်းထဲမှာ ပဋိသန္ဓွေ ယူစဉ်ပင် အပြစ်စွဲပါ၏၊၊”
    ဆာလံ ၅၈း၃ ကပြောသေးတယ်။ “မတရားသောသူတို့သည် အမိဝမ်းထဲမှစ၍ ရိုင်းသောသဘောရှိကြ၏၊၊ မွေးကတည်း ကလမ်းလွဲ ၍ မုသာစကားကို ပြောတတ်ကြ၏၊၊” ဟူ၍ ဆိုထားပြန်ပါသည်။

ခ။ ခြေမစွမ်းရုံမျှမက ကိုယ့်ကိုကိုယ် မရပ်တည်နိုင်သူ

    (အပိုဒ်ငယ် - ၂) တွင် ပြောပြထားသည်မှာ “သူတပါးတို့သည် ထမ်းလျက်လာကြ၏။ ဗိမာန်တော်သို့ ဝင်သောသူတို့မှာ စွန့်ကြဲခြင်းကိုခံစေခြင်းငှါ၊ တင့်တယ်အမည် ရှိသော တံခါး နားမှာ ထိုသူကိုထား လေ့ရှိ၏။”

    ဤခြေမစွမ်းသူမှာ တစ်စုံတစ်ယောက်က ပို့ဆောင်မှသာ သူတောင်းရမ်းရမည့် နေရာဖြစ်သော တင့်တယ်တံခါးကို ရောက်ရှိလာသည်ကို တွေ့ရှိရသည်။ ထို့ကြောင့် ထိုလူ သည် မိမိကိုယ်မိမိ ရပ်တည်နိုင်ရန် အစဉ်မပြေလှချေ။ သူတစ်ပါးကိုသာ အစဉ်မှီခိုနေရသူ တစ်ဦး ဖြစ်သည်မဟုတ်ပါလော။

    သူသည် မိမိ၏ကျန်းမာခြင်းအတွက် ဆရာဝန်ထံသို့လည်း မသွားနိုင်၊ ဆေးပစ္စည်း များလည်း မိမိကိုယ်တိုင် သွား၍မ၀ယ်နိုင်၊ ဆေးလည်း မသောက်နိုင်၊ တစ်စုံတစ်ခုမျှ မလုပ် နိုင်။ ဆိုလိုသည်မှာ သူ့ကိုယ်တိုင်အတွက် ကောင်းခြင်း၊ ဆိုးခြင်းကို မစွမ်းဆောင်နိုင်၊ ကိုယ် တိုင် ကြိုးစားအားထုပ်မှုကို မပြုနိုင်၊ ဘာသာရေး လုပ်ဆောင်မှုများ မရှိနိုင်၊ ပေးကမ်းခြင်း လည်း မလုပ်နိုင်။ 

    ထိုခြေမစွမ်းသော သူတောင်းစားကြီးကဲ့သို့ပင် ကျွန်ုပ်တို့၏ နေ့စဉ်ဘဝတွင် ကျွန်ုပ် တို့၏ ၀ိညာဉ်ပိုင်းဆိုင်ရာ ကောင်းကျိုးအတွက် ဘာမျှ လုပ်ဆောင်နိုင်ခြင်းမရှိ။ အပြစ်မှ လွတ် ကင်းရန် ကြိုးစားအားထုပ်နိုင်ခြင်းမရှိ။ ဘာသာတရားများ၊ ပေးကမ်းခြင်းများ၊ ဆယ်ဖို့တစ်ဖို့ လှူဒါန်းခြင်းများ၊ ကောင်းသောလုပ်ဆောင်မှုများအားလုံးသည် ဘုရားသခင်၏ရှေ့တွင် စိတ် ပျက်ဘွယ် အခြေအနေ ရှိနေသည်မဟုတ်ပါလား။ ကျွန်တော်တိုိ့၏ ဘ၀အခြေအနေမှာ အ ပြစ်တရားထဲမှ ကယ်သူမဲ့သောဘဝ၊ ဘုရားသခင်ထံမှ ဖြောင့်မက်ခြင်းကို ရယူခံစားနိုင်ရန် မစွမ်းဆောင်နိုင်သော ဘ၀ဖြစ်နေသည်။

ရောမ ၅း၆-၈ တွင်ဖော်ပြထားသည်မှာ
    “ငါတို့သည်အကျိုးနည်းရှိစဉ်တွင် အချိန်ဘန်မှ ခရစ်တော်သည် မတရားသော သူ တို့အတွက်ကြောင့် အသေခံတော် မူ၏။ ဖြောင့်မတ်သောသူ အတွက်ကြောင့် အသေခံမည့် သူရှိခဲ၏။ သူတော်ကောင်းအတွက်ကြောင့် အသေခံဝံ့သောသူ ရှိကောင်းရှိလိမ့်မည် မှန်စေ တော့။ ငါတို့သည် အပြစ်ရှိစဉ်ပင်၊ ခရစ်တော်သည် ငါတို့အတွက်ကြောင့် အသေခံတော်မူ သည်ဖြစ်၍၊ ဘုရားသခင်သည် ငါတို့ကို အဘယ်မျှ လောက်ချစ်တော်မူသည်ကို ငါတို့အား ထင်ရှားစွာပြ တော်မူ၏။”

    ကျွန်တော်တို့ ဘာမျှ မလုပ်ဆောင်နိုင် (သို့မဟုတ်) လုပ်ဆောင်နိုင်စွမ်း မရှိပါ။ သို့သော် သခင်ယေရှုက ကျွန်ုပ်တို့အတွက် ကြီးသောအမှုကို လုပ်ဆောင်ပေးခဲ့ပါပြီ။

ဂ။ ဗိမ္မာန်တော်၏အပြင်ဘက်တွင်သာ နေရသော အခြေအနေ

    ထိုခြေမစွမ်းသူ၏ လက်တွေ့ဘဝအခြေအနေကို ကြည့်လိုက်ပါ။ သူသည် ဗိမ္မာန် တော်သို့ တောင်းရမ်းစားသောက်ရန် နေ့စဉ် ရောက်ရှိနေသော်လည်း ဘုရားသခင် တည်ရှိ ရာ ဗိမ္မာန်တော်၏ ပြင်ပတွင်သာ နေထိုင်ရသောဘ၀ဖြစ်သည်။ ဘုရားသခင်ထံမှ ခြားနား သောနေရာတွင် နေ့စဉ် ရှိနေသည်။
   
