Nov 7, 2013

ခရစ်ဝင်ကျမ်းများတွင် ဖော်ပြသော ခရစ်တော်ပြုလုပ်ခဲ့သည် နိမိတ်လက္ခဏာများ


ယခုဖေါ်ပြပေးမှာက ယေရှုခရစ်တော်ရဲ့ နိမိတ်လက္ခဏာတွေ အကြောင်းပါ။ ဒီနိမိတ်လက္ခဏာတွေထဲမှာ ခရစ်တော်ရဲ့ မွေးဖွားခြင်ကို မဖော်ပြတော့ဘဲ ကိုယ်တော်တိုင် လက်နဲ့ လုပ်ဆောင်ခဲ့တဲ့ အရာတွေကို ဖော်ပြလိုက်ပါတယ်။
ဒီနေရာမှာ ဖော်ပြထားတာတွေကတော့ အတတ်နိုင်ဆုံး အစဉ်လိုက် ဖြစ်ဘို့ ကြိုးစားဖော်ပြလိုက်ပါတယ်။ တကယ်လို့ သင့်အမြင်နဲ့ ကွဲပြားခဲ့မယ်ဆိုရင် ကျွန်တော်တို့ ကိုင်တွယ်အသုံးပြုတဲ့ အနက်ဖွင့်ကျမ်း (Commentary) တွေ မတူညီလို့ ဖြစ်ပါတယ်။ ဘာမှာ ငြင်းစရာတော့ မရှိပါဘူး။ အချိန်နဲ့ နေရာတွေကိုတော့ မဖော်ပြတော့ပါဘူး။ နိမိတ်လက္ခဏာ ဖြစ်ပွားပုံတွေသာ  ဖော်ပြလိုက်ပါမယ်။

1.     ရေမှ စပျစ်ရေ ဖြစ်စေခြင်း (ယောဟန် ၂း၁-၁၁)

2.     အမတ်ကြီး၏သားကို ကျန်းမာစေခြင်း (ယောဟန် ၄း၄၆-၅၄)

3.     ပေတရုနှင့်အဖွဲ့ကို ငါးများရစေခြင်း (လုကာ ၅း၁-၁၁)

4.     တရားစရပ်တွင် ညစ်ညူသော နတ်ဆွဲသူအား ကျန်းမာစေခြင်း (မာကု ၁း၂၁-၂၈၊ လုကာ ၄း၃၁-၃၇)

5.     ပေတရု၏ ယောက္ခမကို ကျန်းမာစေခြင်း (မဿဲ ၈း၁၄-၁၅၊ မာကု ၁း၂၉-၃၁၊ လုကာ ၄း၃၈-၃၉)

6.     နူသောသူကို သန့်ရှင်းစေခြင်း (မာကု ၁း၄၀-၄၅၊ လုကာ ၅း၁၂-၁၅)

7.     ခြေလက်သေနေသူအား ကျန်းမာစေခြင်း (မဿဲ ၉း၂-၇၊ မာကု ၂း၃-၁၂၊ လုကာ ၅း၁၈-၂၆)

8.     ဗေသေသဓရေကန်အနီးမှ မကျန်းမာသူကို ကျန်းမာစေခြင်း (ယောဟန် ၅း၁-၁၈)

9.     လက်တဘက် သေသူကို ကျန်းမာစေခြင်း (မဿဲ ၁၂း၉-၁၂၊ မာကု ၃း၁-၆၊ လုကာ ၅း၆-၁၂)

10.  တပ်မှူ၏ ငယ်သားကို ကျန်းမာစေခြင်း (မဿဲ ၈း၅-၁၃၊ လုကာ ၇း၁-၁၀)

11.  မုဆိုးမ၏သားကို ထမြောက်စေတော်မူခြင်း (လုကာ ၇း၁၁-၁၇)

12.  မုန်တိုင်းကို ငြိမ်းစေခြင်း (မဿဲ ၈း၂၃-၂၇၊ မာကု ၅း၁-၂၀၊ လုကာ ၈း၂၇-၃၁)

13.  ဂါဒရအိုင်အနီးတွင် နတ်ဆိုးစွဲမှ နတ်ဆိုးနှင်ထုပ်ခြင်း (မဿဲ ၈း၂၈-၃၄၊ မာကု ၅း၁-၂၀၊ လုကာ ၈း၂၇-၃၉)

14.  သွေးသွန်နာစွဲသော အမျိုးသမီးကို ကျန်းမာစေခြင်း (မဿ ၉း၂၀-၂၂၊ မာကု ၅း၂၅-၃၄၊ လုကာ ၈း၄၃-၄၈)

15.  ယာဣရု၏သမီးကို ထမြောက်စေခြင်း (မဿဲ ၉း၁၈-၂၆၊ မာကု ၅း၂၂-၄၃၊ လုကာ ၈း၄၁-၄၆)

16.  မျက်စိကန်းသောသူကို မြင်စေခြင်း (မဿဲ ၉း၂၇-၃၁)

17.  စကားအသောနတ်ကို နှင်ထုပ်ခြင်း (မဿဲ ၉း၃၂-၃၅)

18.  ယေရှု လူငါးထောင်ကို မုန့်ကျွေးခြင်း (မဿဲ ၁၄း၁၃-၂၁၊ မာကု ၆း၃၀-၄၄၊ လုကာ ၉း၁၀-၁၇၊ ယောဟန် ၆း၁-၁၄)

19.  ရေပေါ်တွင် လမ်းလျှောက်ခြင်း (မဿဲ ၁၄း၂၂-၃၃၊ မာကု ၆း၃၀-၄၄၊ ယောဟန် ၆း၁၅-၂၁)

20.  ခါနန်အမျိုးသမီး၏သမီးထံမှ နတ်ဆိုးနှင်ထုပ်ခြင်း (မဿဲ ၁၅း၂၁-၂၈၊ မာကု ၇း၂၄-၃၀)

21.  ဆွံ့အ နားမကြားသူကို ပြန်လည်ကောင်းမွန်စေခြင်း (မာကု ၇း၃၁-၃၃)

22.  လူ လေးထောင်ကို ကျွေးမွေးခြင်း (မဿဲ ၁၅း၂၁-၂၈၊ မာကု ၇း၂၄-၃၀)

23.  မျက်စိကန်းသူကို ပြန်မြင်စေခြင်း (မာကု ၈း၂၂-၂၆)

24.  ၀က်ရူးနာစွဲသောသားကို ပြန်ကောင်းစေခြင်း (မဿဲ ၁၇း၁၄-၂၁၊ မာကု ၉း၁၄-၂၉၊ လုကာ ၉း၃၇-၄၃)

25.  ငါးပါးစပ်ထဲမှ အကြွေစေ့ကို ထုပ်ပေးခြင်း (မဿဲ ၁၇း၂၄-၂၇)

26.  မွေးရာပါမျက်ကန်းကို ပြန်မြင်စေခြင်း (ယောဟန် ၉း၁-၇)

27.  စာတန်ကြောင့် ကျောကုန်းနေသော မိန်းမကို ပြန်ကောင်းစေခြင်း (လုကာ ၁၃း၁၀-၁၇)

28.  ရေဖျဉ်းစွဲသူကို ပြန်ကောင်းစေခြင်း (လုကာ  ၁၄း၁-၆)

29.  လာဇရုကို ထမြောက်စေတော်မူခြင်း (ယောဟန် ၁၁း၁-၄၆)

30.  လူနူ (၁၀) ဦးကို သန့်ရှင်းစေခြင်း (လုကာ ၁၇း၁၁-၁၉)

31.  ဗာတိမဲကို ပြန်မြင်စေခြင်း (မဿဲ ၂၀း၂၉-၃၄၊ မာကု ၁၀း၄၆-၅၂၊ လုကာ ၁၈း၃၅-၄၃)

32.  သဖန်းပင်ကို အကျိန်ပေးခြင်း (မဿဲ ၂၁း၁၇-၂၂၊ မာကု ၁၁း၁၂-၁၄၊ ၂၀-၂၄)

33.  မာလခု၏နားကို ပြန်တပ်ပေးခြင်း (မဿဲ ၂၆း၅၁-၅၆၊ မာကု ၄း၄၆-၄၇)

34.  ကရာနီမှ အံ့သြဘွယ်ရာများ

35.  ပေတရု၏ ငါးဖမ်းခြင်းကို မစခြင်း (ယောဟန် ၂၁း၁-၁၄)

ဤဖော်ပြချက်များကို [Larry Richards. “Every Miracle of the Bible.” ( Nashville: Thomas Nelson Pub., 1998) pp. 198-199] မှ ကူးယူ ဖော်ပြပါသည်။

ခရစ်တော်၏ နိမိတ်လက္ခဏာများကို ဖော်ပြရာတွင် အသုံးပြုသော အနက်ဖွင့်ကျမ်း များ၏ ကွဲပြားခြားနားချက်များအရ မတူညီနိုင်ကြပါ။ အချို့ (၃၃) ခု ဖော်ပြပြီး အချို့က (၄၀) ခန့်လောက်အထိ ဖော်ပြကြပါသည်။

  • ဓမ္မသစ်ကျမ်းစာထဲတွင် နိမိတ်လက္ခဏာများကို ဖေါ်ပြရာတွင်


  •  နိမိတ်လက္ခဏာ (၃၅) ခုစလုံးကို ခရစ်ဝင်ကျမ်း ရေးသားသူတစ်ဦးစီက အကုန်အစင်မဖော်ပြကြပါ။


  • ကျမ်းစာက ရှင်းလင်းစွာ ဖောပြခဲ့သည်မှာ နိမိတ်လက္ခဏာ မြောက်များစွာ ပြုလုပ်ခဲ့ပြီး ရေးသား၍ ပင် မဖြစ်နိုင်ဟု ဖေါ်ပြခဲ့ပါသည်။ (ယောဟန် ၂၀း၃၀-၃၁)


  •  အချို့ နိမိတ်လက္ခဏာများမှာ ခရစ်ဝင်ကျမ်း (၄) စောင်စလုံးက ဖော်ပြပြီး တချို့မှာမူ (၁) စောင်တည်းကသာ ဖော်ပြပါသည်။


  • နိမိတ်လက္ခဏာများကို ဖော်ပြရာတွင် တစ်ခုနှင့်တစ်ခု အဖြစ်အပျက် အစီအစဉ် နေရာ အထားအသို ကွာခြားပါသည်။

Oct 1, 2013

ဘာကြောင့် ဘုရားကျောင်း တတ်ရတာလဲ။

ကျွန်တော် တွေ့ဘူးတဲ့ ခရစ်ယာန်အချို့ဟာ ဘုရားကျောင်း သွားတယ် ဆိုတာ ခရစ်ယာန် ဖြစ်လို့ သွားတယ် လို့သာ သဘော ထားကြတယ်။ အချို့က ရွာကို လူကြုံ တစ်ဦး တစ်ယောက်များ ရှိမလား ဆိုပြီး သွားကြတယ်။ အချို့ အသင်းတော်က အကူအညီ တစ်ခုခု ရမလားဆိုပြီး သွားကြတယ်။ အချို့ အလုပ်အကိုင် ရှာဖွေရာ နေရာ သဘောမျိုး ရှိကြတယ်။ အချို့က သီချင်းဆို လေ့ကျင့်ရာနေရာမျိုး သဘောထားကြတယ်။ အခြား အကြောင်း အရင်းတွေလည်း ရှိပါဦးမယ်။ ဒါပေမဲ့ ခရစ်ယာန်ဆိုတာ နက်နက်နဲနဲ ပြောမယ်ဆိုရင် ယုံကြည်သူဆိုတာ၊ ဒီထက် နက်နဲရဦးမယ်ဆိုရင် ကယ်တင်ခြင်းရပြီး သူတိုင်းဟာ ဘုရားကျောင်းကို သွားသင့်ပါတယ်။

ခရစ်ယာန် တစ်ဦးဟာ ဘာကြောင့် ဘုရားကျောင်းကို သွားရတာလဲ ဆိုတာကို သင်စူးစမ်းလေ့လာဘူး ပါသလား။ သင့်ကိုယ်တိုင် အဲဒီအကြောင်းကို လေ့လာခဲ့ဘူးခြင်း မရှိဘူးဆိုရင် အခု ဖော်ပြလိုက်တဲ့ အချက် (၁၃) ချက်ဟာ သင့် အတွက် အထောက်အကူ ဖြစ်စေပါလိမ့်မယ်။

ဘုရားကျောင်းကို သွားတယ်ဆိုတာ ကယ်တင်ခြင်းရဘို့ ကောင်းကင်ကို သွားဘို့ မဟုတ်ပါဘူး။ ဒါပေမဲ့ ဘုရား ကျောင်းကို သွားတယ်ဆိုတာ အရေးကြီးပါတယ်။ သင့်အသက်တာကို တိုးတက်ဘို့ အကူအညီ ပေးပါလိမ့်မယ်။ ဒါကြောင့် အဲဒီ ဘုရားကျောင်းကို သွားတဲ့ အလေ့အကျင့်ကို ထိန်းသိမ်းရပါလိမ့်မယ်။

အောက်ပါ အချက်များကို လေ့လာကြည့်ပါ။

၁။ ဘုရားသခင် သတ်မှတ်ထားတဲ့ နေ့ရက်ကို တန်ဘိုးထား လေးစားခြင်းကို နာခံမှုနဲ့ သက်သေထူ တာဘဲ ဖြစ်ပါ တယ်။ ဓမ္မဟောင်းခေတ်မှာကတည်းက ဘုရားသခင်အတွက် တစ်ပတ်မှာ တစ်ရက် အချိန်ပေးဘို့ တောင်းဆို ထားတာ ရှိပါတယ်။ (ထွက်မြောက်ရာ ၂၀း၈)

၂။ ကျွန်တော်တို့လို ခရစ်တော်၌ ရှိသော ညီအကို မောင်နှမများရှိတဲ့ ယုံကြည်ခြင်းနဲ့ ဆိုင်တဲ့ အသိုင်းအ၀ိုင်းနဲ့ သက်ဆိုင် မှု ရှိကြောင်း ဖော်ပြဘို့

၃။ ကျွန်တော်တို့ကိုယ်တိုင် ကျမ်းစာဖတ်ခြင်းကိုသာ အမြဲတမ်း မှီတည်နေတာထက် အခြားလူများရဲ့ ဦးဆောင်ခြင်း၊ သွန်သင်ခြင်း တွေအားဖြင့် ပိုမို အကျိုးရှိနိုင်တဲ့ အသက်တာကို တတ်လှမ်းဘို့

၎။ ကျွန်တော်တို့ဟာ ခရစ်တော်၌ ရပ်တည်နေခြင်းကို အမြဲသတိရရန်၊ ကျွန်တော်တို့ လုပ်ဆောင်ခဲ့ သော အပြစ်နှင့် ဒုစရိုက် ကို သိမြင် ၀န်ခံနိုင်ရန်၊ သမ္မာတရားကို သင်ကြားခံယူရန် ဖြစ်ပါတယ်။

၅။ ကျွန်တော်တို့ဟာ အစာရှောင်ဘို့၊ ဆုတောင်းဘို့၊ ဆယ်ဘို့တစ်ဘို့ ပေးဘို့

၆။ သမ္မာကျမ်းစာက အကြောင်းအရာတွေနဲ့ ပတ်သတ်ပြီး ယုံကြည်ခြင်းနဲ့ အသက်တာမှာ ရင်ဆိုင်ရတဲ့ အမှုအရာ တွေကို အကူအညီ ရယူဘို့

၇။ အခြားသော ယုံကြည်သူတွေရဲ့ ခြားနားတဲ့ အမြင်များမှ ယုံကြည်ခြင်းနဲ့ အသက်ရှင်မှုမှာ ရုန်းကန်ရတဲ့ အကြောင်း အရာ တွေကို ကြားနာနိုင်ဘို့

၈။ အသင်းတော်ထဲမှာ ရှိတဲ့ မိမိတို့ရဲ့ လက်တွဲဖော် ယုံကြည်သူများရဲ့ သက်သေခံချက်တွေ၊ အတွေ့အကြုံတွေကို ကြားနာနိုင်ဘို့

၉။ ဘုရားသခင်ရဲ့ မေတ္တာနဲ့ သတိပေးချက်တွေကို ကြားနာနိုင်ဘို့

၁၀။ ဘုရားသခင်ကို မသိကျိုးကျွန်ပြုပြီး မိမိရဲ့ ထုံးစံအစဉ်အလာတွေကိုဦးစားပေး ဆောင်ရွက်မှုတွေ ရှိခဲ့ရင် သတိရ ဆင်ခြင်နိုင်ဘို့

၁၁။ ကျွန်တော်တို့၏ ယုံကြည်ခြင်းကို ဆုတောင်းခြင်း၊ အစာရှောင်ခြင်း၊ ဆယ်ဘို့တစ်ဘို့ ပေးခြင်း၊ ဂုဏ်တော် ချီးမွမ်း ခြင်း၊ သက်သေခံခြင်းအားဖြင့် ဖော်ပြရန်

၁၂။ ယုံကြည်သူများဟာ နှုတ်ကပတ်တော်ကို ကြားသိခဲ့ပြီး အသက်ရှင်ရတဲ့ ရက်သတ္တပတ်နဲ့ အသက်တာရဲ့ အစိတ်အပိုင်းကို ကျေးဇူးသိ တုန့်ပြန်ဘို့

၁၃။ အသက်တာထဲက ဒုက္ခ၊ ပြဿနာ၊ မိသားစု၊ အလုပ်အကိုင်တွေ အကြားမှာ နစ်မြုတ်နေပေမဲ့ ကိုယ်တော့်ကို မမေ့ ဘူး။ ကိုယ်တော်နဲ့ မိတ်သဟာရပြုတယ်ဆိုတာ သက်သေထူဘို့

အခြားဖော်ပြနိုင်တဲ့ အကြောင်းအရာတွေလည်း ရှိကောင်းရှိနိုင်ပါသေးတယ်။ တကယ်တော့ စာတန် ဟာ ယုံကြည်သူတွေကို နည်းပရိယာယ် အမျိုးမျိုးနဲ့ ဘုရားကျောင်းတွေကို မရောက်နိုင်အောင် လုပ် ဆောင်နေပါတယ်။ ယခုခေတ်မှာ ဘုရားကျောင်းမသွားနိုင်သော်လည်း အင်တာနက်ကနေ နှုတ်ကပတ်တော်ကို ကြားနာနိုင်တယ်။ ယုံကြည်သူခြင်း မိတ်သဟာရဖွဲ့နိုင်တယ်။ အလှူငွေ ပို့ပေး လို့ရတယ်။ ဆုတောင်းချက်တွေ တင်လို့ရတယ် ဆိုပြီး လူတိုင်း ခံစားနေကြပါတယ်။ အင်တာ နက် မရှိရင်တောင် တယ်လီဖုန်းနဲ့၊ အခြားဆက်သွယ်ရေး မီဒီယာတွေနဲ့ ၀တ်ပြုကိုးကွယ်ခြင်းတွေကို လုပ်ဆောင်နေကြပါတယ်။ ဒါကြောင့် ဘုရားကျောင်းကို မသွားရင် ဖြစ်တယ်လို့ ခံစား နေသူတွေ ရှိပါတယ်။

ကိုယ်တော်ကို ချစ်ပြီး နှုတ်ကပတ်တော်တွေကို တန်ဘိုးထားတယ်ဆိုရင် ဘုရားကျောင်း ဆိုတာ တကယ် သွားသင့် ပါတယ် (သေချာပေါက် သွားရမယ်။)

အခုဖော်ပြလိုက်တဲ့ အချက်တွေဟာ ကျွန်တော့် ကိုယ်တိုင် ယုံကြည် လက်ခံထားတဲ့အချက်တွေ ဖြစ်ပြီး သဘောမတူ လက်မခံနိုင်သူများ ရှိခဲ့ရင်လည်း ကျွန်တော်ဟာ ငြင်းမှာ မဟုတ်ပါဘူ။ ကိုယ့်သဘော ကိုယ့်ဆန္ဒသာလျှင် အရေး အကြီးဆုံး ဖြစ်ပါတယ်။

အဲဒီနေရာမှာ မိမိ ဖတ်ခဲ့တဲ့၊ သိခဲ့တဲ့၊ ကြားခဲ့တဲ့ နှုတ်ကပတ်တော်တွေကို အတည်ပြုပြီး ဘ၀အသက်တာအတွက် မှတ်တမ်း တင်ရမယ့် နေရာဖြစ်တယ်ဆိုတာ ဝေငှလိုက်ပါတယ်။

ဘုရားသခင် ကောင်းကြီးပေးပါစေ။

နာမတော်မြတ်၌

ဦးမင်းလွင်

Sep 24, 2013

ဘုရားသခင်နှင့်အတူ လျှောက်လှမ်းသည်ဆိုရာဝယ် . . .