    ၀ိညာဉ်ရေး အမြင်ဖြင့် ခံစားကြည့်ပါ။ ကျွန်ုပ်တို့သည် ဘုရားသခင်ကို နေ့စဉ် ဆက် သွယ်ရန် ကြိုးစားနေကြသော်လည်း ဘုရားသခင်နှင့်  ခြားနားနေရသည်။ ဝေးသောနေရာ တွင် ရှိနေကြသည်။ ဟေရှာယ ၅၉း၁-၂ တွင်ဖော်ပြချက်ကို ကြည့်ပါ။
    ကြည့်ရှုလော့။ ထာဝရဘုရားသည် မကယ်မတင်နိုင်အောင် လက်တော်တိုသည် မဟုတ်။ မကြားနိုင်အောင် နားတော်ထိုင်းသည်မဟုတ်။ သင်တို့ဒုစရိုက်သည် သင်တို့ကို ဘုရားသခင်နှင့်ကွာစေပြီ။ ကြားတော်မမူစေခြင်းငှါ၊ သင်တို့အပြစ်သည် မျက်နှာတော်ကိုလွှဲ စေပြီ။

ဃ။ သနားစရာ သူတောင်းစားလေးပမာ

    ကျွန်ုပ်တို့သည် လစ်လျူရှုခံရသော သနားစရာ သူတောင်းစားလေးများသာ ဖြစ် တော့သည်။ အငယ် ၂ တွင် ဖော်ပြ သည်မှာ “ဗိမာန်တော်သို့ ဝင်သောသူတို့မှာ စွန့်ကြဲ ခြင်း ကိုခံစေခြင်းငှါ”
    သင့်ဘ၀ထဲတွင် ယေရှုခရစ်တော်မရှိသေးလျှင် သင်သည် ငြိမ်သက်ခြင်းများ၊ ကျေ နပ်အားရခြင်းများကို ရရှိခံစားရန် မျှော်လင့်ခြင်းကြီးစွာဖြင့် လူများထံ တောင်းရမ်းရသော ဘ၀ဖြစ်နေလိမ့်မည်။

    ဘုရားသခင်သာလျှင် ပေးစွမ်းနိုင်သော ထိုအရာများကို ရရှိရန် လူအချို့သည် မှား ယွင်းသောနေရာတွင် ပင်ပန်းကြီးစွာ တောင်းရမ်းနေကြသည်။ လူအချို့သည် သူတို့ချစ်မြတ် နိုးသောသူများ (သင့်ဇနီး၊ သင့်သားသမီး၊ သင့်မိဘ၊ သင့်သူငယ်ချင်း စသော သူများ) ထံ တွင် ရနိုင်မည်ထင်ပြီး မျှော်လင့်တကြီး တောင်းရမ်းနေကြသည်။ သို့သော် ထိုလူများ ကိုယ် တိုင်က ထိုအရာများမရှိသဖြင့် သင့်ကို ဂရုမစိုက်ကြချေ။ ငြိမ်သက်ခြင်း၊ ကျေနပ်အားရခြင်း များသည် ရုပ်ပိုင်းဆိုင်ရာ ပစ္စည်းများနှင့် သက်ဆိုင်မှုမရှိပါ။ ထိုရုပ်ပိုင်း ဆိုင်ရာပစ္စည်းများရှိရုံ ဖြင့် ပြည့်စုံကောင်းမွန်သော အခြေ အနေများကို မဖန်တီးနိုင်ပါ။

    ရုပ်ပိုင်းဆိုင်ရာ ပစ္စည်းဟု ဆိုရာတွင် အချို့က ကား၊ အချို့က အိမ်၊ အချို့က အ၀တ်အထည်၊ အချို့က ဖုန်း အစရှိသော အရာများဖြစ်ကြသည်။ ထိုအရာများ မည်မျှပင် ရသောလည်း တောင်း၍မဆုံးနိုင်တော့။ အကြောင်းမှာ မိမိရရှိထားသော အရာများသည် ခေတ်မမှီ တော့ခြင်း၊ ပျက်စီးသွားခြင်းတို့ကြောင့် တောင်း၍ မဆုံးနိုင်သောဘ၀။

    အချို့လူများက ငွေသည် မိမိတို့၏ ပျော်ရွှင်ခြင်းနှင့် ၀မ်းမြောက်ခြင်းကို ဆောင် ယူပေးမည်ဟု ထင်မြင်ကြသည်။ သို့သော်လည်း ထိုငွေသည် ဘယ်သောအခါမျှ ကျေနပ်အား ရခြင်းကို မဖြစ်စေခဲ့။

    လူတစ်ယောက်သည် နှစ်ဆယ်ရာစုနှစ် ခေတ်ဦးကာလတွင် အလွန်ကြွယ်ဝချမ်း သာသော ရေနံသူဌေးကြီးဖြစ်သော John D. Rockerfeller ကို “ငွေတွေက ပျော်ရွှင်မှုကို ဘယ်လောက် ခံစားနိုင်ခဲ့ပါသလဲ” ဟူ၍ မေးမြန်းခဲ့သည်။ သူဌေးကြီးက ပြန်ဖြေခဲ့သည်မှာ “နဲနဲပါးပါး ပါဘဲ” ဟူ၍ဖြစ်သည်။
   
    အချို့လူများက ငြိမ်သက်ခြင်းနှင့် ကျေနပ်အားရခြင်းများသည် ဖျော်ဖြေရေးအစီအ စဉ်များ၊ မူရစ်ဆေးဝါးများ၊ အရက်သေစာများထဲတွင်ရှိသည်။ ထိုအရာများက လက်ရှိပြဿ နာ အခက်အခဲများမှ လွတ်မြောက်နိုင်သည်ဟု ထင်မြင်ကြသည်။ ထိုအရာများဖြင့် မိမိတို့ ၏ နှလုံးသားတွင် ဖြည့်နေကြသည်။ သို့သော် နောက်ဆုံးတွင် ဘာမျှမကျန်ခဲ့။ ဘာမှဖြစ်မ လာခဲ့။ မိမိ၏ဘဝသာ လုံးပါးပါးသွားခဲ့သည်။ ပြဿနာတွေထဲ တဖန်ပြန်ရောက် လာသည်။ အခက်အခဲတွေက ပြန်လည်နှုတ်ဆက်နေသည်။ ၀မ်းနည်းခြင်း မျက်ရည်တွေက မိမိဘ၀ထဲ မှာ ကခုန်နေကြသည်။ လွဲမှားသော ရှာဖွေမှုကြောင့် ခေတ္တခဏ ငြိမ်သက်ခြင်းရသလို ဖြစ်ခဲ့ သော်လည်း ထူးမခြားနားသော ဘ၀ကို ပြန်လည်ခံစားရပြန်သည်။

    ကျွန်ုပ်ဆိုလိုသည်မှာ ပြဿနာ၏အဖြေသည် ထိုအရာများ မဟုတ်ကြောင်း မီး မောင်း ထိုးပြခြင်းဖြစ်ပါသည်။ သင့်ဘ၀သည်လည်း ထိုခြေမစွမ်းသူကဲ့သို့ပင် ငွေကြေး တောင်း ရမ်းခြင်းကြောင့် ခေတ္တခဏတော့ အဆင်ပြေသလို ရှိနေသည်။ သို့သော် သူတကယ် လို အပ်နေသည်မှာ ကျန်းမာခြင်းရရန် ၊ ထိုဘ၀က လွတ်မြောက်ရန် ဟူသော အရာဖြစ် သည်။

    လူအချို့ဟုဆိုရာတွင် ကျွန်ုပ်နှင့် သင်ကိုယ်တိုင်ပင်ဖြစ်သည်ကို မမေ့ပါနှင့်။ ထိုခြေမ စွမ်းသူသည် အမှန်တကယ်ပင် ကျန်းမာခြင်းရရှိရန် ယေရှု၏တို့ထိမှု လိုအပ်နေပါသည်။ သင် နှင့် ကျွန်ုပ်တုိ့၏ဘ၀တွင်လည်း ယေရှု လိုအပ်ပါသည်။ ကျွန်ုပ်တို့သည် ခေတ္တခဏသာ အ ထောက်အကူဖြစ်သော ထိုအရာများ မလိုအပ်တော့ပါ။ အရှင်သခင်ယေရှုခရစ်တော်၏ လက်တော်ဖြင့် ကျွန်ုပ်တို့ဘ၀အတွက် ကြီးသော တန်ခိုးတော် ခံစားရရန် အရေးကြီးလိုအပ် နေပါသည်။

ထို့ကြောင့် ပထမအချက်အနေဖြင့် ကျွန်ုပ်တို့တွင် ကြမ္မာဆိုး အခြေအနေ ရှိနေသည်။



နံပါတ် (၂) လူတွေက သူ့ကို ဂရုစိုက်ကြတယ်ဆိုတာကို သတိရပါ။

    ထိုခြေမစွမ်းသူကို တင့်တယ်တံခါးဝသို့ နေ့စဉ်နေ့တိုင်း လာရောက်ပို့ဆောင်ခြင်းနှင့် ပြန်လည်ခေါ်ဆောင်ခြင်းကို ပြုလုပ်သူ တစ်စုံတစ်ယောက် ရှိနေသည်ကို သင်တွေ့ရပါလိမ့် မည်။ တစ်စုံတစ်ယောက်က သူ့ကို ကျွေးမွေးခြင်းနှင့် ဂရုစိုက်ခြင်း မပြုနိုင်သော်လည်း သူ့ကို ချစ်သောသူများက သူ့ကို ကူညီနေသည်ကို တွေ့ရမှာပါ။

    အငယ် - ၂ တွင် “ အမိဝမ်းတွင်းကပင် ခြေမစွမ်းသောသူ တယောက်ကို သူတပါးတို့ သည် ထမ်းလျက်လာကြ၏။”

မည်သူက သူ့ကို တင့်တယ်တံခါးသို့ ခေါ်လာပါသနည်း။

    ထိုခြေမစွမ်းသူကို ချစ်သောသူ/ ဂရုစိုက်သောသူ တစ်စုံတစ်ယောက်က ခေါ်ဆောင် လာခြင်းဖြစ်သည်။ သင်သည် ဤနေရာသို့ ခရစ်တော်မရသေးဘဲ ရောက်ရှိခဲ့သည် ဆိုပါက  ဆိုရင် သင့်ကို ဂရုစိုက်သောသူ၊ သင့်ကို ချစ်သောသူ၊ သင့်အကျိုးကို လိုလားသောသူ တစ်စုံ တစ်ယောက်က သင့်ကို ခေါ်လာခဲ့ခြင်း ဖြစ်သည်ကို သင်သိထားပါ။ သင့်ကို ဘုရားသခင်၏ နှုတ်ကပတ်တော်ကို ကြားစေချင်သည်။ သင့်ကို ဧ၀ံဂေလိ သတင်းကောင်ကို ကြားစေချင်လို့၊ သင့်အပြစ်တွေကို ခွင့်လွတ်ခြင်း ခံစားစေချင်လို့ ဒီနေရာကို ပို့ဆောင်သောသူ ရှိတယ်ဆိုတာ သင်သိထားစေချင်ပါတယ်။

    အကယ်၍ သင်သည် သခင်ယေရှုကို ယုံကြည်သူ တစ်ဦးဖြစ်ပါက သင့်ရဲ့ အခန်း ကဏ္ဍ မည်မျှ အရေးကြီးသည်ကို သင်မြင် ရပါလိမ့်မည်။