မသုရှလဘွား မြင်သော နောက်၊ ဧနောက်သည် အနှစ်သုံးရာပတ်လုံးဘုရားသခင်နှင့်အတူသွားလာ၍၊ သားသမီးများ ကို မြင်လေ၏။ (ကမ္ဘာ ၅း၂၂)

နိဒါန်း


ယုံကြည်သူ ဆိုသည်မှာ ဘုရားသခင်ကို အမှီပြု အသက်ရှင် ကြသောသူများ ဖြစ်သည်။ ယုံကြည်သူ တိုင်းသည် ကိုယ့်ခွန် အားထက် ဘုရားသခင် ပေးသော ခွန်အားဖြင့် အသက်ရှင်ရမည် ဆိုသည်ကို နားလည် သဘော ပေါက်ကြ ပါသည်။ ယုံကြည်သူ များသည် ဘုရားသခင်နှင့် အတူလျှောက်လှမ်း အသက်ရှင်ရ မည်ဟူသော အသိတရား ရှိကြ သည်။ သို့သော် မည်သို့ ဘုရားသခင်နှင့် အတူ လျှောက်လှမ်းရမည်ကို မသိကြ။


အချင်းလူ၊ ကောင်းသောလမ်းကို ပြတော်မူပြီ။ တရားသဖြင့်ပြုခြင်း၊ ကရုဏာကိုနှစ်သက်ခြင်း၊ သင်၏ ဘုရားသခင် ရှေ့တော်၌ နှိမ့်ချသောစိတ်နှင့် ကျင့်နေခြင်းမှတပါး အဘယ်ပူဇော်သက္ကာကို ထာဝရဘုရား တောင်းတော်မူသနည်း။ (မိက္ခာ ၆း၈)


ဘုရားသခင်နှင့် လျှောက်လှမ်းခြင်းဆိုသည်မှာ အဘယ်နည်း။


ဘုရားသခင်နှင့် အတူလျှောက်လှမ်းခြင်းဆိုသည်မှာ သွန်သင်ချက်များအတိုင်း လိုက်လျှောက်အသက်ရှင်ခြင်းဖြစ်သည်။


ဘုရားသခင်၏ လမ်းတော် ဆိုရာတွင် “ထိုသခင်၌ ငါသိ၏ဟု ဆိုသောသူသည်၊ ထိုသခင်ကျင့်တော်မူသည် နည်းတူ ကျင့်ရမည်” (၁ယော ၂း၆) ဟု ဆိုထားပါသည်။ ဆိုလိုသည်မှာ ထိုသခင် ယေရှု ခရစ်တော် မည်သို့ အသက်ရှင် လုပ်ဆောင် ကျင့်ကြံ ခဲ့ပါသနည်း။ ထိုသခင်၏ အသက်တာကို ခရစ်ဝင် ကျမ်းများတွင် တွေ့ရှိနိုင်ပါသည်။ ခရစ်တော် အသက်ရှင် လိုက်လျှောက်သည့်အတိုင်း လျှောက်လှမ်းရမည် ဟုဆိုလိုခြင်းဖြစ်ပါသည်။

ဘုရားသခင်၏ လမ်းသည် ကောင်းသည်ဟု အထက်က မိက္ခာကျမ်းတွင် ဖော်ပြထားသည် မဟုတ်ပါလော။


မတရားသော သူတို့၏ တိုက်တွန်းခြင်းသို့ မလိုက်၊၊ လူဆိုးတို့၏ လမ်းတွင်မ ရပ်မနေ၊ မထီမဲ့မြင် ပြုသောသူ တို့၏ အစည်း အဝေး၌ မထိုင်၊ ထာဝရဘုရား၏ တရားတော်၌ မွေ့လျော်၍ တရားတော်ကို နေ့ညဥ့် မပြတ် ဆင်ခြင်အောက် မေ့ သော သူသည် မင်္ဂလာရှိ၏၊၊ (ဆာလံ ၁း၁-၂)


ဘုရားသခင်နှင့် လျှောက်လှမ်းခြင်းဆိုသည်မှာ ဘုရားသခင်၏ အကြံအစည် တော်ထဲတွင် အသက်ရှင်ခြင်း ဖြစ်သည်။


ဘုရားသခင်၏ အကြံအစည်တော် ဆိုသည်မှာ ဘုရားသခင်က ဘာဖြစ်မည်။ မည်သို့ ဖြစ်မည်ကို ရှေးမဆွကပင် ဆုံးဖြတ် ထားသည့် ဆုံးဖြတ်ချက် ဖြစ်သည်။ ယုံကြည်သူတိုင်း သည် ဘုရားသခင်က စီစဉ်ထား သည့်အတိုင်း ဖြစ် ပျက်နေကြပါသည်။ တစ်ခါတစ်ရံ ထိုဖြစ်စဉ်များတွင် မိမိတို့ မလိုချင်သည့် အမှုများ ပါရှိနေတတ်ပါသည်။ သို့သော် လည်း ဘုရားသခင်၏ အကြံအစည် တော်ဖြစ်သည်ကို ခံစားနားလည်ပါလျှင် စိတ်ထဲ၌ သက်သာမှု တစ်စုံတစ်ရာကို ခံစားနိုင်ပါသည်။


ငါနှင့်တူသောသူ မည်မျှမရှိ။ ငါသည် နှုတ်တွက် အတိုင်းပြုမည်။ ကြံသည်အတိုင်း စီရင်မည်။ (ဟေရှာယ ၄၆း၁၁)


ဘုရားသခင်၏ အကြံအစည်တော် ရည်ရွယ်ချက် များကို တစ်ခါတစ်ရံ ကျွန်တော်တို့ ကြိုတင် သိရှိနိုင် ပါသည်။ သို့သော်လည်း တစ်ခါတစ်ရံတော့ ကျွန်တော်တို့ မသိရှိနိုင်ပေ။ ဘုရားသခင်နှင့် အကျွမ်းဝင် မိဿဟာရဖွဲ့သူတို့ အနေ ဖြင့် လုပ်ငန်းစဉ် တော်တော် များများကို မည်သို့ပင်ဖြစ်နေ စေကာမူ အလိုတော်ကို ၀န်ခံနိုင်ကြသည်။ ဘုရား သခင်၏ အကြံအစည်တော်နှင့် ရည်ရွယ်ချက်များသည် တစ်ခါတစ်ရံ အလွန်မြန်ဆန်စွာ ဖြစ်တတ်ပြီး၊ တစ်ခါတစ်ရံ အလွန်နှေးကွေး စောင့်ဆိုင်းရသည့် အခြေအနေများ ရှိနေတတ်ပါသည်။ တစ်ခါတစ်ရံ လုပ်ငန်းစဉ်များ ရပ်တန့်သွားသည်အထိ ဖြစ်တတ်သည်။ (အာဗြဟံနှင့် စာရာတို့၏ အသက်တာကို လေ့လာကြည့်ပါ။)


ဘုရားသခင်နှင့် လျှောက်လှမ်းခြင်းဆိုသည်မှာ တိုးတက် ရင့်ကျက်သော အသက်တာသို့ တက်လှမ်းနေခြင်း ဖြစ်သည်။


ဘုရားသခင်နှင့် လျှောက်လှမ်း လိုသူသည် အသက်တာကို တစ်ဆင့်ပြီး တစ်ဆင့် တိုးတက်မှု ရှိရပါမည်။ ပထမဦးဆုံး ဘုရားသခင် သတ်မှတ်ထားသော အဆင့်တစ်ခုကို ဖြတ်သန်း ရသည်။ ထိုအရာမှာ ဧ၀ံဂေလိ တရားကို သိရှိလာပြီး ကယ်တင်ခြင်း ရရှိရမည်။ ထိုအရာကို ဒုတိယမွေးဖွားခြင်းဟု ကျမ်းစာတော်မြတ်က ခေါ်ဆိုထားပါသည်။

အဆင့်ဆင့် ဆိုရာတွင် ပထမဦးစွာ လမ်းလျှောက်သူမည့်သူသည် ပထမ မတ်တပ်ရပ်နိုင်ရပါမည်။ အနည်း ငယ် ရှေ့ကို ဆက်လက် ကြည့်မည်ဆိုပါက မတ်တပ်မရပ်ခင် ကလေးငယ် အဆင့် ဖြစ်သော လေးဘက်ထောက် သွားသော အခြေအနေ တစ်ခု ရှိရပါမည်။ လေးဘက်ထောက် မသွားမီ အမိ ၀မ်းတွင်းမှ မွေးဖွား ရပါဦးမည်။ ထို့ကြောင့် ကိုယ်တော်က


“ဒုတိယမွေးခြင်းကို ခံရမည်ဟု ငါဟောပြောသည်ကို အံ့သြခြင်းမရှိနှင့်။ “(ယောဟန် ၃း၇)


ကြီးထွားခြင်းဆိုသည်မှာ ကယ်တင်ခြင်း ရရှိပြီးသူအတွက် ပုံမှန် လုပ်ငန်းစဉ် တစ်ခု ဖြစ်သည်။ ထိုအဆင့်များကို တစ်ဆင့်ပြီး တစ်ဆင့် မဖြတ်သန်းဘဲ ကိုယ်တော်နှင့် အတူ လျှောက်လှမ်းဘို့ လုံးဝ မဖြစ်နိုင်ပါ။ သမ္မာကျမ်းစာတွင် အသင်းတော် ခေတ်ဦး အချိန်က ယုံကြည်သူများသည် ကယ်တင်ခြင်း ရရှိပြီးသည့် အချိန်မှ စတင်ကာ တစ်ဆင့်ပြီး တစ်ဆင့် ရင့်ကျက်တိုးတက်လာကြသည်ကို အောက်ပါ ကျမ်းပိုဒ်က ဖော်ပြနေပါသည်။


ထိုသူများသည် တမန်တော်တို့၏ ဆုံးမသြဝါဒကို ခံခြင်း၊ အပေါင်းအသင်းဖွဲ့ခြင်း၊ မုန့်ကိုဖဲ့ခြင်း၊ ပဌနာ ပြုခြင်း တို့ ကို အမြဲဆောင်ရွက်၍ နေကြ၏၊ လူအပေါင်း တို့သည် ကြောက်လန့်ခြင်း ရှိသည်ဖြစ်၍ တမန် တော် တို့သည် များစွာသော နိမိတ် လက္ခဏာ၊ အံ့ဘွယ်သော အမှုတို့ကို ပြုကြ၏။ ယုံကြည်သော သူ အပေါင်း တို့သည် တစုတဝေး တည်း နေသဖြင့်၊ မိမိတို့၌ ရှိသမျှကို ဆက်ဆံ၍ သုံးဆောင်ကြ၏။ မိမိတို့ဥစ္စာ ပစ္စည်းများကို ရောင်းပြီးလျှင်၊ လူ များ ဆင်းရဲသည် အတိုင်း အသီးသီး တို့အား ဝေငှခြင်းကို ပြုကြ၏။ ထိုသူတို့ သည်လည်း ဗိမာန်တော်၌ နေ့တိုင်း အစဉ် တညီ အညွတ်တည်း နေ၍၊ ကိုယ်အိမ်၌ မုန့်ကို ဖဲ့ လျက် ကြည်ဖြူ ရွှင်လန်းဝမ်းမြောက်သောစိတ်နှင့် အစာ အာဟာရကိုသုံးဆောင်ကြ၏။ (တမန် ၂း၄၂-၄၆)


ဘုရားသခင်နှင့် လျှောက်လှမ်းခြင်း သည် ကိုယ်တော်နှင့် ရင်းနှီးကြွမ်းဝင်မှုကို ဝေငှခြင်းဖြစ်သည်။


ဘုရားသခင်နှင့် လျှောက်လှမ်းရန် ဘုရားသခင်နှင့် ရင်းနှီး ကျွမ်းဝင်မှု ရှိရပါမည်။ အမှန်တကယ်တွင် ဘုရားသခင်က လူသား များနှင့် ရင်နှီး ကျွမ်းဝင်လိုသောကြောင့် ဘုရားသခင်ကပင် စတင်ကာ လူသားတို့နှင့် ရင်နှီး အကျွမ်းဝင်ရန် စတင်ခဲ့သည်ကို တွေ့ရပါသည်။
အဘယ်ကြောင့်ဆိုသော် မေတ္တာကြီးမားသောကြောင့် ဖြစ်သည်။ ဘုရားသခင်သည် ရင်နှီးလိုသူများကို ရှာဖွေလျက် ရှိသည်။

ငါသည်လည်း၊ ညီညွတ်သော စိတ်နှလုံးနှင့် အသစ်သော သဘောကို သွင်းပေးမည်။ သူတို့ခန္ဓာ ကိုယ်ထဲက ကျောက် နှလုံးကိုနှုတ်၍၊ အသားနှလုံးကို ပေးသောကြော့င်၊ သူတို့သည် ငါစီရင်ထုံးဖွဲ့သော ပညတ် တရားလမ်းသို့ လိုက်၍ စောင့်ရှောက်သဖြင့်၊ ငါ၏ လူဖြစ်ကြလိမ့်မည်။ ငါသည်လည်း သူတို့၏ ဘုရားသခင် ဖြစ်မည်။ (ယေဇကျေလ ၁၁း၁၉-၂၀)


ဘုရားသခင်သည် သူ၏ သားသမီးများကို သူနှင့်ရင်းနှီး ကျွမ်းဝင်ခြင်းအားဖြင့် အသက်တာတွင် သိရှိ ခံစားလာ ရသည့် နှုတ်ကပတ်တော်များ၊ ကောင်းကြီးမင်္ဂလာများ၊ တန်ခိုးတော်များ အစရှိသည် တို့ကို သူတစ်ပါးအား ဝေငှ သက်သေခံ ရန် ခွင့်ပြုထားပါသည်။

ဘုရားသခင်သည် ကျွန်တော်တို့၏ မျှော်လင့်ခြင်း၊ အိပ်မက်နှင့် ပြင်းပြသော ဆန္ဒကို အဆင်ပြေခြင်း၊ မပြေခြင်းနှင့် ပြဿနာ တို့ကို ကိုယ်တော့်ထံတွင် တောင်းလျှောက်ရန် မိန့်တော်မူထားပါသည်။ အဘယ်ကြောင့် ဆိုသော် အခြား ကိုယ်တော်ကို မသိကျွမ်းသေးသူများလည်း ကိုယ်တော်နှင့် သိကျွမ်းရင်းနှီးလာစေရန်ဖြစ်သည်။

ငါ့ကိုခေါ်လော့။ ငါထူးမည်။ ကြီးသောအရာ၊ သင်မသိနိုင်အောင် နက်နဲသော အရာတို့ကို ငါပြမည်။ (ယေရမိ ၃၃း၃)

ဘုရားသခင်နှင့် လျှောက်လှမ်းခြင်းဆိုသည်မှာ မျှော်လင့်ချက် ရှိသည့်နေရာသို့ သွားရောက်နေခြင်းဖြစ်သည်။


ဧ၀ဂေလိတရားကို ယုံကြည်ပြီး ယေရှုခရစ်တော်ကို မိမိ၏ ကယ်တင်ပိုင်ရှင်အဖြစ် ယုံကြည် လက်ခံသော သူတိုင်း သည် ကောင်းကင် ရွှေပြည်သို့ ၀င်စားရမည်မှာ သေချာပါသည်။ ထိုအရာသည် ဘုရားသခင် ကိုယ်တော်တိုင် မျှော်လင့် နေသော အရာဖြစ်ပြီး ယုံကြည်သူတိုင်း အတွက်လည်း မျှော်လင့်ချက်ဖြစ်ပါသည်။ ထိုမျှော်လင့်ချက် အဘို့အလို့ ငှါ အသင်းတော် ဆိုသည်မှာ ပေါ်ထွန်းလာခြင်းဖြစ်ပါသည်။


အဘယ်သို့နည်း ဟူမူကား၊ တမန်တော် မှစ၍ ပရောဖက်များတည်း ဟူသော တိုက်မြစ်အပေါ်၌ သင်တို့သည် ထပ်ဆင့်၍ တည်ဆောက်လျက်ရှိကြ၏ (ဧဖက် ၂း၂၀)


ဘုရားသခင် ရောက်စေချင်သော နောက်ဆုံးပန်းတိုင်မှာ ကောင်းကင်ဘုံဖြစ်သည်။


ဧနောက်သည် ယုံကြည်ခြင်းအားဖြင့် သေခြင်းနှင့်လွတ်၍ ဘဝပြောင်းရ၏။ ဘုရားသခင်သည် သူ့ကို ဘဝပြောင်းစေတော်မူသောကြောင့်၊ သူသည် နောက်တဖန်မပေါ်မရှိ။ သူသည် ဘဝမပြောင်းမှီ ဘုရားသခင်၏ စိတ်တော်နှင့် တွေ့သောသူဖြစ်သည်ဟု သက်သေခံခြင်းကို ရလေ၏။ (ဟေဗြဲ ၁၁း၅)


ဧနောက်သည် ဘုရားသခင်နှင့် အတူလျှောက်လှမ်းသည်ဆိုရာတွင် မျှော်လင့်ထားသည့် ကောင်းကင်ဘုံသို့ သွားရောက်ရန် ဘုရားသခင်ကို စတင်သိကျွမ်းကတည်းက ထားရှိခဲ့သော ပန်းတိုင်းဖြစ်သည်။ ထိုကဲ့သို့ ထားရှိသည့် ပန်းတိုင်ကြောင့် မည်သည့် ပြဿနာ အခက်အခဲ ရှိနေစေကာမူ ကိုယ်တော်ကို မလွှတ်တမ်း ကိုင်ဆွဲ အသက်ရှင်ခဲ့သည်။ အဘယ်ကြောင့်ဆိုသော် ကိုယ်တော်နှင့် မဝေးချင်သောကြောင့်ဖြစ်ပါသည်။

နိဂုံးချုပ်


ယနေ့ ဤနှုတ်ကပတ်တော်ကို ဖတ်ရှုကြသော ယုံကြည်သူအပေါင်းကို တိုက်တွန်းနိုးဆော်လိုက်ပါရစေ။ သင့်အသက်တာတွင် ကိုယ်တော်နှင့် အတူ လျှောက်လှမ်းရန် စိတ်ပိုင်းဖြတ်ထားသည် ဆိုပါက

၁။ ကျမ်းစာကိုဖတ်၍ သွန်သင်ချက်အတိုင်း လိုက်လျှောက် အသက်ရှင်ပါ။

၂။ ကိုယ်တော်၏ အကြံအစည်တော်ထဲတွင် အသက်ရှင်ပါ။

၃။ ကယ်တင်ခြင်းရရင် လုံလောက်ပြီဟု စိတ်တွင်မထားဘဲ ရင့်ကျက်သော အသက်တာသို့ တက်လှမ်းပါ။

၎။ ကိုယ်တော်နှင့် ရင်နှီးကျွမ်းဝင်မှု ရှိစေရန် တည်ဆောက်ပြီး ထိုရင်းနှီးမှုကိုလည်း သူတစ်ပါးကို ဝေငှပါ။

၅။ မျှော်လင့်ချက်ရှိသည့် ကောင်းကင်နိုင်ငံတော်သို့ ရောက်ရမည်ကို အစဉ်ဝမ်းမြောက်လျက် အသက်ရှင်ပါ။

ဘုရားသခင် ကောင်းကြီးပေးပါစေ။

နာမတော်မြတ်၌

ဦးမင်းလွင်

Sep 14, 2013

ချီးမွမ်းခြင်းများနဲ့ ကိုးစားလိုက်ပါ

လူတိုင်းလူတိုင်းဟာ ကိုယ့်ကို သူတစ်ပါး ချီးမွမ်းတာကို ခံယူချင်ကြတဲ့ ဆန္ဒတွေ ရှိတတ်ကြ ပါတယ်။ ကိုယ်ရဲ့လုပ် ဆောင်မှု တစ်ခုခုအတွက်ပဲ ဖြစ်ဖြစ်၊ ကိုယ့်ရဲ့လေးစားရတဲ့သူ၊ ကိုယ့်ရဲ့ခင်မင် ရင်းနှီးရတဲ့သူ၊ ကိုယ့်ရဲ့မိဘများ၊ ညီ အစ်ကို မောင် နှမများ ထံက ချီးမွမ်းစကားကို ရယူချင်တတ်ကြ ပါတယ်။ ဘာဖြစ်လို့လဲဆိုတော့ “အသိအမှတ်ပြု ခံချင်လို့” ပဲဖြစ်တယ် မဟုတ်လား။ ဒီအကြောင်းအ ရာကို သိစေချင်တဲ့ ကျွန်ုပ်ရဲ့ ဆန္ဒအရင်းခံ တစ်ခုကတော့ အထက် က ဖော်ပြ ထားတဲ့ စိတ်နေ သဘောထား ဆန္ဒတွေဟာ လောကမှာ အသက်ရှင်ချိန် လေးအတွက် တခဏလေးပဲ အသိအမှတ်ပြုခြင်း ကိုခံရတာဖြစ် တယ်ဆိုတာကို နားလည်လက်ခံဖို့ လိုအပ်ပါတယ်။ တစ်ခါတရံ (အမှန်အတိုင်းပြောရ ရင် အချိန်တော်တော်များများမှာ) ဘုရားသခင် ကျွန်တော်တို့ အသက်တာရဲ့ လိုအပ်ချက် များကို ဖြည့်ဆည်း လုပ်ဆောင်ပေး ခဲ့တဲ့ ကောင်းကြီး မင်္ဂလာတွေ ကိုတော့ အကန့်အသတ်မရှိ ခံစားရယူနေပြီး ဘုရားသခင် ကို ကျေးဇူးတင် ချီးမွမ်းတဲ့ စကားလေး တစ်ခွန်းကို ပြောဖို့ မေ့လျော့နေ တတ် ကြပါတယ် ...။(ဥပမာ - နေ့စဉ်ရှူရှိုက်ရတဲ့ လေအတွက်)


မိတ်ဆွေအနေနဲ့ ကိုယ့်အပေါ်မှာ ခင်မင် တွယ်တာပြီး ကိုယ့်ကို ချစ်လျက်၊ ဂရုစိုက်တဲ့ လူရဲ့ အကြောင်းဆိုရင် အမြဲဘဲ သတိတရနဲ့ စိတ်ထဲမှာ ပဲဖြစ်ဖြစ်၊ တစ်ခါတရံ နှုတ်ကပဲဖြစ်ဖြစ်၊ ရင်ထဲ ကနေ ဘယ်လောက်တောင် ကျေးဇူး တင်ရှိပါ ကြောင်း၊ အတိုင်းမသိဝမ်းမြောက်ရပါကြောင်းကို မျက်ရည်ထွက် မတတ်ခံစားပြီး ကျေးဇူးတင်တတ် ကြပါတယ်။