    ထိုခြေမစွမ်းသူကို တမန်တော်ကြီး ပေတရုနဲ့ ယောဟန်ကို တစ်ခါမျှ မမြင်မတွေ့ ဘူးတာဖြစ်ကောင်း ဖြစ်နိုင်ပါတယ်။ တမန်တော် ပေတရုဟာလည်း သူချစ်တဲ့သူတွေ၊ သူဂရု စိုက်တဲ့သူတွေ၊ သူကို သစ္စာရှိသောသူများအားလုံးကို ကျန်းမာခြင်းရရန်အတွက် တစ်ခါမျှ လုပ်ဆောင်မပေးဘူးတာလည်း သင်အသိပင်ဖြစ်ပေလိမ့်မည်။ သို့သော် တမန်တော်ကြီး ပေတရုသည် ခြေမစွမ်းသော သူတောင်းစားကို ခရစ်တော်နှင့် မိတ်ဆက်ပေးခဲ့ပြီး ခရစ်တော် ၏ တန်ခိုးတော်ကို ခံစားစေခဲ့သည်။ သင့်ချစ်သောသူများကို ဧ၀ံဂေလိတရားကြားရန်၊  ဘုရားသခင်၏ ကောင်းမြတ်ခြင်းများကို မြင်တွေ့ခံစားရန်၊ သူတို့ ကျန်းမာခြင်း ကောင်းကြီး မင်္ဂလာများ ခံစားရန် သူတို့ကို ကျွန်ုပ်တို့ သက်သေခံဘို့ လိုအပ်ပါသည်။


နံပါတ် (၃) ခြေမစွမ်းသောသူ ကျန်းမာခြင်းရရှိသည်ကို သတိပြုပါ။

    ယခု ခြေမစွမ်းသူသည် သခင်ယေရှု၏နာမတော်အားဖြင့် ကျန်းမာခြင်း ရရှိခံစား သွားခဲ့ပါပြီ။ ခြေမစွမ်းသောသူ၏ ကျန်းမာ ခြင်းနှင့်ပတ်သတ်ပြီး ကျွန်ုတို့ ဆင်ခြင်လေ့လာရ မည့် အချက် (၄)ချက် ရှိနေပါသည်။

က။ ကျန်းမာပြီဆိုသည်ကို ချက်ခြင်း သိရှိသည်။

     (အခန်းငယ် - ၇) တွင် “သူ၏ လက်ျာလက်ကို ကိုင်ဆွဲချီကြွလေသောခဏချင်းတွင်၊ ခြေနှစ်ဘက်ဖမျက်စိတို့သည် စွမ်းအားကိုရသဖြင့်၊ ရုတ်တရက်ထ၍ မတ်တပ်ရပ်ပြီးလျှင် လှမ်းသွားလေ၏။”
    ထိုအဖြစ်အပျက်ကို သင်၏မျက်စိတွင် မြင်ကြည့်/ခံစားကြည့်ပါ။ ထိုခြေမစွမ်းသူ သည် ကျန်းမာခြင်းရပြီးနောက် ချက်ခြင်းပင် အရူးတစ်ယောက်လို ခုန်ပေါက်နေလိမ့်မည်။ သူချက်ခြင်း သိခဲ့ပါသည်။ သူကျန်းမာပြီး၊ သူ၏ခြေထောက်များ ပြန်လည်ကောင်းမွန်သွားပြီ ဆိုသည်ကို ဘယ်သူမျှ မပြောဘဲ သိခဲ့ပါသည်။ ယခုအခါ သူသည် မည်သူ၏ အကူအညီမျှ မလို အပ်တော့ပါ။ သူဘ၀ကြီးတစ်ခုလုံး အိပ်မက်ပမာ ရုတ်တရက် ပြောင်းလဲသွားခဲ့ပါပြီ။

    အလားတူပင် အပြစ်နွံထဲတွင် နစ်နေသော အပြစ်သားတစ်ယောက် ကယ်တင်ခြင်း ရရှိလျှင်လည်း ထိုနည်းတူပင် ဖြစ်ပါသည်။ ကယ်တင်ခြင်း ရရှိသည်ဟုဆိုရာတွင် တဖြည်း ဖြည်းခြင်း ရရှိလာသည်မဟုတ်ပါ။ တစ်ကြိမ်တည်း၊ တစ်ခါတည်း ချက်ခြင်းသိရှိ ရရှိခြင်းဖြစ် သည်။

    သူသည် နှစ်များစွာသော အတိတ်ကို တစ်ရစ်ခြင်း ပြန်လည်ကြည့်လိုက်လျှင် ယခု အခြေအနေနှင့် များစွာကွာခြားသွားခဲ့ပြီ။ သူ၏အသိတွင် ယခု ချက်ခြင်းသူကျန်းမာနေပြီ ဆိုသည်ကို သိရှိလိုက်ပါသည်။

    သင်ကယ်တင်ခြင်း ရရှိပြီဆိုသည်နှင့် သင့်ဘ၀အတိတ်ကို ပြန်လည်ဆန်းစစ်ပြီး လေ့လာခံစားကြည့်လိုက်ပါ။ ယခုအခါ သင်သည် ဘုရားသခင်နှင့် အသစ်သော ဆက်ဆံရေး ရှိလာပြီကို သင်ရိပ်မိ သိရှိလာပါလိမ့်မည်။ ထိုအဖြစ်အပျက်က သင့်ကို ဘယ်သောအခါမျှ မေ့နိုင်လိမ့်မည် မဟုတ်ပါ။

ဥပမာ  - ကျွန်တော် လူအချို့ကို “ကယ်တင်ခြင်းရရှိပြီလား” ဟုမေးလျှင် သူတို့က ပြန်ဖြေကြသည်မှာ “ရတယ် ထင်တာဘဲ။ ရတယ်ထင်ပါတယ်။” ဟူ၍ ပြန်ဖြေကြသည်။ ဘ၀င်မကျနိုင်သော အဖြေပင် ဖြစ်သည်။