ဘုရားသခင် ကျွန်တော်တို့အယောက်စီ တိုင်းအပေါ်မှာ ထားရှိတဲ့ သူ့ရဲ့မေတ္တာတော်၊ ဂရုဏာတော်၊ သစ္စာတော်၊ ကျေးဇူးတော်အစရှိတဲ့ စိတ်နေသဘောထား ဂုဏ်တော်တွေကို မိတ်ဆွေ အနေနဲ့ လေးလေးနက်နက် ဆင်ခြင်စဉ်းစားစေ ချင်လို့ ဒီဆောင်းပါးကို ကျွန်တော့်အသက်တာမှာ ဖြတ်သန်းခဲ့ရတဲ့ အတွေ့အကြုံကနေတဆင့် ဘုရားသခင်အကြောင်းကို ဆင်ခြင်ရင်း ဝေမျှပါတယ်။


ယုံကြည်သူ ခရစ်ယာန်တစ်ဦးအနေနဲ့ ခရစ်တော်အားဖြင့် ဘုရားသခင် ပြင်ဆင်ပေးခဲ့တဲ့ ကယ်တင်ခြင်း ဆိုတဲ့ ကောင်းကြီး မင်္ဂလာကို ခံယူပြီးတဲ့ အချိန်ကစပြီး ခရစ်တော်ဟာ ကျွန်တော်တို့ရဲ့ အရှင်သခင်၊ ကျွန်တော်တို့ကို အပြစ် ငရဲကနေပြီး သူ့ရဲ့အသွေးတော်နဲ့ ရွေးနှုတ် ထားပြီးပြီဖြစ်လို့ ခရစ်တော် အရှင်သခင်ရဲ့ အကြောင်း၊ အမိန့်တော် ကိုကျွန်တော်တို့ အမြဲဘဲ ဆင်ခြင် နှလုံးသွင်းပြီး အလိုတော်ကို နာခံ လိုက်လျှောက် ဖို့ရန် မပျက် မကွက် တာဝန်ရှိပါတယ်။ အဲဒီလို လိုက်လျှောက် ရာမှာလည်း ကျွန်တော်တို့ရဲ့ ခွန်အား၊ အစွမ်းအစ တွေကို အမှီပြုလို့ မရတဲ့ အတွက်ကြောင့်မို့ သန့်ရှင်း သောဝိညာဉ်တော်ကို ကျွန်ုပ်တို့ မှီခို ကိုးစားဖို့ ပေး ထားပါတယ်။ ကျွန်ုပ်တို့ရဲ့ အသက်တာ ကဏ္ဍတိုင်း မှာ ဘုရားသခင် အပေါ် ဘယ်လောက် ယုံကြည် ကိုးစား မှီခိုသလဲ ဆိုတာကို ဘုရားသခင်ဟာ ကျွန်ုပ် တို့ရဲ့နေ့စဉ်အသက်တာမှာ အတွေ့ အကြုံသစ် လေးတွေနဲ့ ဖြတ်သန်းအသက်ရှင်နေထိုင်ခွင့်ကို ပေးထားခြင်းအားဖြင့် စစ်ဆေးနေတတ်ပါတယ်။


ကျွန်တော်တို့ ယုံကြည်သူအများစုဟာ လိုချင်တာကိုရော၊ လိုအပ်တာ ကိုရော မရမချင်း ကလေးငယ်တစ်ယောက် ဖခင်ကိုပူစာသလိုမျိုး တောင်းတတ်ကြပါတယ်။ အဖြေချက်ချင်းရရင် တော့ Praise the Lord အဖြေမရရင်တော့ Why? ဆိုတဲ့မေးခွန်းတွေနဲ့ ဘုရားသခင်ကို တုံ့ပြန်တတ် ကြပါတယ်။ ကျွန်တော်ကိုယ်တိုင်လည်း ဒီအတွေ့အကြုံတွေကို ဖြတ်သန်းခဲ့ရ ပါတယ်။ ဒါပေမဲ့ ဘုရားသခင်ရဲ့ ကြီးမြတ်တဲ့နာမတော်များကို နှုတ်ကပတ်တော် ထဲက ဖတ်ရှုဆင်ခြင်တဲ့အခါ ကျွန်တော်ရဲ့ဘုရားသခင် အပေါ်ထားရှိတဲ့ အမြင်၊ သဘောထား၊ ခံယူချက်တွေ ပြောင်းလဲ ခဲ့ရပါတယ်။ ဘာလို့လည်းဆိုတော့ ဘုရားသခင်ရဲ့ နာမတော်တွေဟာ အင်မတန်မှ ကြီးမြတ်တော် မူပါတယ်။ ဘုရား သခင်ဟာ သူ့ရဲ့နာမတော်တွေရှိတဲ့အတိုင်း ကမ္ဘာလောကတစ်ခုလုံး၊ လူ့သမိုင်း ကြောင်းတစ်ခုလုံး၊ လူသားတစ်ဦးချင်းစီရဲ့ အသက်တာ ကို စီမံကွပ်ကဲနေတဲ့ အရှင်ဖြစ်တဲ့အတွက် ဖြစ်ပါတယ်။


ဒါကြောင့် (၁သက် ၅း၁၈) ''အရာရာ၌ ကျေးဇူးတော်ကို ချီးမွမ်းကြလော့။ အကြောင်းမူ ကား၊ သင်တို့သည် ထိုသို့ကျင့်စေခြင်းငှါ၊ ယေရှု ခရစ်၌ ဘုရားသခင် အလိုတော် ရှိ၏။''


ဘုရားသခင်ကို ချီးမွမ်းခြင်းအားဖြင့် ရရှိတဲ့ တိကျမှန်ကန်သော အကျိုးကျေးဇူး(ရလဒ်)ကို ဆင်ခြင်ဖို့ အနည်းငယ်ဝေငှလိုက်ပါတယ်။


ချီးမွမ်းခြင်းသည် ဘုရားသခင်ကို ကြီးမြတ်စေသည်။


ချီးမွမ်းခြင်းသည် ဘုရားသခင်ကို ကြီး မြတ်စေသည်။ ချီးမွမ်းခြင်းသည် ကျွန်ုပ်တို့၏ ပြဿနာများထက် ဘုရားသခင်အပေါ် မျက် မှောက်ပြုခြင်းကြောင့် ဘုရားသခင်၏ တန်ခိုးတော်၊ ဘုရားသခင်ကျွန်ုပ်တို့နဲ့ အတူရှိခြင်း၊ ဘုရား သခင်၏တတ်စွမ်းနိုင်ခြင်းတို့သည် ကျွန်ုပ်တို့၏ စဉ်းစားခံယူမှုကို ပြောင်းလဲစေပါသည်။


ချီးမွမ်းခြင်းသည် ယုံကြည်ခြင်းကို တည်ဆောက်ပေးသည်။


ဘုရားသခင် ကြီးမြတ်တော်မူခြင်းကို မြင် တွေ့ခံစားရလေလေ ကျွန်ုပ်တို့၏ ပြဿနာများ သည် သေးငယ်သွားလေလေ ဖြစ်သည်။ ချီးမွမ်း ခြင်းသည် ကျွန်ုပ်တို့ ဘုရားသခင် အပေါ် ယုံကြည် ခြင်းအရာကို တည်ဆောက်ပေးသည်။


ချီးမွမ်းခြင်းသည် ခံစားမှုများကို ပျောက်လွင့်စေသည်။


ကျွန်ုပ်တို့၏ ခံစားမှုများ ဖြစ်ကြသော စိုး ရိမ်ပူပန်ခြင်း၊ ကြောက်ရွံ့ခြင်း၊ သံသယဖြစ်ခြင်းများ သည် ဘုရားသခင်ကိုချီးမွမ်းခြင်းအားဖြင့် ပျောက် လွှင့်သွားစေပါသည်။ ထို့ကြောင့် ဘုရားသခင်ကို ဆုတောင်းပြီးလျှင် ကျွန်ုပ်တို့အနေဖြင့် ဘုရား သခင်သည် ကျွန်ုပ်တို့၏တောင်းလျှောက်မှုကို လုပ် ဆောင်ပေးနေပြီ ဖြစ်ကြောင်း ယုံကြည် စိတ်ချခြင်းကို ချီးမွမ်းခြင်း အားဖြင့် သက်သေထူကြပါစို့။

Sep 2, 2013

ဧ၀ံဂေလိဆိုတာ ဘာလဲ။

ဧ၀ံဂေလိ၏ အဓိပ္ပါယ်နှင့် စကားလုံး


ဧ၀ံဂေလိ ဆိုသည်မှာ ဂရိစကားလုံးကို ဆရာကြီး ယုဒဿန်က မြန်မာမှုပြုပြီး မွေးစားထားခြင်း ဖြစ်ပါသည်။ မူရင်း မှာ  εὐαγγέλιον ( euaggelion) ဖြစ်ပါသည်။ ထိုစကားလုံးကို နောက်ပိုင်းတွင် ရေးသား သုံးနှုံးကြသော စကားလုံး မှာ Gospel ဖြစ်ပါသည်။ Gospel မှာ အင်္ဂလို ဆက်ဆွန် စကားလုံးဖြစ်ပြီး Godsepl (သို့မဟုတ်) Good story ဖြစ်ပါသည်။ နောက်ပိုင်းတွင် ဂရိဘာသာ စကားလုံး နေရာတွင် အစားထိုး အသုံးပြု လာသည်ဟု မှတ်သားဘူး ပါသည်။ Euaggelion ဖြစ်စေ Gospel ဖြစ်စေ ထိုစကားလုံးများကို  မြန်မာဘာသာသို့ ပြန်ဆိုသော် သတင်းကောင်း ဟူ၍ ဖြစ်ပါသည်။ မည်သည့် သတင်းကောင်းမျိုး ဖြစ်ပါသနည်း။ ယေရှုခရစ်တော်က ကျွန်တော်တို့အတွက် လုပ်ဆောင် ပေးသော ကျေးဇူးတရားနှင့်ဆိုင်သော သတင်းကောင်း ဖြစ်ပါသည်။
၁ကော ၁၅း၁-၄ တွင် သတင်းကောင်း (ဧ၀ံဂေလိ) နှင့် ပတ်သတ်ပြီး ဖော်ပြထားသည့် အချက်မှာ


ညီအစ်ကိုတို့၊ ငါသည် သင်တို့အား ဟောပြောဘူးသည်နှင့်အညီ၊ သင်တို့သည်ခံယူ၍ မှီဝဲဆည်းကပ်သော ဧဝံဂေလိတရားကို သင်တို့အား တဖန် ငါကြားလိုက်၏။ အထက်က ငါဟောပြော သည်အကြောင်းများကို သင်တို့သည် အကျိုးမဲ့မယုံဘဲ စိတ်စွဲလန်းလျှင်၊ ထိုဧဝံဂေလိ တရားအားဖြင့် ကယ်တင်တော် မူခြင်းသို့ ရောက်ကြ၏။ ငါသည် ကိုယ်တိုင် ခံယူသည် အတိုင်း သင်တို့အား ရှေ့ဦးစွာအပ်ပေးသော အကြောင်းအရာဟူမူကား၊ ခရစ်တော် သည် ကျမ်းစာလာ သည်အတိုင်း ငါတို့အပြစ်ကြောင့် အသေခံတော်မူ၏။ သင်္ဂြိုဟ်ပြီးမှ၊ ကျမ်းစာလာ သည်အတိုင်း သုံးရက်မြောက်သောနေ့၌ ထမြောက်တော် မူ၏။ (၁ကော ၁၅း၁-၄)


ဘုရားသခင်က ကျွန်တော်တို့ကို ယေရှုခရစ်တော် ကားတိုင်ပေါ်တွင် လုပ်ဆောင်ပေးသော အမှုအရာ အားဖြင့် ပျော်ရွင်စေချင်ပါသည်။ ကျွန်တော်တို့ လူသားတိုင်းတွင် ရှိနေသော အပြစ်တရားသည် သေခြင်းနှင့် ထိုက်တန်သည် ကို ဘုရားသခင်က သိစေချင် ပါသည်။ သို့သော်လည်း ထိုသေခြင်း တရားကို သခင်ယေရှု ခရစ်တော်က ကားတိုင် ပေါ်တွင် ချေဖျက်ကာ အဖိုးအခ ပေး၍ ကယ်နှုတ်လိုက်ခြင်းဖြင့် ထာဝရ ကာလတိုင်အောင် ဘုရားသခင်နှင့် အသက် ရှင်ခွင့် ရခဲ့ပါပြီ။ ၄င်းကို သတင်းကောင်းဟု ခေါ်ပါသည်။


သတင်းကောင်းသည် အလုံးစုံသော ကျေးဇူးတော် ဖြစ်ပါသည်။


တမန်တော် ရှင်ပေါ်လုသည် သူယုံကြည်သော သတင်းကောင်း အတွက် သူ၏ အသက်တာ တစ်ခုလုံးကို ဧ၀ံဂေလိ ဝေငှခြင်း လုပ်ငန်းများတွင် နှစ်မြုတ်ထားသည်။ ဘုရားသခင် တပါးတည်းသာ ပေးနိုင်သော ဘုရားသခင်ထံမှ အခမဲ့ လက်ဆောင်ကို လူတိုင်း ရရှိနိုင်သောကြောင့် သတင်းကောင်းဟု ခေါ်ဆိုခြင်း ဖြစ်ကြောင်း သူနားလည်ထားသည်။ ကိုယ်တိုင် ကျိုးစားအားထုပ်မှု မပြုရပါဘဲနှင့် မထိုက်မတန်ရရှိသော ကျေးဇူးတော်အားဖြင့် အခမဲ့ ရရှိသည့်  ကယ် တင်ခြင်း လက်ဆောင်ဖြစ်သည်။ တမန်တော် ၂၀း၂၄ တွင် ဖော်ပြထားသည်မှာ


သို့ရာတွင် ဘုရားသခင်၏ကျေးဇူးတော်နှင့်ယှဉ်သော ဧဝံဂေလိတရားကို သက်သေခံစေခြင်းငှါ၊ သခင်ယေရှု၏ လက်မှ ငါခံခဲ့ပြီးသော ဓမ္မဆရာ အမှုတည်း ဟူသော ငါဆောင်ရွက်ရသောအမှုကို ဝမ်းမြောက်စွာပြီးစီးစေမည် အကြောင်း၊ ထိုညှဉ်းဆဲခြင်း အမှု တစုံတခုကိုမျှ ငါသည် ပမာဏမပြု၊ ကိုယ်အသက် ကိုလည်း နှမြောခြင်းမရှိ။ (တမန်တော် ၂၀း၂၄)


သတင်းကောင်း ဆိုသည်မှာ ဘုရားသခင်၏ လုပ်ဆောင်မှုနှင့် ဖြောင့်မက်ခြင်း အကြောင်း ဖြစ်သည်။


ကျွန်တော်တို့သည် မိမိတို့ ကယ်တင်ခြင်းသို့ ရောက်စေရန် ကိုယ်တိုင် ကျိုးစား အားထုပ်မှုများကို လုံးဝ ပြုလုပ် နိုင်ခြင်း မရှိ။ အသေးဆုံး အစိတ်အပိုင်းကလေးပင် ပါဝင်ဆောင်ရွက်နိုင်စွမ်းမရှိ။ မိမိတို့၏ ကောင်းသော အကျင့်များ နှင့် ကျိုးစားအားထုပ်၍မရပါ။ ဘုရားသခင်၏ လုပ်ဆောင်ချက် သက်သက်သာ ဖြစ်သည်။ သတင်းကောင်း ဟူ၍ အခြား တနည်းဖြင့် ပြောရသော် ကျွန်တော်တို့သည် သခင်ယေရှုခရစ်တော်ကို ယုံကြည်ခြင်းအားဖြင့် ဘုရားသခင်၏ ဖြောင့်မတ်ခြင်းကို ရယူနိုင်ခြင်းဖြစ်သည်။ ကျွန်တော်တို့ကို ကယ်တင်ခြင်း အစမှ အဆုံးတိုင် ယုံကြည်ခြင်း တစ်ခုတည်းသာ လိုအပ်ပါသည်။ ရောမ ၁း၁၆-၁၇ တွင် ဖော်ပြထားသည်မှာ


ငါသည် ခရစ်တော်၏ ဧဝံဂေလိတရားကြောင့်၊ ရှက်ကြောက်ခြင်းမရှိ။ အကြောင်းမူကား၊ ထိုတရားသည် ရှေ့ဦးစွာ၌ ယုဒလူ၊ နောက်၌ ဟေလသလူ၊ ယုံကြည် သမျှသော သူအပေါင်းတို့ကို ကယ်တင် စေသော ဘုရားသခင်၏ တန်ခိုးတော် ဖြစ်၏။ အဘယ်သို့ ဖြစ်သနည်း ဟူမူကား၊ ဖြောင့်မတ်သော သူသည် ယုံကြည်ခြင်း အားဖြင့် အသက်ရှင် လိမ့်မည်ဟု ကျမ်းစာလာ သည်နှင့်အညီ၊ ယုံကြည်ခြင်း၌ တည်သော ဘုရားသခင်၏ ဖြောင့်မတ်ခြင်း တရားသည် ယုံကြည်ခြင်းဘို့ အလိုငှါ ဧဝံဂေလိ တရားဖြင့် ထင်ရှားလျက်ရှိ၏။ (ရောမ ၁း၁၆-၁၇)



အကျင့်တရားများသည် သတင်းကောင်းနှင့် မဆိုင်ပါ။


နောက်ဆုံးအနေနှင့် ကျွန်တော်တို့၏ အသက်တာထဲတွင် ဘုရားသခင်၏ ကျေးဇူးတော် များကို အသက်တာတွင် တသွင်သွင် စီဆင်းစေချင်ပါသည်။ ထိုသို့ အသက်တာထဲတွင် ကယ်တင်ခြင်း ရယူခံစားပြီးပါက ဘုရားသခင်၏ ကျေးဇူးတော်ကို သိမှတ်ကာ ကောင်းသော အသက်တာဖြင့် အသက်ရှင်ရန် သိစေချင်ပါသည်။ သို့သော် အကျင့်တရားကို အခြေခံသော သတင်းကောင်းသည် စစ်မှန်သော သတင်းကောင်း မဟုတ်ကြောင်း သိစေချင်ပါသည်။ အဘယ်ကြောင့် ဆိုသော် ကျွန်တော်တို့သည် မိမိတို့၏ ကြိုးစားအားထုပ်မှုဖြင့် ရရှိလာသော ဖြောင့်မတ်ခြင်းကို ဘုရားသခင်၏ ဖြောင့်မတ်ခြင်းနှင့် နှိုင်းယှဉ်ကာ ဘုရားသခင်ကို စိတ်အနှောင့် အယှက် ဖြစ်စေကြသည်။ ကျွန်တော်တို့သည် ပြည့်ဝ စုံလင်တော်မူသော ဘုရားသခင်ကို ရှာဖွေနေချိန်တွင် ကျွန်တော်တို့၏ ကောင်းခြင်းများကို အမှီပြုနေခြင်းသည် ကျွန်တော်တို့ကို မျှော်လင့်ချက် မဲ့စေပါသည်။ ရှင်းလင်းစွာ ဆိုရပါလျှင် ကျွန်တော်တို့သည် ဘုရားသခင်မပါဘဲ ဘယ်သော အခါမျှ ကောင်းလာမည်မဟုတ်ပါ။


ခရစ်တော်၏ ကျေးဇူးအားဖြင့် သင်တို့ကို ခေါ်တော်မူသော သူနှင့် ဤမျှလောက် မြန်မြန်ခွာ၍ သင်တို့သည် အခြားသော ဧဝံဂေလိ တရားကို ခံယူကြ သောကြောင့် ငါသည် အံ့သြခြင်းရှိ၏။ ထိုဧဝံဂေလိ တရားသည် ဧဝံဂေလိ တရား မဟုတ်။ သင်တို့ကို နှောင့်ရှက်၍ ခရစ်တော်၏ ဧဝံဂေလိ တရားကို မှောက်လှန် ချင်သောသူ အချို့ရှိ ကြ၏။ သို့သော်လည်း သင်တို့အား ငါဟောပြော သော ဧဝံဂေလိ တရား မှတပါး အခြားသော ဧဝံဂေလိ တရားကို ငါတို့သည် ဟောပြောသော်၎င်း၊ ကောင်းကင်ဘုံမှ လာသော ကောင်းကင် တမန် ပြောသော်၎င်း၊ ဟောပြောသော သူသည် ကျိန်တော် မူခြင်းကို ခံစေ။ တဖန်တုံ၊ သင်တို့ ခံယူပြီးသော ဧဝံဂေလိ တရားမှတပါး အခြားသော ဧဝံဂေလိ တရားကို တစုံ တယောက် သောသူ ဟောပြောလျှင်၊ ထိုသူသည် ကျိန်တော် မူခြင်းကို ခံစေဟု ငါတို့ ဆိုခဲ့ပြီး သည်အတိုင်း ယခု ငါထပ်၍ဆိုသေး၏။ (ဂလာတိ ၁း၆-၉)


သတင်းကောင်းသည် ဘုရားသခင်ထံမှ အရေးကြီးသော အကြောင်းအရာဖြစ်သည်။


ဘုရားသခင်သည် ကျွန်တော်တို့ကို သူ၏ ကျေးဇူးတော် ကယ်တင်ခြင်းကို သိမြင် ရရှိစေချင်သည်။ လူသားများ၏ လက်တွေ့ အသက်တာ ထဲက အခြေခံ ပြဿနာ များကို ဖြေရှင်းပြီးသား ဖြစ်သောကြောင့် ဘုရားသခင်၏ ကျေးဇူးတော်သည် ကျွန်တော်တို့အတွက် သတင်းကောင်းဖြစ်ပါသည်။ ကျွန်တော်တို့သည် ကျဆုံးသူများ၊ ကျွန်တော်တို့သည် ပုန်ကန်သူများ၊ ကျွန်တော်တို့သည် ပြည့်စုံခြင်းတရား၏ အဝေးတွင် ရောက်နေသူများ၊ ဖြစ်ကြပါသည်။ ကျွန်တော်တို့ အသက်တာအတွက် ဘုရားသခင်၏ စုံလင် ပြည့်ဝသော လုပ်ဆောင်မှု မပါမရှိဘဲ စုံလင်သော ကောင်းကင်နိုင်ငံတော်သို့ မ၀င်နိုင်ကြပါ။ ကျွန်တော်တို့သည် ဘုရားသခင်၏ ကျေးဇူးတော်ကို ယုံကြည်ခြင်း အားဖြင့်သာ ကယ်တင်ခြင်း ၇ရှိနိုင်ပါသည်။ ထိုအရာကို သတင်းကောင်းဟု ခေါ်ပါသည်။ ဘုရားသခင် သည် သာမန် အကူအညီမျှသာ ပေးအပ်သူ မဟုတ်ပါ။ သူသည် အလုံးစုံတို့ကို လုပ်ဆောင် ပေးခဲ့ ပါသည်။ ဘုရားသခင်၏ ကျေးဇူးတော်သာလျှင် "စစ်မှန်သော သတင်းကောင်း" ဖြစ်ပါသည်။ ထိုအရာများကို ဧ၀ံဂေလိ ဟု လည်း ကောင်း၊ Gospel ဟုလည်းကောင်း၊ သတင်းကောင်းဟုလည်းကောင်း ခေါ်ပါသည်။