    သင်သည် ကျွန်တော့်ကို “ဟေ့ ဆရာ - အခု မိန်းမရပြီလား” ဟုမေးမြန်လာပါက ကျွန်တော် မည်သို့ဖြေရမည်နည်း။ “ရတယ်ထင်တာဘဲ။ ရတယ်တော့ ထင်ပါတယ်” စသည် ဖြင့် ဖြေခဲ့ရင် သင်က လက်ခံနိုင်လိမ့်မည်မဟုတ်။  နောက်ထပ် သေချာအောင် ထပ်မေးပါ လိမ့်ပါလိမ့်မည်။ “ကျွန်တော်ဆိုလိုတာက ဆရာမှာ အခု မိန်းမရှိနေလား လို့ မေးတာ” ဟု မေးခဲ့လျှင် “သိတ်တေ့ာ မသေချာဘူးဗျ။ ဒါပေမယ့် ရတယ်တော့ ထင်တာဘဲ” ဟူ၍ ကျွန်တော် ပြန် ဖြေခဲ့လျှင် သင်သည် ကျွန်ုပ်ကို ဒီလူ ရူးနေတာ သေချာပြီဟု ကျွန်တော့်ကွယ်ရာတွင် ပြောကြမည်မှာ အသေအချာ ပင်ဖြစ်သည်။

    ယခု ကျွန်တော် ပြောနိုင်ပါသည်။ ကျွန်တော့်မှာ မိန်းမရှိသည်။ ကျွန်တော် အိမ် ထောင်ကျပြီ။ ဘယ်လိုသိပါသလဲ။

    ကျွန်တော် မင်္ဂလာဆောင်သောနေ့က လက်ထက်ပေးသော ဆရာကြီးက ဘုရား သခင်ထံတွင် သစ္စာကတိများ တိုင်တည်ပေးပြီးနောက် ကျွန်တော်၏သတို့သမီးလက်တွင် လက်စွပ်ကလေးကို စွတ်ပေးခဲ့သည်။ ထို့နောက် သူ၏နဖူးကို နမ်းလိုက်သည့် တခဏ အ တွင်းမှာပင် ကျွန်တော်၏ဇနီးဖြစ်ခဲ့ပြီဖြစ်ကြောင်း သိရှိခဲ့သည်။ ထိုနေ့က စိတ်ခံစားမှုနှင့် ပျော် ရွှင်မှုက တစ်သက်လုံး မမေ့နိုင်သော အဖြစ်။ ကျွန်တော်၏ဘဝကြီး ပြောင်းလဲသွားခဲ့သည် ကို ထိုအချိန်ကပင် သိရှိခဲ့သည် မဟုတ်ပါလား။

    သင်ကယ်တင်ခြင်း ရရှိပြီဆိုလျှင် ချက်ခြင်းပင် သင်၏ ဥနှောက်အသိတွင် လည်း ကောင်း၊ ၀ိညာဉ်အသိတွင်လည်းကောင်း သိရှိပါသည်။ ထိုကယ်တင်ခြင်းရရှိခဲ့သည့်အချိန်မှ စ၍ အသက်ရှင်မှုပုံစံ၊ အတွေး၊ ပြုမူပုံ အပြောင်းအလဲ ဖြစ်သွားခဲ့ပါသည်။ လူတိုင်းတွင် ကယ် တင်ခြင်း အတွေ့အကြုံရှိပါသည်။ တစ်ယောက်နှင့်တယောက်တော့ မတူညီနိုင်ပါ။ သင့် ဘ၀တွင် ခရစ်တော်ကို ကိုးစားချိန်မှစပြီး အခြားသူများနှင့်မတူသော အတွေ့အကြုံ ရှိနေ ပါလိမ့်မည်။

    မည်သို့ပင် ခြားနားသော အတွေ့အကြုံ ရှိနေသည်ဖြစ်စေ။ တူညီမှုတစ်ခုမှာ သခင် ယေရှုခရစ်တော်အားဖြင့်သာ ကယ်တင်ခြင်းရရှိခြင်း ဖြစ်ပါသည်။ သင်သည် စစ်မှန်သော ယုံကြည်သူ တစ်ဦးဖြစ်ပါက ယေရှုခရစ်တော်သည် သင်၏ဘ၀ကို ထူးခြားမှုတွေ ပေးခဲ့ပြီဖြစ် ကြောင်း သိရှိခံစားနေပါလိမ့်မည်။ ခြေမစွမ်းသူ ချက်ခြင်းသန်စွမ်း ကျန်းမာလာသည်ကို သိရှိ သကဲ့သို့ သင်သည် ခရစ်တော်ကို ရရှိပြီဖြစ်ပါက ချက်ခြင်းသင်သိပါလိမ့်မည်။

ခ။ ခွန်အားနှင့်ပြည့်ဝသော ကျန်းမာခြင်း

    အငယ် ၇ တွင် ဖော်ပြချက်အရ “သူ၏လက်ျာလက်ကို ကိုင်ဆွဲချီကြွလေသော ခဏချင်းတွင်၊ ခြေနှစ် ဘက်ဖမျက်စိတို့ သည် စွမ်းအားကိုရသဖြင့်၊”

    ယခုအခါ ခြေမစွမ်းသူသည် ကျန်းမာခြင်းကို ရရှိခဲ့ပါပြီ။ လမ်းမလျှောက်ဘူးသော သူ၏ခြေတို့သည်လည်း ခွန်အားများကအပြည့်။ အချို့သောသူများက ပြောတတ်ကြသော စကားမှာ “ကျွန်တော်တို့ ကယ်တင်ခြင်းတော့ ရပါပြီ။ ဒါ ပေမယ့် ခွန်အားတော့ သိပ်မရှိသေး ဘူး။” ဟုပြောလေ့ ရှိကြပါသည်။ ကျမ်းစာ၏ ဖော်ပြချက်နှင့် ကွဲလွဲနေသည် မဟုတ်ပါလား။ ကျမ်းစာကပြောသည်မှာ ကယ်တင်ခြင်းသည် ယုံကြည်ခြင်းအားဖြင့် ပထမဦးစွာ ဖြစ်သည်။ ထို့နောက် ကယ်တင်ခြင်းရသည်။ ထို့နောက်တွင် သန့်ရှင်းသောဝိညာဉ်တော်က ကျွန်တော် တို့ကို ခွန်အားနှင့်ပြည့်ဝစေသည်။