ထိုအကြောင်းအရာတို့ကို လူတို့အား ပြောပြခြင်းကို သတင်းကောင်း ဝေငှခြင်းဟု ခေါ်ပါသည်။

နာမတော်မြတ်၌
ဦးမင်းလွင်

စစ်မှန်သော ချီးမွမ်းခြင်း

ဒီကမ္ဘာပေါ်မှာ ရှိတဲ့ အကျဉ်းထောင် တွေမှာ ထောင်မှူးက အကျဉ်းသားတွေရဲ့ ဒဏ်ရာ တွေကို ဆေးကြောပေးပြီး သူရဲ့ အိမ်ကို ဖိတ်ခေါ်ပြီးတော့ စားကောင်း သောက်ကောင်း တွေနဲ့ ဧည့်ခံတယ် ဆိုတဲ့ ထောင်မျိုး သင်ကြားဖူးပါ သလား။ နောက်ပြီး ထောင်တံခါးတွေက သူ့အလိုလို ပွင့်သွားပြီး ဘယ်တစ်ဦး တစ်ယောက် ကမျှ သော့မဖွင့်ပေးဘဲ ထောင်သားတွေကို ချည်နှောင် ထားတဲ့ သံကြိုးတွေ  အလိုလို ပွင့်သွား တယ်ဆိုတဲ့ ထောင်မျိုးကော သင်ကြားဖူး ပါသလား။ ကောင်းပြီ။ ဒါဟာ တမန်တော် ၀တ္ထု အခန်းကြီး ၁၆ မှာ  ပေါ လုနဲ့ သိလ ဆိုတဲ့ ဘုရားသခင်ကို ယုံကြည် တဲ့ သူတို့ရဲ့ တကယ့်ဖြစ်ရပ်မှန် အဖြစ်အပျက် တစ်ခု ဖြစ်ပါ တယ်။ ဒီအရာဟာ ချီးမွမ်းခြင်း တန်ခိုးတော်ကြောင့် ဖြစ်တယ်။


   တမန်တော် ( ၁၆း၁၀ ) မှာ ဘုရားသခင်က ပေါလုကို မာကေဒေါနိပြည်ကို သွားဖို့အတွက် တိတိကျကျ  ပြောထားခဲ့ပါတယ်။ ပေါလုကလည်း နာခံခြင်းနဲ့ သွားခဲ့တယ်။ အဲ့ဒီမြို့ကို ရောက်တဲ့အခါ ပေါလုနဲ့ သိလတို့ဟာ  မိန်းကလေး တစ်ဦးထံမှ နတ်ဆိုးကို နှင်ထုတ် ပေးခဲ့တယ်။ “ဒီမိန်းကလေးရဲ့ သခင်တွေ က ပေါလုနဲ့ သိလကို အရမ်း ကျေးဇူးတင်ပြီး လက်ဆောင်တွေ ပေးမယ်လို့ ထင်ပါလား။ မဟုတ်ပါဘူး။ အဲ့ဒီအစား သူ့ရဲ့သခင်က အစိုးရမင်း ရုံးကို သွားပြီး သူတို့နှစ်ယာက်ကို တိုင် တန်းခဲ့တယ်။ ဘာဖြစ်လို့လဲဆိုတော့ ဒီကျွန်မ မိန်းကလေးအားဖြင့် ငွေများများ ရနိုင်တဲ့ အခွင့်အရေးတွေ ပျက်စီးသွားလို့  ဖြစ်တယ်။ နောက်ဆုံးမှာတော့ ပေါလုနဲ့ သိလတို့ဟာ အရိုက်အနှက် ခံရပြီး ထောင်ထဲမှာ လှောင်ထားခြင်းပါ ခံခဲ့ရတယ်။ ထောင်တဲ့လား . . .။ ဘုရားသခင် ကိုယ်တိုင် သူတို့ကို မာကေဒေါနိ ပြည်ကို စေလွှတ် ခဲ့တာ မဟုတ်လား။ ပေါလုနဲ့သိလတို့က ဘုရားသခင်ရဲ့ စကားကို နာခံခဲ့တယ် မဟုတ်လား။ ဒါဆို ဘုရားသခင်က သူ့ရဲ့စကား နာခံနေရဲ့သားနဲ့ ဘာကြောင့် ထောင်ထဲမှာ အဆုံးသတ် စေရ တာလဲ။

ဒါက ကျွန်တော်တို့ ဒီလိုအဖြစ်အပျက်မျိုး တွေ့ကြုံခဲ့ရင် ဘုရားသခင်ကို ပထမဦးဆုံး ကျွန်တော် တို့ရဲ့ နှုတ်ခမ်းကနေ ထွက်လာမဲ့ စကားတွေကတော့ -  ဘုရားသခင်. . . ကျွန်တော် ကိုယ်တော့် စကားနာခံခဲ့တယ် မဟုတ်လား။ ဘာကြောင့် ကျွန်တော် အရိုက်ခံရတာလဲ၊ မမှန်ဘဲနဲ့ ဘာကြောင့် အစွပ်စွဲခံရတာလဲ။ ကိုယ်တော် ဘာကြောင့် ဒီမှာ ဒီလိုမျိုး တွေ့ကြုံ ခံစားစေရတာလဲ . . . ဆိုတဲ့ မေးခွန်း တွေဘဲ မဟုတ်လား။ ဒါပေမယ့် ပေါလုနဲ့ သိလ တို့ရဲ့ လုပ်ဆောင်ချက်ကို ကြည့်ရအောင်။


    “သန်းခေါင် ချိန်၌ ပေါလုနှင့်သိလတို့သည် ပဌနာပြု၍ ဘု ရားသခင်ကို ချီးမွမ်းလျက် သီးခြင်းဆိုလေ၏။ ထောင်ထဲမှာ နှောင်ဖွဲ့ခြင်းကို ခံရသောသူတို့ သည် နားထောင်ကြ၏။”  (တမန်တော် ၁၆း၂၅ )


    သိပ်ဟုတ်တာပေါ့။ သူတို့တွေ ဘုရားသခင်ကို သန်ခေါင်ယံချိန်မှာ ချီးမွမ်းသီးချင်း သီဆိုပြီး ဆုတောင်း နေကြတယ်။ သူတို့ဟာ ဟိုဒီထိုင်ပြီး ထွက်ပြေးဖို့ လမ်းစကို ရှာမနေကြပါ ဘူး။ အိပ်ရာပေါ်မှာလဲပြီး မာကေဒေါနိ ပြည်ကို လာရတဲ့အတွက် နောင်တရမနေကြပါဘူး။ ထောင်ထဲကို ရောက်ရခြင်းအတွက် ဘုရားသခင်ကို အပြစ် တင်မနေပါဘူး။ ဘာလို့လဲဆိုတော့ ဘုရားသခင်ဟာ သူတို့အပေါ်မှာ ကောင်းမြတ် တယ်ဆိုတာ ယုံကြည်နေကြလို့ ဖြစ်တယ်။ အဲ ဒီအစား သူတို့ဟာ ဘုရားသခင်ကို ချီးမွမ်း သီချင်းဆိုပြီး ဆုတောင်းခဲ့ကြတယ်။

     အခန်းငယ် ၂၆ မှာဆိုရင် ဘုရားသခင် က ထောင်မြေပြင်ကို ပြင်းစွာလှုပ်စေပြီး ထောင် တံခါးအားလုံးကိုလည်း ပွင့်စေကာ ထောင်သား များအားလုံးကို ချည်ထားတဲ့ သံကြိုးတွေမှလည်း လွတ်မြောက်စေခဲ့တယ်။ သူတို့တွေ လွတ်မြောက်ဖို့ရန် ထွက်ပြေးလို့ ရပေမယ့် သူတို့တွေဟာ ရှိနေတဲ့ နေရာကနေ ဘယ်ကိုမှ ရွေ့မသွား ခဲ့ကြပါဘူး။ ဘာကြောင့်လဲဆိုတော့ ပေါလုက အားလုံးကို ပြောထားတာ ဖြစ်နိုင်တယ် (အငယ် ၂၉)။ သို့မဟုတ် မယုံကြည်သူ ထောင် သားတွေဟာ ပေါလုနဲ့ သိလတို့ရဲ့ ချီးမွမ်းသီ ချင်းဆိုခြင်းကို ဘုရားသခင် ကြားတယ်ဆိုတာ ကိုသိပြီး ဘုရားသခင်ကို ကြောက်ရွံကြလို့ဖြစ် နိုင်တယ်။ ထောင်သားတွေဟာ ဒီလူနှစ်ယောက် နဲ့ ပတ်သက်ပြီး ထူးခြားမှု တစ်စုံတစ်ခုရှိတယ် ဆိုတာကို မသိဘဲ နေမှာမဟုတ်ကြပါဘူး။ အ သေအချာ သိနေကြမှာ ဖြစ်တယ်။ ဘယ်လို ဖြစ်ပြီး ထောင်တံခါးတွေက သူ့အလိုလိုပွင့် သွားပြီး ထောင်သားတွေကို ချည်နှောင်ထားတဲ့ သံကြိုးတွေလည်း အလိုလို ပြုတ်ထွက်သွားရ တာလဲ။ ဒါဟာ ချီးမွမ်းခြင်း တန်ခိုးတွေကြောင့် ဖြစ်တယ်။ ချီးမွမ်းခြင်းက လွတ်မြောက်ခြင်းကို ဖြစ်စေနိုင်တယ်။

ဒီလွတ်မြောက်ခြင်းက ရုပ်ပိုင်းဆိုင်ရာ လွတ်မြောက်ခြင်းသာမက ၀ိညာဉ်ပိုင်းဆိုင်ရာ လွတ်မြောက်ခြင်းကို ပို၍ပုံဆောင်ထားခြင်း ဖြစ် တယ်။ သမ္မာကျမ်းစာက  သင့်ရဲ့ရန်သူကို ချစ် ပါလို့ ပြောတယ်။ အဲဒါကို လိုက်လျှောက်ဖို့ ရန် အရမ်းခက်ခဲတယ်ဆိုတာ မကြာမကြာဆိုသလို ကျွန်မတို့ တွေ့မြင် လာတယ် မဟုတ်လား။ ကျွန်တော်တို့ ကျန်းမာရေး အတွက် ကလေးတွေအတွက် စိုးရိမ်မှုတွေ ရှိနေတဲ့အခါ သို့မဟုတ် ငွေရေးကြေး ရေး အခက်အခဲတွေ ကြောင့် ၀န်ပိနေတဲ့အခါ ပြုံးရယ်နေဖို့ အရမ်း ခက်ခဲတဲ့ အရာ ဖြစ်နေတယ် မဟုတ်လား။ စိုးရိမ်ခြင်းများနဲ့ နာကျင်မှု တွေမှ လွတ်မြောက် စေနိုင်တဲ့ ဘုရားသခင်ကို ခွင့်ပြု လက်ခံပြီး ချီးမွမ်းမယ်ဆိုရင် သင်ဘယ်လို တုန့် ပြန်မှာလဲ။ ကျွန်တော်တို့ရဲ့ ပြဿနာတွေကို ကြည့် ပြီး ဖြေရှင်းဖို့ ကိုယ်တိုင်ကြိုးစားနေတာထက် ကျွန်တော် တို့ရဲ့ နှလုံးသား တွေကို ချီးမွမ်းခြင်းတွေ နဲ့ ပြည့်စေမယ်ဆိုရင် ဘုရားသခင်က ကျွန်တော် တို့အတွက် တစ်စုံတစ်ခုကို လုပ်ဆောင် ပေး မှာ ဖြစ်တယ်။ ကျွန်တော်တို့ ကိုယ်တိုင် ဘယ်တုန်းကမှ တွေးမထားခဲ့တဲ့ နည်းလမ်းကို ဘုရားသခင် က ပြင်ဆင် ပေးမှာဖြစ်တယ်။ ကျွန်တော်တို့ မမြင်ရတဲ့ ချည်နှောင်ထားတဲ့ သံကြိုးတွေထဲကလည်း လွတ်မြောက် သွားမှာ ဖြစ်တယ်။


    တစ်ကယ်လို့ ထောင်မှူးဟာ ထောင်သားတွေကို လွတ်သွား စေတယ်ဆိုရင် ထောင်သားတွေ ခံရမယ့် အပြစ် ဒဏ်ကို ထောင်မှူးက ကိုယ် စားခံရမယ် ဆိုတဲ့ ဥပဒေတစ်ခု ရောမမှာ ရှိ တယ်။ တမန်တော်  အခန်းကြီး ၁၆ မှာ တွေ့ ရတဲ့ ထောင်မှူးဟာ ထောင်သားတွေ လွတ် မြောက်သွားတယ် ဆိုတာကို အစိုးရမင်းတွေ သိသွားရင် ဂုဏ်သိက္ခာ ကျဆင်းပြီး အသတ်ခံရ တာထက် ကိုယ့်ကိုယ်ကို သတ်သေဖို့ရန် (အ ငယ် ၂၇) ကြိုးစားခဲ့တယ်။ လက် စားချေချင်တဲ့ စိတ်ရှိပြီး စာနာစိတ် မရှိတဲ့ ထောင်သား တစ် ယောက်က ထောင်မှူး ကိုယ့်ကိုယ်ကို သတ်သေဖို့ ကြိုးစားတာကို တွေ့ခဲ့မယ် ဆိုရင် သတ်သေဖို့ အလိုရှိခဲ့မှာဘဲ။ ဒါပေမယ့် ပေါလုက အဲ့ဒီလိုမျိုး လူစားထဲက မဟုတ်ပါ ဘူး။ အဲဒီအစား ပေါလုက ကိုယ့်ကိုယ်ကို နာကျင်အောင် မလုပ် ပါနဲ့ ငါတို့တွေ ဒီမှာရှိကြပါတယ်လို့ ထောင်မှူးကို ပြောလိုက်တယ်။ ပေါလုက ထောင်မှူး ရဲ့ အသက်ကို ကယ်တင်ခဲ့ရုံမျှမက ခရစ်တော်၌ ထာဝရအသက်ကို ရရှိဖို့ရန် ခေါ်ဆောင်ခဲ့တယ်(အငယ် ၃၄)။

    ရှင်ပေါလုက အဲဒီအချိန်တုန်းက ကိုယ့် အတွက်ဘဲ မစဉ်းစားခဲ့ပါဘူး။“ဝေး. . ဟေး ထောင်တံခါးတွေ ပွင့်သွားပြီ ထောင်ထဲက ထွက်ပြေးကြရအောင်ဟေ့ . .''။ အဲဒီလို မပြော ခဲ့ပါဘူး။ ပေါလုဟာ ရောမနိုင်ငံသားဖြစ်ပြီး ပညာတတ် တစ်ယောက်လည်း ဖြစ်တယ်။ သူက ရောမ ဥပဒေအရ ထောင်သားတွေ လွတ်သွားရင် ထောင်မှုး ခံရမယ့် နောက် ဆက်တွဲ အကျိုးဆက် ကိုလည်း သိနားလည်တဲ့ သူဖြစ်တယ်။ ဒါကြောင့် သူဟာ ထောင်မှုး အပေါ် အာရုံစိုက် ထား တယ်။ ထောင်မှုးကို ပြောလိုက်တဲ့ ပေါလု ရဲ့ အဖြေစကားဟာ “ငါ ဒီထောင်ထဲမှာ ကြာ ကြာဆက်နေပါ့မယ်” ဆိုတဲ့ အဓိပ္ပါယ်သက် ရောက်သွားနိုင်ပါတယ်။ ဒါပေမယ့် ပေါလုအတွက် အဲ့ဒီအချိန်မှာ အဓိက အရေးကြီးဆုံးက ထောင်မှုး ရဲ့ အသက်ပါဘဲ။ ဒါက ချီးမွမ်းခြင်း ရဲ့ တန်ခိုးပါဘဲ။ ချီးမွမ်းခြင်းက ကိုယ့်အတွက် စဉ်းစားမှုတွေကနေ သူများတွေ အတွက် ဆင် ခြင်တတ်သော နှလုံးသားကို ပြောင်းလဲစေပါ တယ်။ ဘုရားသခင်က သူ့ကို ချီးမွမ်းကိုးကွယ် တဲ့အခါ ကျွန်တော်တို့ရဲ့ ဦးတည်ချက်ကို ပြောင်းလဲစေတဲ့ သူဖြစ်တယ်။ ''ကျွန်တော်တို့က ကိုယ် တော်ကိုတော့ ချစ်ပါတယ်၊ ဒါပေမဲ့ တစ်ခြား သူတွေကိုတော့ မချစ်နိုင်ပါဘူး'' ဒီလိုပြောလို့ မရပါဘူး။

    အချိန်က သန်းခေါင်ယံ ဖြစ်နိုင်တယ်။ ဒါပေမယ့် ထောင်မှုးဟာ နမိတ်လက္ခဏာကို ကိုယ်တွေ့ မြင်တွေ့ပြီးတဲ့ နောက်မှာ ပေါလုနဲ့ သိလတို့ရဲ့  သတင်းစကားကို ကြားနာပြီး ယုံ ကြည်ခဲ့တယ်။ ထောင်မှုးဟာ သူတို့နှစ်ဦးရဲ့ ဒဏ်ရာများကို ဆေးကြောပေးပြီး မိမိအိမ်ကို ခေါ်သွားကာ ကျွေးမွေး ဧည်ခံခဲ့တယ်။ တမန် တော် ၁၆း၃၄ မှာ ထောင်မှုးဟာ ၀မ်းမြောက် ခြင်းကို ပြည့်ဝစွာ ခံစားရတယ်လို့ ဆိုထားတယ်။ ဘာဖြစ်လို့လဲ ဆိုတော့ သူဟာ ဘုရား သခင် ကို သိမြင်လာလို့ ဖြစ်တယ်။ ဒါက ချီးမွမ်းခြင်းရဲ့ တန်ခိုးတော်ကြောင့် ဖြစ်တယ်။   ချီးမွမ်းခြင်းက ဘုရား သခင် ရဲ့ ဘုန်းတော်ကို ထင်ရှားစေပါ တယ်။ ကျွန်တော်တို့ဟာ ကိုယ့်ကိုယ်ကိုအတွက် သာ အာရုံစူးစိုက်မနေဘဲ ဘုရား သခင်နဲ့ အခြား သောသူများအတွက် စဉ်းစားပေးမယ်ဆိုရင် ဘု ရားသခင်ရဲ့ ဘုန်းတော်ကို ထင်ရှားစေသော သူ တွေ ဖြစ်လာမှာ ဖြစ်ပါတယ်။ ထိုအရာဖြင့် အ ခြားသူများကိုလည်း ဘုရားသခင်ထံကို ခေါ် ဆောင်လာနိုင်သော သူများ ဖြစ်လာမှာဖြစ်တယ်။


သင်ကိုယ်တိုင် အခက်အခဲတွေ တွေ့ကြုံ တဲ့အ ခါ သင်ဘယ်လို တုန့်ပြန်လေ့ရှိသလဲ။ သင် ကိုယ်တိုင်လည်း ပေါလုနဲ့ သိလ တို့ရဲ့ အသက် တာလိုဘဲ ဘုရားသခင်ကို ချီးမွမ်းလျက် ကိုး ကွယ်ခြင်းရှိတဲ့ အသက်တာကို ရွေးချယ်ချင်ပါ သလား။ ဘုရားသခင်က ပေါလုနဲ့ သိလတို့ကို ကယ်တင်ခဲ့သလိုဘဲ သင့်ကိုလည်း သူ့ရဲ့တန် ခိုးကြီးသော လက်တော်နဲ့ ကယ်တင်မယ်ဆိုတာ ကို သင်ယုံ ကြည်ပါသလား။  ထိုကဲ့သို့သော အခက်ခဲများကို ဘုရားသခင်ရဲ့ ဘုန်းတော်ထင် ရှားစေဖို့ အသုံးပြုပြီး အခြားသောသူများ ပြောင်းလဲလာသော အသက်တာများကို တွေ့ မြင်လာဖို့ရန် ရွေးချယ်ချင်ပါသလား။  ဒါဆိုရင် ဘုရားသခင်အား ချီးမွမ်းခြင်းကို ရွေး ချယ်ခြင်းဖြင့် အမှုတော်ထဲမှာ ဘုရားသခင် ရဲ့တန်းခိုး တော် ကို လက်တွေ့ခံစားလိုက်ပါ။

နာမတော်မြတ်၌

မင်းလွင်

Aug 25, 2013

ဝိညာဉ်ရေးရာသေနေခြင်း


ဒုစရိုက်အပြစ်၌၄င်း၊ ဇာတိပကတိ၏ အရေဖျားလှီးခြင်းကိုမခံသော အဖြစ်၌၄င်း သေလျက်ရှိနေသော သင်တို့ကို ခရစ်တော်နှင့် အတူ အသက်ရှင်စေ၍၊ သင်တို့ အပြစ်ရှိသမျှတို့ကို လွှတ်တော်မူ၏။ ငါတို့နှင့် ဆန့်ကျင်ဘက်ဖြစ်သော ဝိနည်း အထုံးအဖွဲ့ နှင့် စပ်ဆိုင်သော လက်မှတ်ကိုချေ၍၊ လက်ဝါးကပ်တိုင်မှာ ရိုက်ထားလျက်၊ ငါတို့စပ်ကြားထဲက ပယ်ရှင်းတော်မူပြီ။ အထွဋ်ိအမြတ်၊ အာဏာစက်များကို လုယူလျှင်၊ ထင်ရှားစွာ ထုတ်ပြ၍ လက်ဝါးကပ်တိုင်တော်အားဖြင့် အောင်ပွဲကိုခံတော်မူပြီ။ (ကောလော ၂း၁၃-၁၅)


တစ်စုံတစ်ယောက်သည် ၀ိညာဉ်ရေးရာတွင် သေဆုံး (သို့) အသက်ရှင်နေကြောင်း မည်သို့ သိနိုင်ပါမည်နည်း။

တစ်ခါက အသင်းတော် တစ်ခုမှ သင်းအုပ်ဆရာနှင့် အသင်းတော် လူကြီးများသည်။ ပန်းချီဆရာ တစ်ယောက်ကို သေဆုံးခါနည်း အသင်းတော်တစ်ခု၏ ပုံကို ရေဆွဲပုံဖော်ရန် ငှါးရမ်းခြင်း ခံရသည်။ ထိုသူသည် အတော်ကြာသော အခါ အသင်းတော်သို့ ပြန်လာည်ရောက်ရှိလာပြီး ရေးဆွဲပြီး ပုံများကို အပ်နှံလိုက်သည်။ ပထမ ပုံတစ်ပုံမှာ ခန့်ငြားထည်ဝါသော အမိုးချွန်ချွန်ကြီးနှင့် အဆောက်အဦးပုံကြီး၏ ပုံ၏ပုံကိုေ၇းဆွဲထားသည်။ ပုံတွင် လူမြောက်များစွာ သည် ၀တ်ကောင်း စားလှများဖြင့် တံခါးမှ ၀င်ရောက်နေပုံဖြစ်သည်။ နောက်တစ်ပုံမှာမူ အသင်းတော်၏ အတွင်း ပိုင်းတွင် ကောင်းမွန်သော ပရိဘောဂ တန်ဆာများ ရှိနေသည်သာမက တန်ဘိုးအလွန်တရာကြီးမားသော မီးပန်း ဆိုင်းကြီး များကိုလည်း ချိတ်ဆွဲထားသည်။ အခန်းထဲရှိ လူငယ် ၀တ်ပြုဆောင် ခန်းမကြီးထဲတွင် လူငယ်များက ခေတ်ပေါ် ပစ္စည်းများကို အသုံးပြုပြီး ဂိမ်းကစားနေကြသည်။ အခြား ပုံတစ်ခုတွင် `မိတ်သဟာရခန်းမဆောင်´ ထဲ တွင် ကောင်းမွန်သော ဖွယ်ဖွယ်ရာရာ စားသောက်စရာများ အပြည့် တင်ထားသည်။ ထိုင်နေသောသူတို့၏ ပန်းကန် များ ထဲတွင်လည်း စားသောက်စရာများက အပြည့် ဖြစ်နေသည်။

ထိုပုံများကို အသင်းတော်လူကြီးက မြင်သောအခါ `မင်းကို ဆွဲခိုင်းလိုက်တဲ့ပုံက သေခါနည်း အသင်းတော် တစ်ခုရဲ့ပုံကို ဆွဲခိုင်း လိုက်တာလေ´ `ငါတို့ မြော်လင့်ထားတာက အဆောက်အဦးကြီးက ပြိုပျက်ခါနီး ခြုံနွယ် ပိတ်ပေါင်း တွေ ကလည်း အပြည့်၊ တံခါးတွေက ကျိုးပျက်နေမယ်၊ အတွင်းပိုင်းမှာလည်း အရောင်မွဲခြောက် ခြောက်နဲ့ ရှုပ်ရှက် ခပ်နေတဲ့ အခန်း၊ ပရိဘောဂတွေ ကလည်း အားနည်းနေမယ်၊ စတဲ့ အရာတွေ ပါဝင်နေမယ် လို့မျှော်လင့်ထားတာ။ ဒါပေမဲ့ မင်းဆွဲလာတဲ့ပုံကလည်း အဲဒီလို မဟုတ်ပါလား။´

ထိုအခါ ပန်းချီးဆရာက ကျမ်းစာကို ဖွင့်ပြီး ဗျာဒိတ် ၃း၁ မှာ ရေးထားတဲ့ သွာဒိ အသင်းတော်အကြောင်းကို ဖတ်ပြ လိုက်ပါသည်။


သာဒိမြို့၌ရှိသောအသင်းတော်၏ တမန်ကိုဤသို့ရေး၍ မှာလိုက်လော့။ ဘုရားသခင်၏ ဝိညာဉ်ခုနစ်ပါးနှင့် ကြယ်ခုနစ်လုံးရှိသောသူ၏ အမိန့်တော်ကား၊ သင်၏အကျင့်ကိုငါသိ၏။ သင်သည်အသက် ရှင်ဟန်ရှိသော်လည်း သေလျက်နေသည်ကိုငါသိ၏။ (ဗျာဒိတ် ၃း၁)


သူက ကျမ်းစာကို ရွတ်ဆိုလျှက်ပင် ဆက်လက်၍ သွာဒိ အသင်းတော်အကြောင်းကို ဆက်လက် ပြောခဲ့ပါသည်။ အသင်းတော် သေဆုံးသည် ဆိုသည်မှာ ၀ိညာဉ်းရော သေခြင်းပင်ဖြစ်သည်။ ထိုအသင်းတော်တွင် ပြင်ပ လက္ခဏာ များ အားလုံး အပြည့်အစုံ ရှိနိုင်ပါသည်။ ထိုသွာဒိ အသင်းတော်သည် မြို့ထဲမှ အကောင်းဆုံး အဆောက်အဦး တစ်ခု ပင် ဖြစ်သည်။ ထိုအသင်းတော်မှ လူများသည် အားလုံး ၀တ်ကောင်းစားလှများ ရွှေငွေ တန်ဆာများ ရှိနိုင်ပါလိမ့် မည်။ သူတို့၏ သားသမီးများ၊ လူငယ်များတွင် ပျော်ရွှင်ဘွယ် အသက်တာ၊ ပြည့်စုံမှုများ ရှိနိုင်ပါသည်။ သူတို့၏ မိတ်သ ဟာရ ခန်းမကြီး ထဲတွင် အစားကောင်း အသောက်ကောင်းများ ရှိနိုင်ပါသည်။ သို့သော် အတွင်းထဲမှ လက် တွေ့အခြေအနေကို ကျမ်းစာမှ ဖေါ်ပြချက်အရဆိုလျှင် အသင်းတော်ဟာ သေနေသလား၊ အသက်ရှင်နေ သလား ဆိုသည်ကို သင်လက်တွေ့ ခန့်မှန်းနိုင်ပါလိမ့်မယ်။´ ဟု ပြောဆိုခဲ့ပါသည်။

Aug 19, 2013

ခွန်အားသစ်


    ''ယခုပင် အကျွန်ုပ်ကိုယ်၌ ခွန်အား အလျှင်းမရှိပါ။ အကျွန်ုပ်အသက်လည်း ကုန်ပါပြီ။'' (ဒံယေလ၊ ၁ဝး၁၇)

ဒံယေလက ဤစကားလုံးများ ပြောဆိုချိန်တွင် သူသည် ပင်ပန်းနွမ်းနယ်မှုနှင့် ခြေကုန်လက်ပန်း ကျမှုတို့လွန်စွာ ခံစားနေရ ချိန် ဖြစ်သည်။ ဘုရားသခင်က သူ့အား ရူပါရုံတစ်ခု ပေးအပ်ခဲ့ပြီး ဘုရားသခင်၏ အမှုတော်ကို သစ္စာရှိစွာ ဆက်လက် လုပ်ဆောင်ခဲ့သူ ဖြစ်သည်။ သို့သော် ဒံယေလအတွက် အလွန်တရာ မလွယ်ကူလှပါ။ ဘုရား သခင်ကသူ့အား မိန့်မြွက်တော်မူစဉ် အချိန်အတွင်း သူက ဦးညွှတ်ချလျှက် နှုတ်ဆိတ်နေခဲ့၏။ လုံးဝ အကူအညီ ကင်းမဲ့နေခြင်း နှင့် စိတ်သောက ထိုးနှက်မှုတို့ ခံစားခဲ့ ရသည်။ ဘုရားသခင်၏ ရူပါရုံက သူ့အတွက် နားလည်လက်ခံရန် အလွန် လိုအပ်သော အရာဖြစ်သည်။ စကားတစ်ခွန်းမျှ ဆက်၍ မပြောနိုင်အောင် သူအလွန် ပင်ပန်းနေ ခဲ့သည်။

ဤသို့သော အဖြစ်ကို သင် ခံစားဖူးပါသလား။ ကျွန်ုပ်တို့အတွက် အလွန်ပင်ပန်းပြီး စိတ်သောကနှင့် အားအင် ကုန်ခမ်းမှု ခံစားရသည့် အခြေအနေ တစ်ခုဆီသို့ ဘုရား သခင်က ကျွန်ုပ်တို့အား တခါတရံခေါ် ယူတတ်ပါသည်။ ဤအရာက ကျွန်ုပ်တို့မှားယွင်းသော လုပ်ဆောင်မှုကြောင့်ဟု ဆိုလိုခြင်း မဟုတ်ပါ။

ဘုရားသခင်၏ အမှုတော် ဆောင်ရွက် နေခြင်းကလည်း တခါတရံအလွန်ပင် အင်အားကုန်၊ စိတ်ပင်ပန်းမှု ဖြစ်နိုင်ပါ သည်။ ''ဘုရားသခင်၏ အလိုတော်၌ ရှိနေလျှင် အရာခပ်သိမ်းသည် လွယ်ကူလျှက်ရှိနေပြီး၊ ကျွန်ုပ်တို့အား ပေးအပ်ထားသော ကြီးမြတ်သည့် ဝမ်းမြောက်မှုနှင့် ကျေနပ်ခြင်းတို့ကိုအမြဲ ဖော်ဆောင်နိုင်ကြမည်'' ဟု အချို့သောသူတို့က ကျွန်ုပ်တို့အား ပြောပါသည်။ သို့သော်ငြားလည်း များစွာသောဘုရားသခင်၏ အစေခံတို့သည် သူတို့၌ ဘုရားသခင် အပ်ပေးသော အလုပ်တာဝန်အောက်၌ များစွာနာကျင်ခံစားခဲ့ကြရသည်ကို ကျွန်ုပ်တို့ တွေ့ရှိရသည်။ ပရောဖက် ယေရမိက ဘုရားသခင်၏ အမှုတော်ထမ်းဆောင်စဉ်မှာ ထိုအလုပ်က ယေရမိအား နှစ်သက် ကျေနပ်မှု များစွာ မပေးခဲ့ပါ။ ထိုအရာအစား ဘုရားသခင်က သူ့အား လှည့်စားသည်ဟုပင် ခံစားခဲ့ရသည်။ (ယေရမိ၊ ၂ဝး၇) ''ထာဝရဘုရား၏ နှုတ်ကပတ်တော်သည် အကျွန်ုပ်၌ ကဲ့ရဲ့ခြင်း၊ အစဉ်ပြက်ပြယ်ခြင်းကိုခံစရာအကြောင်းဖြစ် ပါ၏''(ယေရမိ၊ ၂ဝးဂ) ဟု ဟစ်ကြွေးခဲ့သည်။ ဘုရားသခင်၏ အမှုတော်က တောင်းဆိုခြင်းလည်း ဖြစ်နိုင်သည်။ ကျွန်ုပ်တို့၏  ရုပ်ပိုင်းနှင့် စိတ်ပိုင်းဆိုင်ရာ ခံယူ နားလည်မှုထက်ပို၍ ဘုရားသခင်က ကျွန်ုပ်တို့ထံမှ တောင်းခံနိုင်ပါ သည်။ ဒံယေလလည်း ဤသို့ပင် ခံစားခဲ့ရပါသည်။

ဘုရားသခင်က ဒံယေလအား များစွာသော အကြောင်းအရာများကို ဖော်ပြခဲ့ပြီး ကြီးမြတ်သော အမှုများတွင် သူ့အား အသုံးပြုခဲ့သည်။ သို့သော် ဒံယေလအတွက် အဖိုးအခမှာ ပင်ပန်းမှုနှင့် စိတ်သောကများသာ ဖြစ်ခဲ့ရ၏။
ဘုရားသခင်၏ အစေခံများအဖြစ် ကျွန်ုပ်တို့က လွယ်ကူသော နည်းလမ်းကို အစဉ်မရွေးချယ်နိုင်ပါ။ ကြီးမြတ်သော ဝမ်းမြောက်မှုနှင့် ကျေနပ် နှစ်သက်မှုများကိုသာ အစဉ်အမြဲ မပြုလုပ်နိုင်ပါ။ ကျွန်ုပ်တို့ မသွားလိုသည့် နေရာများသို့သွားရန် ရှိနေပါသည်။ ကျွန်ုပ်တို့ မလုပ်ချင်သော အလုပ်ကို လုပ်ရမည်ဖြစ်ပြီး မပြောချင်သော စကားများ ပြောရ မည်လည်း ရှိပါသည်။

ကျွန်ုပ်တို့၏ ကိုယ်ပိုင် တွေးထင်မှု၊ ကျွန်ုပ်တို့၏ အလိုဆန္ဒနှင့် ကျွန်ုပ်တို့၏ ပင်ကိုယ်စွမ်းရည်များအား ဆန့်ကျင်၍ လုပ်ဆောင်ရန် များလည်း ရှိပါသည်။ ၄င်းအပြင် ကဲ့ရဲ့ပြစ်တင်ခြင်းနှင့် ချိုးဖျက်နှိပ်ကွပ်ခြင်းခံရနိုင်ပါသည်။ သိုရာ တွင် ဘုရားသခင်က သူ့အားပို၍မှီခိုအားကိုးရန်အခြေအနေများကိုအသုံးပြုတော်မူသည်။ ဤသို့သော အခြေအနေ များ တွင် ဘုရားသခင်ကိုချစ်သလား၊ ကိုယ့်ကိုကိုယ်ချစ်သလား၊ ကွဲပြားစွာသက်သေပြနိုင်သည်။ သခင် ယေရှုက ပေတရုအား''ငါအမှန်အကန်ဆိုသည်ကား၊ သင်သည် ပျိုသောအသက် ရှိစဉ် ကိုယ်ကိုကိုယ် ပတ်စည်း၍ အလိုရှိရာ အရပ်ရပ်သို့ သွားလာတတ်၏။ သင်သည် အိုသောအခါ လက်နှစ်ဘက်ကို ဆန့်ပြီးလျှင်၊ သူတပါးသည် သင့်ကို ပတ်စည်း၍ သင်အလိုမရှိရာ အရပ်သို့ ယူသွားလိမ့်မည်ဟု မိန့်တော်မူ၏'' (ယော၊ ၂၁း၁၈) သခင် ယေရှုနှင့် အတူ ရှောက်လှမ်းခြင်း၌ ကျွန်ုပ်တို့ အလုံးစုံ အဆင်မပြေသော အတွေ့အကြုံများစွာ ဖြတ်သန်းသွားရန် လိုအပ်ပါလိမ့်မည်။ ဤလမ်းကို ဘယ်တော့မှ မသွားလိုဟု ကျွန်ုပ်တို့ ရွေးချယ်ကောင်း ရွေးချယ် ပါလိမ့်မည်။ သို့သော် သိုးထိန်းကြီးမှာမူ သူ၏ သိုးများအား ကြီးမြတ်သော ပညာနှင့် ဂရုစိုက် စောင့်ထိန်းပေး လျှက် ရှိနေပါသည်။ သူက တောင်းဆိုရုံမျှသာ မဟုတ်ပါ။ လေးသောဝန်ကို ကျွန်ုပ်တို့ ထမ်းရွက်စေခြင်းမျှသာ မဟုတ်ပါ။ ကူညီမစမှုလည်း ပေးသော အရှင် ဖြစ်သည်။ ဒံယေလလည်း ဤသို့ ကြုံတွေ့ခဲ့ရ၏။ ဘုရား သခင်၏ ရူပါရုံကိုခံရ၍ မောပန်း နွမ်းနယ်သည့် နောက်တွင် ဘုရားသခင်က သူ့အား ခွန်အားသစ်ပေး တော်မူခဲ့သည်။

''နောက်တဖန်လူသဏ္ဌာန်ရှိသောသူသည်လာ၍ငါ့ကိုလက်နှင့်တို့လျှက်အားပေးပြီးလျှင်၊ အလွန်ချစ် အပ်သောသူ၊ မကြောက်နှင့်။ ငြိမ်သက်ခြင်းရှိပါစေ။ အားရှိလော့။ ခွန်အားနှင့်ပြည့်စုံလော့ဟုဆို၏။ ထိုသို့ဆိုပြီးမှ ခွန်အားကို ငါရ၍၊ အကျွန်ုပ်၏သခင်၊ မိန့်တော်မူပါ။ အကျွန်ုပ်ကို ခွန်အားပေးတော်မူပြီ''ဟုလျှောက်၏။(ဒံယေလ၊ ၁ဝး၁၉-၂ဝ)

ဘုရားသခင်နှင့် မိဿဟာယဖွဲ့ခြင်း၌ ခွန်အားသစ်ကို ဒံယေလ တွေ့ရှိခဲ့ရသည်။ ထိုခွန်အားသစ်သည် သူ့အား ပြန်လည် တည်ဆောက်မှု ဖြစ်စေသော ဘုရားသခင်၏ အားအင် ပြည့်ဝသည့် နှုတ်ကပတ်တော်နှင့် မေတ္တာနှင့် သင်ကြား ပြသခြင်း တို့အားဖြင့် ရရှိခဲ့ခြင်း ဖြစ်သည်။ ဘုရားသခင်နှင့် နက်ရှိုင်းစွာ မိဿဟာယ ဖွဲ့ပါ။ မိန့်တော်မူ သမျှကို နားထောင် ကြားနာခြင်းသည် ခွန်အား၏ အံ့သြဘွယ် အရင်းအမြစ် တစ်ခုဖြစ်သည်။ အမှုတော် ထမ်းဆောင်စဉ် ခံစားရသော ပင်ပန်းနွမ်းနယ်မှု အတွက် ဆေးတစ်ခွက် ဖြစ် သည်။ သူ့အနား သို့သွားပါ။ သူ၏ မျက်မှောက် တော်ကို ရှာဖွေပါ။ သင့်အားမိန့် တော်မူချက်ကို နားထောင်ပါ။

ဒံယေလက ဘုရားသခင်ထံမှ စကား(၄)ခွန်း ကြားခဲ့ရသည်။ ပထမဦးစွာ သူကြားရသည်မှာ - ''အလွန် ချစ်အပ်သောသူ''၊ ဘုရားသခင်က သင့်အား ဤသို့ ခေါ်ဝေါ်သည်ကို သင်ကြားနိုင်ပါသလား။ အချိန်ယူ၍ နားထောင်ပါ။ နောက်တဖန် သူကြားရသည်မှာ ''မကြောက်နှင့်''၊ ပူပန်မှုများအား ဘုရားသခင်ရှေ့မှာ ချထားပါ။ဘုရားသခင်နှင့် မှန်ကန်သော မိဿဟာယဖွဲ့မှု ရှိလျှင် ဤစကားကို သင်ကြားရပေမည်။ သခင်ယေရှုက သူ့ထံ လာသူတိုင်းအား ''မကြောက်နှင့်'' ဟု အားပေးလို ပါသည်။ ဒံယေလ ကြားရသည့် တတိယစကား မှာ ''ငြိမ်သက်ခြင်း ရှိပါစေ''ဟူ၍ဖြစ်သည်။

နောက်ဆုံးတွင် ''အားရှိလော့။ ခွန်အားနှင့်ပြည့်စုံလော့'' ဟုကြားခဲ့ရသည်။ ဤစကားလုံးများကြားနာရခြင်းမှ ခွန် အားသစ်ကို ဒံယေလ ရရှိခဲ့သည်။ ဘုရားသခင်၏ မိန့်တော်မူခြင်းကို ကြားနာခဲ့ရပြီး သူရှေ့ဆက်ရန် လိုအပ်မှု အားလုံးကို ဘုရားသခင်က ပေးတော်မူခဲ့သည်။ အသစ်သော ခွန်အားနှင့် ဝမ်းမြောက်ပျော်ရွှင်မှုကိုလည်း ရရှိခံစား ခဲ့ရပေသည်။

မေးခွန်းများ။

  1. သင်၏ လက်ရှိသာသနာနှင့်ဘုရားသခင်၏ အမှုတော်နှင့် ပတ်သက်၍ သင်မည်ကဲ့သို့ခံစားရသနည်း။သင်ရရှိသော ကြီးမြတ်သည့် ပျော်ရွှင်မှု၊ သင်လုပ်ချင်သောအရာများ၊ သင်မနှစ်သက်သောအရာများနှင့် အလွန်စိတ်ပင်ပန်းစေသော အရာများ စသည်တို့နှင့် ရှုတ်ထွေးနေပါသလား

  2. နာကျင်မှုနှင့် ဒုက္ခ ဆင်းရဲများက ရောင်ပြန်ဟပ်မှုရှိပါသလား။ ဤအရာများက သင့်အတွက် ဘုရားသခင့် အကြံ အစည်တော်၏ အစိတ်အပိုင်းဖြစ်ကြောင်း သင်မည်မျှစဉ်းစားတွေးတောမိပါသနည်း။ အခြေအနေ အားလုံးတွင် သင်ကဘုရားသခင်အားချစ်သည်ကို မည်သို့ဖော်ပြနိုင်မည်နည်း။