    ပေတရုနှင့် တွေ့စဉ်အခါ ခြေမစွမ်းသူက တမျိုးတဖုံ ဤသို့ တောင်းဆိုခဲ့သော် “ကျွန်တော်ရဲ့ ကျန်းမာခြင်းကတော့ နောက်ပိုင်းမှ ရပါတယ်။ အခုလောလောဆယ် ကျွန်တော့် အရိုးတွေ၊ ခြေထောက်တွေကို ခွန်အားဖြစ်အောင် လုပ် ပေးပါ။ အဲဒါဆိုရင် နောက်မှာတေ့ာ ကျွန်တော် ချက်ခြင်းကျန်းမာလာမှာပါ။ နောက်တကြိမ် ပြန်လာတော့မှ ကျန်းမာ ခြင်းကို ထပ်လုပ်ကြတာပေါ့” ဟု ပေတရုအား ဆိုခဲ့လျှင် ရူးသွပ်သော တောင်းဆိုမှု ဖြစ်လိမ့်မည်။ ထိုပုံစံသည် လူအချို့၏ ထင်မြင်ချက်ဖြစ်သည်။ “လူတွေကို ကောင်းအောင်အရင်လုပ်ရမယ်။ ပြီးမှ သူတုိ့ကို ကယ်တင်ခြင်း အကြောင်း ပြောရမယ်” ဟူသောအတွေးအခေါ်မျိုးဖြစ်သည်။ ထိုသို့မဟုတ်ပါ။ ကယ်တင်ခြင်း ရရှိပါက ချက်ခြင်း ကောင်းလာမည်ဟု ပြောလိုပါသည်။

ဂ။ ကျန်းမာခြင်းသည် စုံလင်ပါ၏။

    အခန်းငယ် ၁၆ ကိုပြန်ကြည့်ပါ။ “ထိုသခင်ကိုယုံကြည်ခြင်းအားဖြင့် ထိုသခင်၏နာမ တော်သည် သင်တို့သိမြင်သော ဤသူအား အစွမ်းကိုပေးတော်မူပြီ။ ထိုသခင်ကြောင့်ရသောယုံကြည်ခြင်းသည် သင်တို့မျက်မှောက်တွင် ဤသူ၌ စေ့စုံခြင်းအခွင့်ကို ပေး၍ရှိလေပြီ။”
ဘုရားသခင်က ဤလူကို ကျန်းမာခြင်းပေးချိန်၌ သူကတော့ “တဖြည်းဖြည်းခြင်း ကျန်းမာ လာလိမ့်မယ်” ဟု မပြောခဲ့ပါ။ ခြေမစွမ်းသူသည် စုံလင်ပြည့်ဝသော ကျန်းမာခြင်းကို ဖြစ် စေခဲ့သည်။  အထက်ကျန်းပိုဒ်ကို ကြည့်ပါ။ “စေ့စုံခြင်းအခွင့်ကို ပေး၍ရှိလေပြီ။” ဆိုလိုသည် မှာ လုံးဝကောင်းသွားပြီ ဟုဆိုလိုခြင်း ဖြစ်ပါသည်။

    ထိုနေ့တွင် အအေးမိနေခဲ့လျှင်လည်း ကျန်းမာလာမည်။ နှာစီးချောင်းဆိုး ဖြစ်နေခဲ့ လျှင်လည်း ကျန်းမာလာမည်။ မီးလောင်နာတွေ ရှိခဲ့လျှင်လည်း ကျန်းမာလာမည်။ မည်မျှ ပင် ကြီးမားလေးလံသော အနာကြီးဖြစ်နေပါစေ အလုံးစုံ ကျန်းမာလာမည်ဖြစ်သည်။ ပေတရု ပြောခဲ့သည်မှာ “နာဇရတ်မြို့သား ယေရှုနာမ၌ လှမ်းသွားလော့” ထိုသူသည် လှမ်းသွား ရုံမျှမက ကလျှက် ခုန်လျက်နှင့် လှမ်းသွားခဲ့လေသည်။

    အခန်းငယ် - ၈ တွင် “ရုတ်တရက်ထ၍ မတ်တပ်ရပ်ပြီးလျှင် လှမ်းသွားလေ၏။ သွားလျက်၊ ခုန်လျက် ဘုရားသခင် ကိုချီးမွမ်းလျက်၊ တမန်တော်တို့နှင့်အတူ ဗိမာန်တော် သို့ဝင်လေ၏။”
သူသည် “ကလျက် ခုန်လျက်နှင့်”

    သင်သည် ဘုရားသခင်၏ ကျေးဇူးတော်အားဖြင့် အပြစ်တည်းဟူသော လူတို့၏ ၀ိညဉ်အနာမှ ကျန်းမာခြင်းကို ရရှိခံစား ခဲ့ရပါက အနည်းငယ်မျှသာ ကျန်းမာလာမည်မဟုတ်။ အလုံးစုံကျန်းမာခြင်းကို ရရှိမည်ဖြစ်သည်။ မည်သည့်အခြေ အနေမဆို ကျန်းမာခြင်း ရရှိ လာမည်။ သင့်အပြစ်များကို အလုံးစုံဖယ်ရှားပေးမည်။ သင်မည်မျှ ဆိုးသွမ်းနေသည်ဖြစ် စေ၊ သင့်ကို လမ်းတ၀က်တွင် ထားမည်မဟုတ်ပါ။ ဘုရားသခင်ထံ ရောက်စေမည့် ကျန်းမာခြင်း အပြည့်အစုံ သင်ရရှိ မည်ဖြစ်သည်။ သင်သည် အပြစ်များကို ခွင့်လွှတ်ခံရသည်သာမက သခင်ယေရှု၏ ဖြောင့်မက်ခြင်းလည်း ရရှိမည်။ ငရဲကနေ လွတ်မြောက်မည်။ ကောင်းကင် နိုင်ငံတော်ကိုလည်း ရောက်ရှိမည်။ စာတန်၏ ထိန်းချုပ်ခံဘ၀မှ လွတ်မြောက်မည်။ သန့်ရှင်း တော် ၀ိညဉ်တော် ကျိန်းဝပ်ပြီး ကျွန်ုပ်တုိ့ကို ပြောင်းလဲခြင်းတွေ လုပ်ဆောင်ပေးမည်။ သင် ကယ်တင်ခြင်းရရှိပါက ထိုအရာ အလုံးစုံကို ရရှိမည်ဖြစ်သည်။