  3. ဤသို့သောအခြေအနေတွင် သင့်အားပြောကြားသော ဘုရားသခင်၏စကားတော်မှာမည်သို့ဖြစ်သနည်း။ သူ၏နှုတ်ကပတ်တော်ကြားနာရန်နှင့် ဘုရားသခင်၏သွန်သင်မှုအားတွေ့ကြုံခံစားရန် သူနှင့်နီးကပ်စွာရှိ နေပြီလား။

နာမတော်မြတ်၌
ဦးမင်းလွင်

Aug 14, 2013

ရှောလမုန်ဘုရင်၏ အသက်တာကို ဆင်ခြင်အောက်မေ့ခြင်း

    တစ်စုံတစ်ယောက်က သင့်ထံလာ ရောက်၍ ''သင်တောင်းသမျှကို ပေးပါမည်။ တောင်းလိုသမျှကို တောင်းပါ'' ဟု ဆိုလာခဲ့ သည်ရှိသော် သင်မည်ကဲ့သို့ တုန့်ပြန်ပါမည် နည်း။ စိတ်ကူးယဉ်ကြည့်ပါ။ ထိုအရာသည် သင့်အတွက် နှစ်ခါ မရနိုင်သော အခွင့်အရေး ဖြစ်သည်မဟုတ်ပါလော။ ကုန်ကုန်ပြောရလျှင် သင့်အတွက် ငွေကြေးပူပင်စရာမရှိ။ ကလေး များအတွက် ပညာရေးလည်း ကောင်းမည်။ အလုပ် ကောင်းကောင်းလည်း ရနိုင်သည်။ အိမ်နီးချင်းများနှင့် မတည့်မှာလည်း မပူပင်ရ ဟု ပြောလာသည်ဆိုပါစို့။ ထိုအရာသည် ဘု ရားသခင်က နှစ်သက်သော အရာ ဖြစ်မလားဟု စဉ်းစားရ ဦးမည် မဟုတ်ပါလား။ သမ္မာကျမ်း စာမှ ကျမ်းပိုဒ်အချို့ကို ကြည့်စေချင်ပါသည်။

နိဒါန်းimages (5)
ဣသရေလ လူမျိုးများ ချစ်မြတ်နိုးသည့် ရှင်ဘုရင်ကြီး ဒါဝိတ် သည် နိုင်ငံကို အနှစ် (၄ဝ) တိုင်တိုင် အုပ်ချုပ် ခဲ့သည်။ သူ အုပ်ချုပ်သည့် ကာလ တစ်လျှောက် လုံးတွင် နိုင်ငံသည် ငြိမ်းချမ်း သာယာခဲ့သည်။ သူသည် ဘုရားသခင်၏ မျက်မှောက် တော်တွင် သစ္စာရှိ စွာဖြင့် အသက်ရှင် လျှောက်လှမ်း ခဲ့သည်။ သူမသေမီ နိုင်ငံတော်ကို အုပ်ချုပ်ရန် သားဖြစ်သူ ရှောလမုန်၏ လက်တွင် အုပ်နှံခဲ့ပြီး ဘုရားသခင်၏ အလိုတော်နှင့် အညီ အသက်ရှင်ရန်၊ နိုင်ငံကို အုပ်ချုပ်ရန် မှာကြား ခဲ့ပါသည် (၃ရာ ၂း၂-၃)။ ဒါဝိတ် သေဆုံးပြီးနောက် ရှင်ဘုရင် ရှောလမုန် သည်လည်း နိုင်ငံကို အကောင်းဆုံး အုပ်ချုပ် တည်ထောင်နိုင် ခဲ့ပါသည် (၃ရာ ၂း၁ဝ-၁၁)။ ထိုသို့ တည်ထောင်နိုင် ခဲ့သော် လည်း နေ့စဉ် အသက် တာတွင် ကြီးမားသော တာဝန်များ နှင့် စိတ်ခေါ်မှုများ ရှိနေခဲ့ပါသည်။

သင့်၏ကျမ်းစာအုပ်ကို ဖွင့်ပြီး (၃ရာ ၃း၃-၁၅) ကို ဖတ်ပါ။ (ဤစာမျက်နှာနာ၏ နဖူးစီး မီးနူးတွင် ကျမ်းစာကို တစ်ပါတည်း ဖတ်ရှုနိုင်ပါသည်။)
သင့်မည်သည့်အရာကို တွေ့မြင်ပါသလဲ။ ရှော လမုန်သည် ဖခင်ဒါဝိတ်၏ သွန်သင်ချက်နှင့် အညီ အသက်ရှင်လိုက်လျှောက်ခဲ့ပါသလား။
အပိုဒ်ငယ် ၃ တွင် မည်သို့ ဖေါ်ပြထားပါ သနည်း။
----------------------------------------------------------------------------------------------------------------------------------------------------------------------------------
 ထိုကျမ်းပိုဒ်အရ ရှောလမုန်သည် သူ၏ ဖခင် ဒါဝိတ်၏ သွန်သင်ချက် အတိုင်း အမှန် တကယ် လိုက်လျှောက် ခဲ့ပါသည်။ ဘုရားသခင် နှင့် ဘုရားသခင်၏ လူမျိုးတော် အတွက် သူ၏ မေတ္တာ တရားကို ပြသခဲ့ပါသည်။ ဘုရားသခင် ၏လူများသည် ဘုရားသခင်နှင့် လျှောက်လှမ်းသည့် အသက်တာတွင် ဒါဝိတ်နှင့် ရှောလမုန် တို့ကဲ့သို့ စံပြအသက် တာ ဖြစ်ရ မည်ဖြစ်သည်။ ကျွန်တော်တို့၏ ပတ်ဝန်းကျင်မှ လူများအား လုံးအတွက် ကျွန်တော်တို့ သည် စံပြဖြစ်ရမည် ဖြစ်သည်။ ဘုရားသခင်နှင့် လျှောက်လှမ်းရာတွင် ကျွန်တော်တို့ တစ်ဦး တည်းသာ မဟုတ် ကြောင်းကို သတိရပါ။ ကျွန်တော်တို့ ရှေ့မှ အသက်ရှင် လျှောက်လှမ်း သွားသော သူများသည်လည်း ကျွန်တော်တို့နှင့် အတူ ယခု လျှောက် လှမ်းနေကြသည် ဆိုသည်ကို သတိရပါ။

    ရှောလမုန်သည် ဘုရားသခင်ကို ချစ် မြတ်နိုးကြောင်းကို သူ၏အသက်တာနှင့် ပြသ ခဲ့လေသည်။ အခန်းငယ် ၅ ကို ကြည့်ပါ။ ဘုရားသခင်က ရှောလမုန်ကို အိမ်မက်ထဲတွင် မည်ကဲ့သို့ ပြောဆိုခဲ့ပါသနည်း။
---------------------------------------------------------------------------------------------------------------------------------------------------------------------
 ကြီးမားသောအရာကြီးများ ဖြစ်လာ ရန် တောင်းလျှောက်ရမည်လား။
ကြီးကျယ် သောအရာများကို တောင်းလျှောက်ရမည်လား။
ရှုပ်နေသော ပြဿနာများကို ဖြေရှင်းခိုင်းရ မည်လား။
ဘာမျှပူပင်စရာ မရှိသောဘဝကို တောင်းလျှောက်ရမည်လား။
သို့သော်လည်း ရှောလမုန် တောင်းလျှောက်သည့်အရာမှာ မည်သည့်အရာဖြစ်ပါသလဲ။
ပထမဦးစွာ ဘုရားသခင်သည် ဖခင် ဒါဝိတ်ကို သူ၏ချစ်မေတ္တာကို ပြသခဲ့သလို သူ့ကိုလည်း ဘုရားသခင်က ချစ်မြတ်နိုးသည်ကို သူလည်းသိပါသည်။ ဘုရားသခင်ကို ရှောလ မုန်က မည်သို့ပြောလိုက်ပါသနည်း။ သူကိုယ် တိုင် သိရှိနားလည်ထားသည်မှာ ဘုရားသခင် အပ်နှင်းထားသောလူများကို အုပ်ချုပ်ရသည်မှာ အလွန်ကြီးမားသော တာဝန်နှင့် အလုပ်ဖြစ် ကြောင်း သိရှိ နားလည်ထား ပါသည်။ မည်သည့် အရာများ လိုအပ်နေ ပါသနည်း။ သူ၏ကိုယ်ပိုင် အစွမ်းခွန်အားနှင့် နိုင်ငံကို အုပ်ချုပ် မင်းလုပ် ပါက အမှန်တကယ် မလွယ်ကူမှန်း သိရှိနား လည်ပြီး ဖြစ်ပါသည် (အခန်းငယ် ၇-၈)။
  

 ထို့နောက် သူ့ကိုယ်သူ နှိမ့်ချစွာပြောဆို ပြီးနောက် ဘုရားသခင်ထံမှ မည်သည့်အရာကို တောင်းလျှောက်ခဲ့ပါသနည်း။ (အခန်းငယ် ၉)။
---------------------------------------------------------------------------------------------------------------------------------------------------------------------------------။

''ကိုယ်တော်ကျွန်သည် ကိုယ်တော်၏လူ တို့ကို တရားစီရင်နိုင်မည်အကြောင်း ကောင်း မကောင်းကို ပိုင်းခြား၍ သိတတ်သောဥာဏ်ကို ပေးသနားတော်မူပါ။ ဤမျှလောက် များစွာ သော ကိုယ်တော်၏လူတို့ကို အဘယ်သူသည် ကိုယ်အလို အလျောက်တရား စီရင်နိုင်ပါမည် နည်းဟု တောင်းလျှောက်၏။'' (အခန်းငယ် ၉)

မည်မျှအံ့သြစရာ ကောင်းလိုက်ပါသနည်း။ တောင်းချင်သမျှအရာရာကို တောင်းလျှောက်နိုင် ပါသည်။ ရွှေ၊ ငွေ၊ နန်းတော်ကြီး၊ သား သမီး၊ အသက်ရှည်ခြင်း . . . စသည်တို့ကို တောင်းလျှောက်နိုင်ပါသည်။။ သို့သော်လည်း သူ၏ကိုယ်ရေးကိုယ်တာ အကျိုးအတွက် တောင်းလျှောက်ခြင်းမဟုတ်ဘဲ လူတို့၏ဘဝ အသက်ရှင်မှုအတွက် ဦးစားပေး တောင်းလျှောက် ခဲ့ပါသည်။ ရှောလမုန်သည် ဘုရားသခင် အပ်နှံထားသောသူတို့ကို မှန်သောနည်းလမ်း ဖြင့်သာ အုပ်ချုပ်လိုသည်ကို တွေ့မြင်ရပါ သည်။ သင်မည်ကဲ့သို့ ထင်မြင်ပါသနည်း။ ထို ကဲ့သို့သော ဆန္ဒနှလုံးသားမျိုးကို ဘုရားသခင် နှစ်သက်ပါသလား။ နှစ်သက်ပါသည်။ အခန်း ငယ် ၁ဝ ကိုဆက်လက် ဖတ်ရှုပါက ''ထိုသို့ ရှောလမုန် တောင်းလျှောက်သော ပဌနာစကားကို ထာဝရဘုရား သည် နှစ်သက်တော်မူ၏။'' ဟု ရေးသားထားသည်ကို တွေ့မြင်ရပါသည်။

    ဘုရားသခင် မည်ကဲ့သို့ တုန့်ပြန်ခဲ့ပါ သနည်း (အခန်းငယ် ၁၂)။
----------------------------------------------------------------------------------------------------------------------------------------------------------------------------။

   ဘုရားသခင်သည် ရှောလမုန်၏ဆန္ဒ နှင့် တောင်းလျှောက်ချက်ကို လက်ခံခဲ့ပြီး၊ ဘုရားသခင်၏လူများကို အုပ်ချုပ်နိုင်ရန် စဉ်း စား ဆုံးဖြတ်နိုင်သော ဥာဏ်ပညာကို ပေးအပ် ခဲ့သည်သာမက မတောင်းလျှောက်ခဲ့သော စည်း စိမ်ဥစ္စာနှင့် ဂုဏ်အသရေကိုလည်း ပေးမည်ဟု ထပ်မံ၍ ကတိရရှိခဲ့လေသည်။

မဿဲ ၆း၃၃ ကို ဖွင့်၍ဖတ်ကြည့်ပါ။ မည်သို့ ရေးသားထား ပါသနည်း။

----------------------------------------------------------------------------------------------------------------------------------------------------------------------။

    ဘုရားသခင်၏ နိုင်ငံတော်အကြောင်း ကို ပြောဆိုသောအခါ ကျွန်တော်တို့သည် ဘုရားသခင်၏ နိုင်ငံတော်ကို ဦးစွာရှာကြသော လူများအကြောင်းကို လေ့လာရာတွင် အခြားအ ရာများကိုလည်း ရရှိခံစားခဲ့ကြကြောင်း ကျွန်ုပ် တို့ သင်ယူခဲ့ရကြသည်။ သို့သော်လည်း ကျွန်ုပ် တို့သည် ဘုရားသခင်၏နိုင်ငံတော်ကို မရှာဖွေဘဲ မိမိ၏ အတ္တကောင်းကျိုး များကိုသာ ရှာဖွေ ခဲ့သူများ ဖြစ်နေကြပါသည်။ အချိန်တော်တော် များများတွင် ကျွန်ုပ်တို့သည် ဘုရားသခင်၏ အရေးကြီးသော အရာများကို ဂရုစိုက်ရ မည့်အ စား ကိုယ်ရေးကိုယ်တာ လိုအပ်ချက်များကိုသာ ဦးစားပေးခဲ့ကြသည်။ ကျွန်တော်တို့သည် စီး ပွားရေး လုပ်ငန်းကောင်းကောင်း၊ ငွေကြေး၊ ကလေးများ အတွက် ကောင်းသောပညာရေး စ သည်တို့ကိုသာ ဦးစားပေး ရှာဖွေနေကြပြီး ပို၍ ပို၍ မြင့်မားလာစေရန်သာ ဦးစားပေး ရှာဖွေနေ ကြသည်။ သို့သော် လည်း ရှောလမုန် ဘုရင်ကြီး ၏အသက်တာကမူ ကျွန်တော်တို့ကို ခြားနား သော သွန်သင်ချက်များကို ပေးနေပါသည်။ သူသည် ဘုရားသခင်၏လူများနှင့် ပတ် သက်ပြီး မည်သို့မည်ပုံ အကောင်းဆုံး လုပ် ဆောင်ရမည်ကို အရေးကြီးကိစ္စအဖြစ် သတ်မှတ် ထားသည်။ သူ၏နှလုံးသားသည် ဘုရားသ ခင်၏ ရှေ့တော်တွင် နှိမ့်ချသောနှလုံးသား ရှိ နေသည်။ သူ၏ကိုယ်ပိုင်ခွန်အားများနှင့် မည် သို့မျှ လုပ်ဆောင်ကြိုးစား၍ မရနိုင်ကြောင်း သိရှိထားသည်။ ထိုနှလုံးသားသည် ဘုရားသ ခင် အလိုချင်ဆုံးသော နှလုံးသားဖြစ်၍ နှစ် သက်ပါသည်။

အချိန်အနည်းငယ်ယူကာ စဉ်းစား၍ ဆုတောင်းစေချင်ပါသည်။

ဘုရားသခင်အတွက် အရေးကြီးသောအရာများနှင့် သင်၏အတ္တဆန္ဒ များအပေါ်တွင် အခြေခံသော သင်၏စိတ်နှလုံး သားထဲက အရာများ နှိုင်းယှဉ်လာပါက မည် သို့ဆုံးဖြတ်မည်နည်း။ သင့်နှလုံးသားကို  မည်သို့ ပြောင်းလဲရမည်နည်း။

-----------------------------------------------------------------------------------------------------------------------------------------------------------------------------။

ရှောလမုန်သည် မြေကြီးပေါ်တွင် ရှိသမျှသော ရှင်ဘုရင်များတွင် လေးစား ထိုက်ဆုံးသော ဘုရင် တစ်ပါး ဖြစ်ပါသည်။ သူသည် သူ၏ နိုင်ငံတွင် သာမက အခြားသော တိုင်းနိုင်ငံများ အထိ ကျော်ကြားသူ ဖြစ်လာပါသည်။ လူပေါင်း မြောက်များစွာက သူထံမှ အကြံညဏ်များကို တောင်းခံ ခဲ့ကြသည်။ သူ၏ နှိမ်ချသော နှလုံးသား အပေါ်တွင် ဘုရားသခင်က အဖြေပေး ခဲ့ပါသည်။ ရှောလမုန်၏ နှလုံးသားနှင့် တောင်းလျှောက် ချက်များကို ကျွန်တော်တို့၏ အသက်တာ တွင် စံပြ အတု ယူလျက် လိုက်လျှောက် အသက် ရှင်ခြင်း အားဖြင့် ဘုရားသခင်၏ အသုံးတော် ခံများ ဖြစ်ကြပါစို့။

ဘုရားသခင်ကောင်းကြီးပေးပါစေ။
နာမတော်မြတ်၌

ဦးမင်းလွင်

Jul 25, 2013

ဘုန်းတော်ထင်ရှားသော အိမ်ထောင်ဖြစ်ရန်

ခရစ်ယာန် အိမ်ထောင်များ အပေါ်မူ တည်၍ အသင်းတော် ကြီးထွားခိုင်ခံ့မှုကို ခန့်မှန်း သိရှိနိုင် ပါသည်။ ခရစ်ယာန် အိမ်ထောင် များသည် အသင်းတော်များနှင့် တိုင်းပြည်များ၏ ကျောရိုးပင် ဖြစ်သည်။ အိမ်ထောင်များသည် လူမျိုး တို့၏ ယဉ်ကျေးမှုအစလည်းဖြစ်ပါသည်။
Picture1

ခရစ်ယာန် အိမ်ထောင်ဆိုသည်မှာ မိဘများနှင့် သားသမီးများကို ခရစ်တော်၏ ချစ်ခြင်းမေတ္တာဖြင့် ပေါင်း စည်းထားသော နေရာ တစ်ခုဟုလည်း ပြောနိုင်ပါသည်။ သခင်ယေရှုသည် အိမ်ထောင်၏ ဦးခေါင်းဖြစ်ပြီး နေ့စဉ် ဦးထိပ်ထား တိုင်တည်ကာ ပထမဦးစားပေး နေရာတွင် ထားရမည့်သူ ဖြစ်ပါသည်။ ဆုတောင်းရာ နေရာတစ်ခု လည်းဖြစ်သည်။ ခရစ်ယာန်အိမ်ထောင်သည် ညီညွတ်လျက် လွတ်လပ်မှု အပြည့်အ၀ဖြင့် လှုပ်ရှား လုပ်ကိုင်ရာ နေရာ တစ်ခုလည်း ဖြစ်ပြီး သခင်ယေရှုအား ယုံကြည်ခြင်း အရှိန်အ၀ါ ထွန်းတောက်သော ၀န်းကျင်၏ အလင်းလည်း ဖြစ်ပါသည်။ ၎င်းင်းအပြင် ဧည့်သည်ဝတ် ကျေသော နေရာ၊ ဘုရားကို ချစ်ကြောက် ရိုသေသော နေရာဟူ၍လည်း ပတ်ဝန်းကျင်က အသိအမှတ်ပြုသော နေရာလည်း ဖြစ်ပါသည်။ (ကမ္ဘာ ၁၈း၁၉) တွင် အာဗြဟံသည် စံပြ ခရစ်ယာန် အိမ်ထောင် ကို အစပြု ခဲ့ပါသည်။

ဘုရားသခင်ကို ချစ်ကြောက်ရိုသေသောဖခင်


ဘုရားသခင်သည် ခင်ပွန်းသည်အား အိမ်ထောင်၏ ခေါင်းဆောင်တစ်ဦးအဖြစ် စတင် အသိအမှတ်ပြုခဲ့ပါသည် (က ၁၈း၁၉၊ ဧ ၅း၂၃)။ ခရစ်တော်သည် အသင်းတော်၏ ဦးခေါင်း ဖြစ်တော်မူ သကဲ့သို့ ယောက်ျားသည် ဇနီးသည် အပေါ် အုပ်ထိန်းခွင့် ရှိပါသည်။ ဤ အစီအစဉ်သည် ဘုရားသခင် ကိုယ်တော်တိုင်က ချမှတ်ပေးခဲ့သော အစီအစဉ် ဖြစ်၍ ဤကဲ့သို့ လိုက်နာရန် ပျက်ကွက်သော အိမ်ထောင်များ၌ ငြိမ်သက်ခြင်း မရှိရုံမျှမက အိမ်ထောင် ပြိုကွဲသည် အထိပင် ဆိုးကျိုးများ သက်ရောက် နိုင်ပါသည်။ ဤကဲ့သို့ အုပ်စိုးမှုကို ၀န်ခံခြင်းဆိုရာ တွင် ဇနီးသည်သည် ခင်ပွန်း သည်အား ကျွန်တစ်ဦးကဲ့သို့ ၀န်ခံခြင်း မဟုတ်ဘဲ လုပ်ဖေါ် ဆောင်ဖက်အနေဖြင့် သဘောထားရန် ဖြစ်သည်။ ခရစ်ယာန် အိမ်ထောင်တိုင်းသည် ချစ်ခြင်း မေတ္တာအပေါ် မူတည်၍ တည်ဆောက် ထားရမည်။ အိမ်ကို လက်ဖြင့် တည်ဆောက်ပြီး အိမ်ထောင်ကို မေတ္တာဖြင့် တည်ဆောက်ရမည် ဟု အလွန်ဆီလျော်သော စကားတစ်ခုကို သတိပြု မိပါသည်။ (၁ကော ၁၃) ပါအတိုင်း ကျင့် ကြံ၍ အသက်ရှင် လှုပ်ရှားသော အိမ်ထောင် များဖြစ်ရန် အရေးကြီး ပါသည်။ (၁ရာ ၁း၈၊ ကမ္ဘာ ၃၁း၎-၇၊ လု ၁၄း၂၆၊ ယောဘ ၁း၅)။

ဘုရားသခင်ကို ချစ်သောမိခင်


မြင့်မြတ် အောင်မြင်သော ခေါင်းဆောင် ကြီးများ၏ နောက်ကွယ်၌ အထောက်အကူ ပြုနေသော ဇနီး သို့မဟုတ် မိခင်ကြီးများ အစဉ် ရှိနေတတ် ပါသည်။ အိမ်ရှင်မ (ဇနီးသည်) ၏ ဦးစားပေး တာဝန်မှာ ခရစ်တော်ကို ချစ်ရန် ဖြစ် သည် (လု ၁၄း၂၆၊ မ ၂၂း၃၇)။ ဒုတိယ တာဝန်မှာ ခင်ပွန်း သည်ကို နာခံရန်ဖြစ်သည်(ဧ၅း၂၂)။ အာဗြဟံ၏ ဇနီး စာရာသည် မိမိ ခင်ပွန်းအား သခင်အနေဖြင့် နာခံပါသည် (၁ပေ ၃း၆)။ မြန်မာ ယဉ်ကျေးမှုတွင် လည်း  သားကို သခင်၊ လင်ကို ဘုရား ဟူ၍ပင် တင်စားအလေးထားကြပါ သည်။

    ဇနီးသည် တို့သည် (တိတု၂း၎-၅၊ ၁တိ ၂း၉-၁၀) ကဲ့သို့ ရှက်ကြောက်ခြင်း၊ ဣနြေ္ဒစောင့် ခြင်းအားဖြင့် လျောက်ပတ်သော အ၀တ်နှင့် လည်းကောင်း၊ ဘုရားသခင်ကို ရိုသေ လေးမြတ်ခြင်းကို ၀န်ခံသော မိန်းမတို့ အဆင် သင့်သည့် အတိုင်း ကိုယ်ကို တန်ဆာဆင်ခြင်းငှာ အလိုတော် ရှိပါသည်။

ဤကျမ်းစာအတိုင်း အသက်ရှင် လိုက်လျှောက်သော အမျိုးသမီးများ ယခုခေတ်တွင် ရှားပါးနေသည်ကို အလွန်ဝမ်း နည်းစွာ တွေ့နေ ရပါသည်။ ဘုရားသခင်၏ ကောင်းချီး မင်္ဂလာများကို ခံယူနိုင်ရန် ညွှန်းထားသော နှုတ်ကပတ် တော်များကို လိုက်နာ စေလိုပါသည် (သု ၃၁း၁၀-၂၈)။

ဘုရားသခင်ကို ချစ်ကြောက်ရိုသေသော သား သမီးများ


    ဘုရားသခင်ပေးသော ပြည်တော် တွင် အသက်တာရှည်၍ ကောင်းစားလိုပါက သင်တို့သည် မိဘကို ရိုသေစွာပြုရမည် (ထွက် ၂၀း၁၂)။ ကျမ်းစာထဲတွင် ဣဇက်သည် စံပြ သားဖြစ်ခဲ့သည်။ ရှမွေလသည် မိဘစကားကို နားထောင်သော သားတစ်ဦးအနေဖြင့် စံပြ ဖြစ်ခဲ့သည်။ သခင်ယေရှုသည်လည်း ကလေး ဘ၀တွင် မိဘစကားကို နာခံခြင်းဖြင့် နေထိုင် ခဲ့သည်(လု ၂း၅၁)။ ရှင်ပေါလုကလည်း ပြည် တော်၌ကောင်းစား၍ အသက်တာရှည်ရန် မိ ဘစကားကို ဘုရားသခင်၏ အလိုတော်နှင့် အညီ နားထောင်၍ ရိုသေရမည်ဟု လမ်းညွှန် ခဲ့ပါသည်(ဧ ၆း၁၃)။

သားသမီး တို့သည် ဘုရားသခင်၏ စကား၊ မိဘတို့၏ စကားကို နားထောင်၍ တူညီသော ထမ်းပိုးများကို ထမ်းလျက် ယုံကြည်သော မျိုးဆက်သစ်များကို ပေါက်ဖွားစေကာ ကမ္ဘာကြီးအား မင်္ဂလာရှိစေရန် ဘုရားသခင် အလိုတော် ရှိကြောင်း သိမှတ်လျက် ဆက်လက် ၍ ဘုရားပေး တာဝန်ကို ဦးလည် မသုန် ထမ်းဆောင်နိုင်ပါသည်။

အထက်ပါ သုံးပွင့်ဆိုင် ဖခင်၊ မိခင်၊ သားသမီးတို့သည် ဘုရားစကားကို နားထောင်ကာ အိမ်ထောင်တွင် ဘုရား သခင်အား ၀တ် ပြုကိုးကွယ်၍ စကားတော်ကို နားထောင်ကြ မည်ဆိုပါက အောင်မြင် ခိုင်ခံ့ စည်းလုံးသော အိမ် ထောင်များ ဖြစ်ရုံမက အသင်းတော်၊ သာသနာနှင့် တိုင်းပြည်အတွက် အားကိုး အားထားရာ ကျောရိုးသဖွယ် ဖြစ်လာပြီး ဘုရားသခင်၏ ဘုန်းတော်ကို ထင်ရှားစေသော အိမ်ထောင်များ ဖြစ်လာမည်မှာ ဧကန်မလွဲပင်ဖြစ်သည်။

မိမိအား ဘုရားသခင် ထားသော နေရာတွင် ဘုရားသခင်၏ စကားတော်ကို ဥဿုံ နာခံခြင်းအားဖြင့် ဘုရားသခင်၏ ဘုန်းတော် ကို ထင်ရှားစေနိုင်သော အိမ်ထောင်များ ဖြစ် ကြပါစေဟု ဆုမွန်ကောင်းတောင်းပေးနေပါသည်။

ဘုရားသခင်ကောင်းကြီးပေးပါစေ။

နာမတော်မြတ်၌

ဦးမင်းလွင်

Jul 22, 2013

ဘုရားသခင် ကောင်းမြတ်သည်


ထာဝရဘုရားသည် ကောင်းတော်မူ၏။ အမှုရောက်သောအခါ ရဲတိုက် ဖြစ်တော်မူ၏။ ခိုလှုံသောသူ တို့ကို သိမှတ်တော်မူ၏။ (နာဟုံ ၁း၇)


ဤကျမ်းပိုဒ်ကလေးသည် ဘုရားသခင် အကြောင်းကို များစွာ ပြောပြနေပါသည်။ ထိုကျမ်းပိုဒ်ကလေးသည် ကျွန်တော်တို့၏ နှလုံးသားကို ပျော်ရွှင်ဝမ်းမြောက်စေပါသည်။
ဘုရားသခင်ကို ချစ်သော သာသနာပြုဆရာ တစ်ဦး ဖြစ်သူ အေလင် ဂါဒီနာသည် အမှုတော်မြတ်ကို ဆောင် ရွက်ရာတွင် ရုပ်ပိုင်းဆိုင်ရာ ပြဿနာများနှင့် အခြား ခက်ခဲမှုများ ကြုံတွေ့နေရသည်။ သို့သော်လည်း သူက ပြန်လည်တုန့်ပြန်ခဲ့သည်မှာ “ဘုရားသခင်က ခွန်အားပေးထားတဲ့အချိန်မှာ ကျဆုံးခြင်းတွေက မိမိကို တုန်လှုပ် အောင် စွမ်းဆောင်နိုင်ခဲ့ခြင်း မရှိပါ” ဟု ၁၉၅၁ ခုနှစ် အသက် (၅၇) အရွယ်တွင် ပြောကြားခဲ့ပါသည်။ သူသည် ရောဂါဝေဒနာများနှင့် အတူ အစာငတ်မွတ်ခေါင်းပါးမှု ခံစားရပြီး တောင်အမေရိကတိုက်၏ တောင်ဘက်စွန်တွင် ရှိသော ပစ်တွန်ကျွန်တွင် သေဆုံးသွားခဲ့ပါသည်။ အထက်ပါ ရေးသားချက်ကို သူစာလောင်မွတ်သိတ်ခြင်း၊ ရေငတ်ခြင်း၊ နာကျင်ခြင်း၊ အထီးကျန်ဖြစ်ခြင်းတို့ ခံစားရချိန်တွင် ရေးသားထားခဲ့ဟန် ရှိသည်။ သူ၏ သေဆုံးနေသော ရုပ်ခန္ဓာကို တွေ့ရချိန်တွင် သူ့အနားတွင် သူရေးသားထားသော ဒိုင်ယာယီ စာအုပ်လေးတစ်အုပ်ကိုလည်း တွေရှိရသည်။ နောက်ဆုံး ရေးသားချက်သည် သူ၏ လက်ချောင်းလေးများ အနည်းငယ်သာ လှုပ်ရှားနိုင်ချိန်တွင် ရေးသားထားခဲ့ဟန် ရှိပါသည်။ ရေးသားထားသည့် အရာမှာ “ဘုရားသခင်၏ ကောင်းမြတ် ခြင်းက ငါ့ကို လွမ်းမိုးအနိုင်ယူလျက် ရှိပါသည်။” ဟူ၍ ဖြစ်ပါသည်။

၁။ ဘုရားသခင် ကောင်းမြတ်သည်။


က။    ကောင်းကင်မြေကြီးထက်မက ဘုရားသခင်၏ ဂရုဏာတော်က ကျွန်တော်တို့ကို လွှမ်းမိုးလျက် ရှိပါ သည်။ သူ၏ ကောင်းမြတ်သောသဘောနှင့် ဂရုဏာတော်သည် ကျွန်တော်တို့အပေါ်တွင် ရှိနေပါသည်။
ထာဝရဘုရားသည် သနားတတ်သောသဘော၊ ကျေးဇူးပြုတက်သောသဘော၊ စိတ်ရှည်၍ ကရုဏာ ကြွယ်ဝသော သဘောရှိတော်မူ၏။  (ဆာလံ ၁၀၃း၈)

ခ။      ကျွန်တော်တို့အပေါ်တွင် ကောင်းမြတ်ခြင်းများ အပ်နှင်းလျက် ရှိပါ၏။ ထိုအရာများကို ဆန်းစစ် ရေတွက်ကြည့်လျှင်

  1. ကယ်တင်ခြင်းနှင် ဆုကျေးဇူးများ

  2. လွတ်လပ်သော နိုင်ငံတော်တွင် နေခွင့်ရသော ကောင်းကြီး

  3. အသင်းတော်၏ အစိတ်အပိုင်း ဖြစ်ရသော ကောင်းကြီး

  4. လွတ်လပ်စွာ ဆုံးဖြတ်နိုင်ခွင့်ရှိသော ကောင်းကြီး

  5. ……………..အစရှိသဖြင့်

ဂ။      ဘုရားသခင်၏ ကောင်းမြတ်ခြင်း နှင့် အမှုတော်ထဲတွင် ပါဝင်သက်သေခံခြင်း၊ အမှုတော်မြတ်တွင် လုပ်ဆောင်ခြင်း အမှုအရာများတွင် ဘုရားသခင်၏ ကောင်းမြတ်ခြင်းကို သံသယ ရှိလာရန် စာတန်သည် အစဉ်ကြိုးစားလျက် ရှိပါသည်။
ဃ။    ဘုရားသခင်၏ ကောင်းမြတ်ခြင်းကို ချီးမွမ်းလျက်ရှိသော ကျွန်တော်တို့၏ အချိန်နာရီများကို ရပ်တန့် သွားစေရန် ကြိုးစား အားထုပ်လျက် ရှိသည်။

၂။       ဒုက္ခရောက်သောအချိန်များတွင် ဘုရားသခင်သည် ကျွန်တော်တို့၏ ခွန်အားဖြစ်သည်။


က။    ယောသပ်က ဘုရားသခင်ပေးထားတဲ့ ရူပါရုံကြောင့် ဘယ်လောက် ဒုက္ခရောက်ရောက် ခွန်အားနဲ့ ပြည့်ဝ နေခဲ့တယ်။
ခ။      မောရှေဟာ အမှုတော်မြတ်မှာ ခက်ခဲပေမဲ့ ဘုရားသခင်ကြောင့် ခွန်အားရှိနေခဲ့တယ်။
ဂ။      ဂိဒေါင်ဟာ အားနည်းပေမဲ့ ဘုရားသခင်ကြောင့် အားကြီးသော အချင်းသူရဲ ဖြစ်ခွင့်ရတယ်။

အကြောင်းမူကား၊ ငါသည် သင့်ကိုမစွန့်၊ သင့်ကို အလျှင်းပစ်၍မထားဟု ဂတိတော်ရှိ၏။ (ဟေဗြဲ ၁၃း၅)

၃။       ဘုရားသခင်သည် ကျွန်တော်တို့ကို သိသောဘုရား ဖြစ်သည်။


က။    ဘုရားသခင်သည် ကျွန်တော်တို့၏ အားနည်းချက်များကို သိပြီးသော ဘုရားဖြစ်သည်။
ခ။      ဘုရားသခင်သည် ကျွန်တော်တို့တွင် ရှိသော ခွန်အားများကို သိရှိသလို မည်ကဲ့သို့ အသုံးပြုရမည်ကို သိသော ဘုရားဖြစ်သည်။

ဘုရားသခင်သည် သင်နှင့် ပတ်သတ်လျှင် အစဉ် အမှတ်တရ ဖြစ်နေမည့်သူ ဖြစ်သည်။ သင်ပြောသမျှ စကားတိုင်း၊ ဆုတောင်းချက်တိုင်းကို အချိန်တိုင်း၊ နာရီတိုင်း၊ မိနစ်တိုင်းတွင် နားထောင်နေချင်သူ ဖြစ်သည်။ သူသည် စကြဝဠာကြီး တစ်ခုလုံးတွင် နေထိုင်နိုင်သော်လည်း သင်၏ နှလုံးသားထဲတွင် အစဉ် နေထိုင်လိုသူ ဖြစ်ပါသည်။ ထိုကောင်းမြတ်သော ဘုရားသခင်ကို ကျွန်တော်တို့၏ နှလုံးသား ဗိမ္မာန်တော်ကြီးထဲတွင် ကျွန်တော်တို့ အသက်ရှင်သန်နေသ၍ ခေါ်ပင့်ကာ ကျွန်တော်တို့၏ အသက်တာထဲမှ ထာဝရ ကိုးကွယ်ရာ အဖြစ် အသိအမှတ်ပြုကာ ကိုးစား ခိုလှုံကြပါစို့။
ဘုရားသခင် ကောင်းကြီးပေးပါစေ။
နာမတော်မြတ်၌
မင်းလွင်

Jul 14, 2013

မီးပြတိုက်

ယနေ့ ကမ္ဘာ့ သတင်းကို နားထောင် ကြည့်မည်ဆို ပါက ကမ္ဘာ တစ်ဝှမ်းတွင် လူမျိုးရေး၊ ဘာသာရေး၊ အဓိကရုဏ်းများ၊ အကြမ်းဖက် တိုက်ခိုက်မှုများ၊ စစ်ပွဲများ၊ လူကုန် ကူးမှု၊ မူးယစ် ဆေးဝါး ပြဿနာ၊ စီးပွားရေး ကျဆင်းမှု၊ ဒုစရိုက် ရာဇဝတ် ထူပြောမှု၊ လင်မယား ကွာရှင်းမှု၊ ရင် သွေးငယ် စွန့်ပစ်မှု၊ သဘာဝ ကပ်ဘေးနှင့် ရောဂါ ဆိုးကြီးများ စသည့် အနိဋ္ဌာန်ရုံ သတင်းများက လွမ်းမိုး နေရာ ယူထားသည်ကို တွေ့ရမည် ဖြစ်သည်။ လူသားတို့ အတွက် မျှော်လင့်ချက်မှာ ယဲ့ယဲ့ ကလေး သာရှိပြီး ခိုကိုးရာ မဲ့နေသလို ခံစား နေကြ သည်။

ထိုသို့သောအခြေအနေမျိုးတွင် ဘုရား သခင်သည်လူသားများကို ဂရုမစိုက်တော့ပြီ လော။ လူသားများကို လျစ်လျူရှုနေပြီလော။ ဘုရားရှင်သည် လူသားများအား ဆင်းရဲ ဒုက္ခနှင့်ဆိုး သွမ်းမိုက်မဲမှုကို အဘယ်ကြောင့် ခွင့်ပြုထားသနည်း ဟူသောမေးခွန်းမှာ ဒွိဟဖြစ်စရာပေါ်လာပါသည်။

ဆရာကြီး ဘွန်ကီက ယာဉ်ထိန်းရဲများ အားမေးခွန်း တစ်ခုမေး ခဲ့ပါသည်။ အဘယ့်ကြောင့် ယာဉ်ထိန်းရဲ များသည် ယာဉ်တိုက်မှုကို ခွင့်ပြုထား ရသနည်းဟုမေးသောအခါ ယာဉ်ထိန်း ရဲများက ယာဉ်စည်းကမ်း၊ လမ်းစည်းကမ်းများကို အတိအ ကျထုတ်ပြန် ထားပြီသားဖြစ်သည်။ အဆိုပါစည်း ကမ်းများကို လိုက်နာလျှင် မတော် တဆယာဉ်တိုက် မှုများဖြစ်ပွားမည်မဟုတ်ပါ။ အဆိုပါ စည်းကမ်းကို မလိုက်နာဘဲ၊ မဆင်မခြင်နမော်နမဲ့ကျူး လွန် ဖေါက်ဖျက်ပါက ယာဉ်တိုက်မှုဖြစ်ပွားပြီး မလို လား အပ်သောဆိုးကျိုး ပြဿနာများ၊ အနိဋ္ဌာန်ရုံများကို ကြုံရမည်ဖြစ်သည်ဟု ရှင်းပြပါသည်။

ထိုနည်းတူ ဘုရားရှင်သည် လူသားများ လိုက်နာရန်စည်းကမ်းပညတ်များကို ကြိုတင်ပြ ဋ္ဌာန်းပေးထားပြီးဖြစ်သည်။ ၎င်းမှာ နှုတ်ကပတ် တော်တည်းဟူသော သမ္မာကျမ်းစာ ပင်ဖြစ်သည်။ ယနေ့ ကမ္ဘာ့ လူသားများ ဆိုးသွမ်း မိုက်မဲပြီး ဆင်းရဲ ဒုက္ခနှင့် အနိဋ္ဌာရုံများ ကြုံတွေ့နေ ရခြင်းမှာ ဧဒင်ဥ ယျာဉ်မှစ၍ ယနေ့ထိတိုင် လူသားတို့သည် နှုတ် ကပတ်တော် ကို ကျောခိုင်းကာ မှားယွင်း သောရွေး ချယ်အသက်ရှင် မှုကြောင့်ပင်ဖြစ်သည်။

သို့ရာတွင် ဘုရားသခင်သည် လူသားများ ကို မျက်နှာလွှဲ စွန့်ပစ် ထားခြင်းမရှိပေ။ ထာဝရဘုရားနှင့် သဏ္ဌာန်တူ ဖန်ဆင်းခြင်း ခံရသောလူသား များသည် တန်ဖိုးကြီး လှပါသည်။ ဆားဗီးယားတို့ ၏ ပစ်ချခြင်း ခံရသော အမေရိကန် လေတပ်ဗိုလ်ကြီး စတော့အိုဂရက်သည် တောထဲ၌ ခြောက်ရက်ကြာ ပုန်းအောင်း နေရာမှ သူ့အား ကယ်တင်ရန် စစ်ဆင် ရေးတွင် အမေရိကန် စစ်တပ်က အသုံးပြုခဲ့သော လေယာဉ်နှင့် စစ်လက်နက်ပစ္စည်းကုန်ကျစရိတ် မှာ ဒေါ်လာ သန်းခြောက်ထောင် ရှိကြောင်း သိရ သည်။ စတော့အို ဂရက်ဒီ သည် ဒေါ်လာသန်း ခြောက်ထောင်တန်သည်ဟု ဆိုနိုင်ပါသည်။ ခရစ်တော်က လူတစ်ဦး၏တန်ဖိုးသည် စကြဝဠာထက် မက တန်ဖိုးရှိပြီး အလေးအနက် ထားကြောင်း သွန် သင်ခဲ့သည်(မဿဲ ၂၆း၁၆)။ ထို့ကြောင့် ခရစ် တော်သည် လူသားများ ပြည့်စုံ ကြွယ်ဝသောအ သက်တာရရှိနိုင်ရန်အတွက် အပြစ်ငရဲမှ ရွေးနုတ် ကယ်တင် ပေးခဲ့ပါသည်။

အမှန်စင်စစ် ဘုရားသခင်သည် လူတစ် ဦးစီ၏ဆံပင်ကို အကုန်အစင်ရေတွက်လျက်ရှိပါ သည်။ လူတစ်ဦးစီ၏ထွက်သက်ဝင်သက်သည် ဘုရားသခင်၏ လက်တော်ထဲ တွင် ပါရှိပါ သည်။ ဘုရားသခင် အခွင့် မပေးလျှင် စာငှက် တစ်ကောင် မျှ မြေပေါ်မကျနိုင်ပါ။ ကပ်ကမ္ဘာ ကုန်သည့် တိုင် အောင် ယုံကြည်သူများနှင့်အတူ ရှိနေမည် ဖြစ် ကြောင်း ကတိပေး ထားပါသည်။