ဃ။ တန်ခိုးတော်ကြောင့် ကျန်းမာခြင်းရရှိခဲ့ပြီ

    သူ၏ကျန်းမာခြင်းသည် ကောင်းသော အမှုများပြုသောကြောင့်၊ ကျိုးစားအားထုပ်မှု တစ်ခုခုကြောင့်၊ ဘာသာရေး လုပ်ဆောင်မှု တစ်ခုခုကြောင့်၊ ကောင်းမူပြုလုပ်၊ ကုသိုလ်ပြုလုပ် ခြင်းတို့ကြောင့်မဟုတ်သည်ကို သတိပြုပါ။ ပေတရုက အတိအလင်းဆိုခဲ့သည်မှာ သူသည် ထိုသခင်ခရစ်တော်ကို ယုံကြည်ခြင်းကြောင့် ကျန်းမာခြင်းရရှိသည်။ ဘုရားသခင်က သူ့ကို ကျန်းမာခြင်း ပေးခဲ့သည်ဟု ဆိုပါသည်။ အပြစ်သားတစ်ဦးသည် ထိုနည်းဖြင့် ဘုရားသခင်ထံ လာနိုင်ပါသည်။ ဘုရားကျောင်းတတ်ခြင်း၊ ဘာသာရေး လုပ်ဆောင်ခြင်း၊ နှစ်ခြင်းခံခြင်း၊ ကောင်းမှုပြုခြင်း၊ ကုသိုလ်ပြုလုပ်ခြင်း တို့ဖြင့် မဟုတ်ပါ။ ထိုသူသည် ယုံကြည်ခြင်းအားဖြင့် ဘုရားသခင်၏ ကျေးဇူးတော်ကို ရရှိခံစားနိုင်ပေပြီ။ နှုတ်ကပတ် တော်တွင်လည်း ထိုသို့ သွန်သင်ထားသည်။ (ဧဖက် ၂း၈-၉)




၎။ တစ်ကြိမ်းတည်နှင့် အပြီးတိုင်ပြောင်းလဲသွားခဲ့ပြီ။

    သမ္မာကျမ်းစာ၏ ဖော်ပြချက်အရ ထိုခြေမစွမ်းသူသည် အနည်းဆုံးတော့ သူ၏ဘ၀ အခြေအနေ နှစ်ခုတော့ ပြောင်းလဲသွားခဲ့ပါပြီ။ ထို့ထက်မက တစ်ဘဝလုံး၏ နယ်ပယ် အ သီးသီး၊ အခြေအနေအဖုံဖုံ၊ ပြောင်းလဲသွားနိုင်သည်။ 

    ပထမတစ်ခုက သူသည် ဗိမ္မာန်တော်သို့ အခြားယုံကြည်သူများနှင့်အတူ ၀င် ရောက်ခဲ့သည်။ ယခင်က သူသည် အမြဲတမ်း ဗိမ္မာန်တော်၏ ပြင်ပတွင်သာ တံခါးနားတွင် သာ ရှိနေခဲ့ဘူးသူဖြစ်သည်။ အငယ် - ၈ က “ရုတ်တရက်ထ၍ မတ်တပ်ရပ် ပြီးလျှင် လှမ်း သွားလေ၏။ သွားလျက်၊ ခုန်လျက် ဘုရားသခင်ကို ချီးမွမ်းလျက်၊ တမန်တော်တို့နှင့်အတူ ဗိမာန်တော်သို့ ဝင်လေ၏။”

    လူတစ်ယောက်သည် ယေရှုကို ခရစ်တော်ကို ယုံကြည်လက်ခံလာသောအခါ သူ တို့သည် အသင်းတော်နှင့်ပတ်သတ်ပြီး သဘောထားပြောင်းသွားခဲ့သည်။ ယခင်က သူတို့ သည် အသင်းတော်ကို ဘာသာရေး အစီအစဉ် အဖြစ်သဘောလောက်သာ သွားကြသည်။ သို့သော် ယေရှုခရစ်တော်ကို ရရှိပြီးပါက ဘုရားသခင်၏ လူများကို ချစ်တတ်လာပြီး သူတို့နှင့် တစ်သားတည်းဖြစ်လာသည်။
တမန် ၄း၁၄ က “အနာကင်းလွတ်သောသူသည် ထိုသူတို့နှင့်အတူ ရှိနေသည်ကိုမြင်၍၄င်း၊ ငြင်းခုံဆိုဘွယ်ရာမရှိ မတွေ့ကြ။” ဟူ၍ ဖော်ပြထားသည်။ ပေတရုနှင့် ယောဟန်ကို ဖမ်းဆီး ပြီး ယေရှုကြောင့် ကျန်းမာခြင်းရသောသူအကြောင်း မေးမြန်ရန် ဖမ်းခေါ်လာခဲ့သည်။ မည် သူကမျှ သူ့ကို လက်မခံဘဲ အထီးကျန် ဖြစ်ခဲ့ဘူးသူ ခြေမစွမ်းသူသည် ယခုအခါ တမန် တော်တို့နှင့်အတူ ရပ်နေရသော အခွင့် ရှိလာပြီ။

    ဒုတိယတစ်ခုမှာ သူသည် ဘုရားသခင်ကို ချီးမွမ်းတတ်လာပြီ။ ဗိမ္မာန်တော်ထဲသို့ ချီးမွမ်းလျက် ၀င်သွားသည်ကို ဖော်ပြ ထားသည်။ ဘာကြောင့် သူချီးမွမ်းတာလဲ။ သူသည် ယခုအခါ လမ်းလျှောက်နိုင်ပြီ။ ယခင်ကအခြေအနေမျိုး မဟုတ်တော့။ ယခင်က သူသည် ချီးမွမ်းနိုင်ခဲ့သူ မဟုတ်။ ယခုတော့ ချီးမွမ်းနိုင်ပြီ။ သူ့ဘ၀က ရှုပ်ထွေးခဲ့ဘူးသည်။ သို့သော် ယခု အားလုံးကို ချီးမွမ်းနိုင်သူဖြစ်ပေပြီ။ သူ၏ ပြောင်းလဲမှုကို လူတွေက မိန်းမောတွေဝေ သွားခဲ့ကြသည်ကို သတိပြုပါ။
    အငယ် ၁၀ တွင် “သင်တို့သည် လက်ဝါးကပ်တိုင်မှာ ကွပ်မျက်၍၊ ဘုရားသခင် သည် သေခြင်းမှ ထမြောက်စေတော်မူသော နာဇရက်မြို့သား ယေရှုခရစ်၏ နာမတော်အား ဖြင့် ဤသူသည် သင်တို့မျက်မှောက်၌ ကျမ်းမာလျက်ရှိသည်ကို သင်တို့မှစ၍ ဣသရေလူ အပေါင်းတို့ သိမှတ်ကြလော့။”

    အခြားသူတွေ အံ့သြနေကြသည်။ သူတို့မယုံနိုင်ကြ။ ထို့အတူပင် တစုံတစ်ယောက် ပြောင်းလဲသွားခဲ့လျှင် လူများသည် တွေဝေ အံ့သြနေကြမည်။ သင်နှင့်ပတ်သတ်ပြီး မိန်းမော နေကြလိမ့်မည်။ သင်၏ ပြောင်းလဲမှုသည် လူများကို အံ့သြ စေသည်။

    ၂ကော ၅း၁၇ က “လူမည်သည်ကား ခရစ်တော်၌ရှိလျှင် အသစ်ပြုပြင်သော သတ္တ၀ါဖြစ်၏။ ဟောင်းသောအရာတို့သည် ပြောင်းလဲ၍ ခပ်သိမ်းသောအရာတို့သည် အသစ်ဖြစ်ကြပြီ။”

    ယေဇကျေလ ၃၆း၂၆-၂၇ တွင် “စိတ်နှလုံးသစ်ကို ငါပေးမည်။ သဘောသစ်ကို သွင်းထားမည်။ သင်တို့ ခန္ဓာထဲက ကျောက်နှလုံးကို နှုတ်၍ အသား နှလုံးကို ပေးမည်။ ၂၇ငါ့ဝိညာဉ်ကိုလည်း သင်တို့အထဲသို့ သွင်းပေးသဖြင့်၊ သင်တို့သည် ငါ၏ တရားလမ်းသို့လိုက်၍၊ငါစီရင်တော်မူချက်တို့ကို စောင့်ရှောက်ကြလိမ့်မည်။”

    ပြောင်းလဲသူများတွင် ချက်ခြင်းဖြစ်လာသောအရာဖြစ်ပါသည်။ ပထမအချက်တွင် မည်မျှပင် အထီးကျန်ပြီး သီးသန့်ဘ၀ထဲတွင် နေထိုင်ခဲ့သူဖြစ်ပါစေ ခရစ်တော်ကို ယုံကြည် လက်ခံ ပြောင်းလဲလာပြီးနောက်တွင် ဘုရားသခင်၏သားများဖြင့် ဖွဲ့စည်းထားသော အသိုင်း အ၀ိုင်းထဲတွင် ရောက်ရှိလာခဲ့ပြီ။ နောက်ထပ် ဒုတိယအချက်မှာ ဘုရားသခင်ကို ချီးမွမ်း တတ်သော အသက်ရှင်မှု ဖြစ်လာခဲ့ပြီ။ အသစ်သော အသက်တာဟု ကျမ်းစာ နှုတ်ကပတ် တော်က အသိအမှတ်အပြုပါသည်။

နိဂုံး

    သင့်ကို မေးမြန်းချင်သော မေးခွန်းများရှိပါသည်။
    သင်သည် ခြေမစွမ်းသူကဲ့သို့ ဖြစ်ပါသလား။
    မွေးစကပင် အပြစ်သား ဖြစ်နေသည်မဟုတ်ပါလား။
    ဘာမျှ မစွမ်းဆောင်နိုင်သူဖြစ်နေသည် မဟုတ်ပါလား။
    ဘုရားသခင်နှင့် ဝေးသောအရပ်တွင်သာ ရပ်နေရသည် မဟုတ်ပါလား။
    ဆင်းရဲမွဲတေမှုနှင့် အလိုမပြည့်သော ဘ၀တွင် ရှိနေရသည်မဟုတ်ပါလား။
    ငြိမ်သက်ခြင်းနှင့် ၀မ်းမြောက်ခြင်းများက သင့်ဘ၀ထဲမှာ ပျောက်ဆုံးနေပါသလား။

    ခြေမစွမ်းသူရသော ၀ိညာဉ်ရေးရာ ကျန်းမာခြင်းကို ခံစားကြည့်ပါ။ သင်သည် ယခု အခါ ကျေးဇူးတော်အားဖြင့် ကယ်တင်ခြင်းသို့ ရောက်ရှိနိုင်ပါပြီ။ သင့်အပြစ်များအတွက် ခွင့်လွှတ်ခြင်း ခံစားနိုင်ပါပြီ။ သင်သည် အသစ်သော အသက်တာ အသက်ရှင်မှုကို ရရှိနိုင်ပါပြီ။ ယခုအခါ ကောင်းကင်နိုင်ငံတော်သို့ ၀င်ခွင့်လမ်းကြောင်းသည် သင့်အရှေ့မှာ ထင်ရှားလျက် ရှိနေပါပြီ။ သင့်ကို ခေါ်ဖိတ်ပါရစေ။ ယခုပင် သခင်ခရစ်တော်ကို ယုံကြည်လက်ခံကြပါစို့။