တစ်နေ့တွင် ထမင်းချက်နေစဉ် မီးပျက်သွား သည်။ မီးပြန်မလာသဖြင့် ထမင်းမှာမနူးမနပ်ဖြစ် ပြီး စား၍မရတော့ပါ။ မီးသွေးမွှေးပြီး ပြန်ချက်ရပါ သည်။ ယနေ့ ယုံကြည်သူ အသီးသီးသည် အသက် နှင့်အလင်းတည်းဟူသော နှုတ်ကပတ်တော်နှင့် မပြတ်ဆက်သွယ်ရန် လိုပါသည်။ အလင်းပေး သောနှုတ်ကပတ်တော်အားဖြင့်သာ မိမိအသက် တာကို ဘေးကင်းစွာ လျှောက်လှမ်းနိုင်မည်ဖြစ် သည်။ အသက်တည်းဟူသောနှုတ်ကပတ်တော် အားဖြင့်သာ အန္တရာယ်အပေါင်းကို အောင်မြင် ကျော်လွှားနိုင် မည်ဖြစ်သည်(ဆာလံ ၁၁၉း၁ဝ၅၊ သု ၁း၃၃)။ နှုတ်ကပတ်တော်ကိုမလိုက်နာဘဲ ကျောခိုင်းအသက်ရှင်ပါက မီးပျက်သွားစဉ်က ထမင်းပေါင်းအိုးထဲမှ ထမင်းကဲ့သို့ စားရန် မကောင်း တော့ဘဲ ပျက်စီးခြင်းအားအခြေအနေမျိုးနှင့် ရင် ဆိုင်ရမည်ဖြစ်သည်။ အစ္စရေးနိုင်ငံမှအငံဓါတ် ကင်းမဲ့သောဆားခဲများကို လမ်းခင်း ကျောက်များ အဖြင့်သာ အသုံးပြုခြင်းခံရသည်။

ငါနှင့်ကွာလျှင် သင်တို့သည် အဘယ် အမှုကိုမျှ မတတ်နိုင်ကြ(ယော ၁၅း၅)။ လူသား တစ်ဦးစီ၏အစဉ်းလဲဆုံးအရာမှာ စိတ်နှလုံးပင် ဖြစ်သည်။ ကမ္ဘာ့လူသားများ ဆိုးသွမ်း မိုက်မဲနေရ ခြင်းမှာ စိတ်နှလုံးကြောင့်ပင်ဖြစ်သည်။ လူသား တစ်ဦးစီ၏စိတ်နှလုံးကို ထိန်းချုပ်ပဲ့ပြင်လမ်းပြရန် ဝိညာဉ်သည် နှုတ်ကပတ်တော်နှင့်ပြည့်ရမည်။ တစ်နည်း အားဖြင့် ကိုယ်ခန္ဓာရှင်သန်ရန်အတွက် အစားအစာမှီဝဲနေရသလို ဝိညာဉ်ရှင်သန်နိုးကြား ရန်အတွက် နှုတ်ကပတ်တော်ကို မှီဝဲရမည်။ အမေရိကန် သမ္မတဟောင်း အာဗြဟံလင်းကွန်း က သမ္မာကျမ်းစာမရှိလျှင် အမှားအမှန်ကိုသိနိုင်မည် မဟုတ်၊ လူကိုပေးသနားတော်မူသောဘုရား သခင်၏ကျေးဇူးတော်ထဲက အကောင်းဆုံး၊ အ မွန်မြတ်ဆုံးအရာမှာ နှုတ်ကပတ်တော်ဖြစ် ကြောင်း ကျွန်ုပ်ယုံကြည်ပါသည်ဟု ဆိုခဲ့ပါသည်။

စာရေးဆရာကြီး ဝီလျံရှိတ်စပီးယားက စာတန်နတ်ဆိုးပင်လျှင် သူ၏ရည်ရွယ်ချက်အ တွက် ကျမ်းစာတော်မြတ်ကိုရွတ်ပြနိုင်ခဲ့သည်ဟု ဆိုခဲ့သည်။ ယေရှုစုံစမ်းခံခဲ့ရစဉ်က စာတန်ကို နှုတ်ကပတ်တော် လက်နက်အားဖြင့်သာ ကိုင်စွဲ အနိုင်ယူခဲ့သည်မှာ ဆင်ခြင်စရာပင်ဖြစ်သည်။ ယုံကြည်သူတို့၏ စိတ်နှလုံးထဲတွင် နှုတ်ကပတ် တော်မရှိပါက၊ နှုတ်ကပတ် တော်အတိုင်း အသက် မရှင်ပါက စာတန်ပစ်ခတ်သောမီးစက်လက်နက် အောက်တွင် မရှုမလှအရေးနိမ့်မည်ဖြစ်သည်။ စာ တန်သည် ဟောက်သော ခြင်္သေ့ကဲ့သို့ အဘယ် သူအား မျိုရမည်ကို လှည့်လည်ရှာဖွေလျက်နေပါ သည်(၁ပေ ၅း၈ဝ)။

ယနေ့ ယုံကြည်သူများသည် နှုတ်က ပတ်တော်ဖတ်ရှုရန် အချိန်မပေးနိုင်ကြ။ စာတန် က ယုံကြည်သူတို့၏စိတ်နှလုံးနှင့်အချိန်ကို ခိုးယူ နေ၏။ အမျိုးသမီးများက ကိုးရီးယား ဇာတ်လမ်း တွဲတွင် မျောပါနေကြသည်။ အမျိုးသားများက ညသန်းခေါင်ကျော်သော ဘောလုံးပွဲများကို အချိန် ပေးနိုင်သလောက် ကျမ်းစာ ဖတ်ရန်အချိန် မပေး နိုင်ကြ။ လူငယ်များက ကျမ်းစာဖတ်ရန်ထက် ဂျာ နယ်၊ ဝတ္ထု၊ ဇာတ်လမ်းတွဲများကိုသာ နှစ်ခြိုက်စွဲ လမ်းနေကြသည်။ စာတန်သည် ယုံကြည်သူများ ဘုရားရှင်နှင့် မိတ်သဟာယ ဖွဲ့ရန်ထက် အခြား သောကိစ္စများ၌သာ အချိန်ကုန်နေစေသည်။ နှုတ်ကပတ်တော်ဝေငှသူများသည်လည်း အ သက်တာပြောင်းလဲစေသောနှုတ်ကပတ်တော် ထက် အသင်းသားများ အကြိုက် ပုံပြင်နှင့် ဟာသ များကိုသာအသား ပေးဝေငှကြသည်။ သန့်ရှင်း သောဝိညာဉ်တော်တန်ခိုးမပါရှိသဖြင့် အသင်း သားများနှလုံးသားများ ပြောင်းလဲမှု မရှိဘဲ မပူ မအေး နွေးနေကြသည်။

လူသားများသည် ဤလောက၏ဧည့် သည်များပင်ဖြစ်သည်။ နိုင်ငံခြားခရီးသွားများ သည် ခရီးသွားမည်ဆိုပါက ဧည့်လမ်းညွှန်၊ လမ်း ပြသူတို့ လိုအပ်ပါသည်။ လောက ဧည့်သည် ဖြစ် သောယုံကြည် သူများသည်လည်း ဧည့်လမ်းညွှန့် (သို့)လမ်းပြသူဖြစ်သည့်နှုတ်ကပတ်တော်အား ဖြင့်သာ မိမိ အသက်တာ ပန်းတိုင်ကိုရောက် ရှိနိုင်ပါ သည်။

ဘုရားသခင်သည် အာဒံနှင့်ဧဝမှစ၍ လူသားများ အတွက် ထားရှိသော ရည်ရွယ်ချက်မှာ ဘုရားသခင်နှင့် မိတ်သဟာယ ဖွဲ့ခြင်းနှင့် ဘုရားရှင် ၏နှုတ်ကပတ်တော်ကို နာခံ လိုက်လျှောက်ရန် ဖြစ် သည်။ နတ်ဆိုးများ သည်ပင်လျှင် ဘုရားရှင်ကို ယုံကြည်သော်လည်း နာခံ လိုက်လျှောက်ခြင်းမရှိ ပေ(ယာ ၂း၁၉)။ ခရစ်တော် တည်းဟူသောနှုတ်က ပတ်တော်ကို ယုံကြည်နာခံမှသာ ပြည့်စြုံ<ွကယ်ဝ သောအက်တာကိုရရှိမည်ဖြစ်သည်။ နှုတ်ကပတ် တော်ကို နေ့ညမပြတ်ဖတ်ရှုပြီး နာခံလိုက်လျှောက် မှသာ အောင်မြင်သော အသက်တာကို ပိုင်ဆိုင်နိုင် မည်ဖြစ်သည်။

Jul 6, 2013

ခရစ်တော်အတွက်သာ မဟုတ်ခဲ့ရင်

အဒေါနိယာမ် ဂျက်ဆင်ကို ၁၇၈၈ ခုနှစ် သြဂုတ်လ (၉) ရက်နေ့တွင် အမေရိကန်နိုင်ငံ မက်ဆာချူးဆက်ပြည်နယ် မော်လ်ဒန်းမြို့တွင် မိခင် အဘိဂဲလနှင့် ဖခင် အဒေါနိယာန် ဂျက်ဆင်တို့မှ ဖွားမြင်ခဲ့ပါသည်။ ထိုမြို့နယ်လေးတွင် အမှုတော်ဆောင် သင်းအုပ်ဆရာဖြစ်သော ဖခင်၏ သွေးတွေ သူ၏ အသွေးအသားထဲတွင် ဆက်လက် စီးဆင်းသွားမည်ဟူ၍ မည်သူကမျှ ကြိုတင်တွေးထားခဲ့ခြင်း မရှိပေ။
ငယ်ရွယ်စဉ်ကပင် ညဏ်ပညာထက်မြက်သော ဂျက်ဆင်သည် ၁၈၀၄ ခုနှစ်တွင် ဘရောင်း တက္ကသိုလ်တွင် ပညာသင်ကြား အောင်မြင်ခဲ့ပြီး အသက် (၁၉) နှစ်အရွယ် ၁၈၀၇ ခုနှစ်တွင် အခြေခံ အင်္ဂလိပ် သဒ္ဒါစာအုပ် တစ်အုပ်နှင့် နှင့် အမျိုးသမီးငယ်တို့၏ သင်္ချာစသည့် ပြဌာန်းစာအုပ် (၂) အုပ်ကို ဖြည့်စွတ်ဖြည့်စည်း ခဲ့လေသည်။

တတ်ကြွပြီး ထက်မြက်သော လူငယ် တစ်ယောက် ဖြစ်သည်နှင့် အညီ ထိုကာလက ပြင်သစ်ဘာသာရေး ဖောက်ပြန်မှု၊ လွဲမှားသော အတွေး အခေါ်အချို့၏ လွှမ်းမိုးမှုကို ခံခဲ့ရပြီး လွတ်လပ်စွာ တွေးခေါ်ပြီး ဘုရားမဲ့ ဝါဒီကို သဘောကျ လက်ခံခဲ့လေသည်။ ထိုဝါဒကို လက်ကိုင်းပြုရင်း လူငယ်သဘာဝ စွန့်စားမှု ဖွင့်ရန် အမေရိကန် နယူယောက်မြို့ကို ခရီးပြုခဲ့ပါသည်။ ဆန္ဒနောက်ကိုလိုက်ကာ ဘ၀ စွန့်စားစိန်ခေါ်မှုများကို ရှာဖွေပြီးတဲ့ အချိန်ကာလ တစ်ခုမှာတော့ အိမ်ကို ပြန်ဘို့ ခြေဦးလှည့်ခဲ့ရာ မြို့တစ်မြို့ရဲ့ တည်းခိုခန်း တစ်ခုတွင် ဘုရားရှင်၏ အလင်းပေးမှုကြောင့် နောင်တရ ပြောင်းလဲလာသူမှာလည်း အဒေါနိယာန် ဂျက်ဆင်ပင် ဖြစ်လေတော့သည်။

ထိုတည်းခိုးခန်းငယ်ကလေးတွင် တစ်ညလုံး ဝေဒနာနှင့် ငြီးတွားနေခဲ့သူဟာ သူနဲ့ ဘုရားမဲ့ ဝါဒီကို အတူယုံကြည်ခဲ့သော သူငယ်ခြင်း ဂျက်ကော့အင်း ဖြစ်လေတော့သည်။ ထိုသူသည် တစ်ညလုံး ကယ်ပါ ယူပါ တစ်စာစာ အော်ဟစ်နေခဲ့လေသည်။ တစ်ဖက်ခန်းမှ ဂျက်ဆင်သည်လည်း ထိုသူ၏ အော်သံကြောင့် တစ်ညလုံး အိပ်မပျော်နိုင်ခဲ့ပေ။ နောက်တစ်နေ့တွင် ထိုအော်ဟစ်နေသူမှာ သေဆုံးသွားပြီးဟု သတင်းကြား ပြီးနောက် လူတွေသေရင် ဘယ်ကို ရောက်မှာလဲ ဆိုသော အတွေး လင်းလက်လာခဲ့ပြီး ဘုရားသခင်ထံသို့ လှည့်ပြန် လာခဲ့ လေတော့သည်။

၁၈၀၈ ခုနှစ်တွင် ပလိုင်းမောက်မြို့တွင် ရှိသော အင်ဒိုဗာ ကျမ်းစာကျောင်းတွင် တတ်ရောက် ပညာ သင်ကြား ခဲ့ပါသည်။ ဆုံးဖြတ်ချက် တူညီသော မိတ်ဆွေ အချို့နှင့် အတူ ကောက်ရိုးပုံကြီးအနားတွင် ဆုတောင်း ဆက်ကပ် အသက်တာကို အပ်နှံအပြီးတွင် သူတို့အားလုံး အမှုတော်မြတ်အတွက် အသက်ရှင် ခဲ့ကြပါသည်။

၁၈၁၂ ခုနှစ် ဖေဖော်ဝါရီလ (၅) ရက်နေ့တွင် စိတ်တူကိုယ်တူ၊ ဘုရားချစ်သူ၊ စွန့်စားလိုသူ၊ အန်းဟက်ဆယ်တိုင်း နှင့် လက်ထက် ထိမ်းမြား ခဲ့လေသည်။ နောက်တစ်ရက် ဖြစ်သော ဖေဖော်ဝါရီလ (၆) ရက်နေ့တွင် သိက္ခာလက်တင် ဘိသိတ်မင်္ဂလာကို ခံယူခဲ့ပါသည်။ နောက်ထပ် (၂) ပတ်အကြာ ဖေဖော်ဝါရီလ (၁၉) ရက်နေ့တွင် ကရာဗာန် သဘောင်္ကြီးနှင့်အတူ ရွက်လွှင့်ခဲ့ပြီး ယခုအခါ နှစ် (၂၀၀) ပြည့်တော့မည့် သာသနာပြု သမိုင်း ခရီးစဉ်ကြီးကို အစပြုခဲ့ပါ တော့သည်။

၁၈၁၂ ခုနှစ်နှစ် ဇွန်လ (၁၇) ရက်နေ့တွင် ကာလကတားမြို့သို့ ရောက်ရှိလာပါတော့သည်။ ငါးလခန့် ကြာမြင့်သော ထိုခရီးစဉ်အတွင်း သမ္မာ ကျမ်းစာကို လေ့လာနေခဲ့ပြီး နှစ်ခြင်းအဖြစ် ပြောင်းလဲ ခံယူခဲ့ပါသည်။ ၁၈၁၂ ခုနှစ် စက်တင်ဘာလ (၆) ရက်နေ့တွင် ဇနီးမောင်နှံ (၂) ဦးစလုံးသည် ကလာကတားမြို့ လာဆေး သုဓမ္မာဇရပ်တွင် ဆရာကြီး ဝီလျံဝု အားဖြင့် နှစ်ခြင်းမင်္ဂလာကို ခံယူခဲ့ပါသည်။ မကြာမီ အင်္ဂလိပ် အရှေ့အိန္ဒိယ ကုန်ပ္ပဏီ အာဏာပိုင်တို့၏ အကြပ်ကိုင်မှုကြောင့် ဆရာကြီး ယုဒဿန်တို့ ဇနီးမောင်နှံသည် ကလကတားမြို့မှ ထွက်ခွာခဲ့ရပါတော့သည်။

အခြားသို့ ထွက်ခွာရန် ကြံစည်ခဲ့သောလည်း သဘောင်္ဆိပ်တွင် တစ်စီးတည်းသာ ရှိပြီး မြန်မာနိုင်ငံသို့ ထွက်ခွာတော့မည့် သဘောင်္ပေါ်တွင် တက်ရောက်လာကာ ဤအရာမှာ ဘုရားရှင်၏ အကြံအစည်တော် တစ်ခုသာ ဖြစ်ကြောင်း အသိအမှတ်ပြု လက်ခံခဲ့ကြလေတော့သည်။ ၁၈၀၁၃ ခုနှစ် ဇူလိုင်လ (၁၃) ရက်နေ့တွင် မြန်မာပြည်၏ ဆိပ်ကမ်းဖြစ်သော ရန်ကုန်မြို့သို့ ဘေးကင်းစွာ ရောက်ရှိလာခဲ့ကြသော်လည်း ပင်လယ် ခရီးစဉ် အတွင်း ကြမ်းတမ်းသော သဘာဝ ဘေးအန္တရာယ်များကြောင့် ပထမဆုံးသော သူတို့၏ ရင်သွေးငယ်လေးမှာ ပျက်ကျ ဆုံးရှုံးခဲ့ရလေသည်။ ဤသည်မှာ ယုဒဿန်တုိ့ ဇနီးမောင်နှံတို့ ဆက်လက်ပေးဆက်ရမည့် အရာများစွာထဲမှ ပထမဦးဆုံး ပေးဆပ်မှုပင် ဖြစ်လေတော့သည်။

ညဏ်ပညာ ထက်မြက်သည့် ယုဒဿန်သည် လက်တင်၊ ဂရိနှင့် ဟေဗြဲဘာသာရပ်များကို ကျွမ်းကျင်စွာ တတ်မြောက် ထားသော်လည်း အနောက်တိုင်း ဘာသာ စကားနှင့် လုံးဝ ဆန့်ကျင် ကွဲပြားသည့် မြန်မာ စကားနှင့် မြန်မာ စာပေကို တစ်နေ့လျှင် (၁၂) နာရီခန့် အချိန်ယူကာ (၃) နှစ်ကျော် ကြိုးစား အားထုပ် အပတ် တကုတ် သင်ယူခဲ့ပါသည်။

ဇနီးသည် ဖြစ်သော မမ ယုဒဿန်မှာမူကား အိမ်ရှင်မ ပီပီ ဈေးဝယ်ထွက်ခြင်း၊ အခြား အမျိုးသမီးများနှင့် ထိတွေ့ ဆက်ဆံနိုင်ခြင်းတုိ့ကြောင့် မြန်မာ စကားကို ပို၍ပင် ကျွမ်းကျင် တတ်မြောက် လာလေတော့သည်။ ဤသို့ဖြင့် လက်ကမ်း ဝေစာများကို ကျိုးစား ရေးသားခဲ့ပြီး “ ကောင်းကင် လမ်းပြစာ” ဆိုသော ကျမ်းငယ် ကလေးကို ပုံနိုပ် ထုပ်ဝေနိုင်ရန် ကြိုးစား အားထုပ်ခဲ့လေတော့သည်။

 ဤသို့ဖြင့် ၁၉၁၆ ခုနှစ် နိုဝင်ဘာလ (၁၅) ရက်နေ့တွင် မြန်မာနိုင်ငံ၏ ပထမ ဦးဆုံးသော နှစ်ခြင်း အသင်းတော်ကို ဆရာ ယုဒဿန် ဇနီး အန်း ဟက်ဆယ်တိုင်း၊ ဆရာ ဟောက်ခ်ျ တို့ ဇနီးမောင်နှံ တို့သည် တည်ထောင် ခဲ့ကြလေ သည်။ ထို့အတူ မြန်မာ သဒ္ဒါကျမ်း ပြုစုခြင်းနှင့် ရှင်မဿဲ ခရစ်ဝင် ကျမ်းကို ဘာသာပြန်ခြင်း လုပ်ငန်းများကို ကြိုးစား ဆောင်ရွက်ရင်း ၁၈၁၇ ခုနှစ် ဇူလိုင်လတွင် အောင်မြင်စွာ လုပ်ဆောင် ပြီးစီးခဲ့လေတော့သည်။

ထိုမှ တစ်ဆင့်တက်ကာ ၁၈၁၈ ခုနှစ် အတွင်းတွင် ဇရပ် တစ်ဆောင်ဆောက်လုပ်ကာ သတင်းကောင်း ဟောပြောခြင်း အမှုကို လုပ်ဆောင်ခဲ့လေ တော့သည်။ ပထမဦးဆုံး လူထုအများနှင့် သတင်းကောင်း ဝေငှခြင်းကို ၁၈၁၉ ခုနှစ် ဧပြီလ အတွင်းတွင် လုပ်ဆောင်နိုင်ခဲ့ပြီး  လူဦးရေ (၁၅) ယောက် တက်ရောက် ခဲ့ကြပါသည်။  (၂) လခန့် ကြာလာသောအခါ ဦးနောဆိုသူ မြန်မာအမျိုးသား တစ်ဦးသည် ခရစ်တော်ကို သက်ဝင် ယုံကြည်ပြီး နှစ်ခြင်း မင်္ဂလာကို တောင်းခံခဲ့ရာ ၁၈၁၆ ခုနှစ် ဇွန်လ (၂၇) ရက်နေ့တွင် ဆံတော်ကြိုလမ်းအနီးရှိ လိပ်ပြာကန်တွင် ဦးနောကို နှစ်ခြင်း မင်္ဂလာ ပေးအပ် ခဲ့ကြပါသည်။

၁၈၁၉ ခုနှစ် ဇူလိုင်လ (၁၄) ရက်နေ့တွင် ဆရာကြီး မျှော်လင့်ထားသော မြန်မာတိုင်းရင်းသား ပါဝင်သည့် မြန်မာ စကားဖြင့် ဝတ်ပြုသည့် ပထမဆုံး ပွဲတော် မင်္ဂလာကို ကျင်းပ ပြုလုပ်နိုင် ခဲ့သည့်အတွက် ဆရာကြီး ယုဒဿန်သည် အထူးပင် ဝမ်းမြောက်ခဲ့ရလေသည်။ (၁၈၂၀ ခုနှစ် ဇန္နဝါရီလ (၂၀) ရက်နေ့တွင် မြန်မာပြည်၌ လွတ်လပ်စွာ သာသနာ ပြုခွင့်ရရန် ရည်ရွယ်ချက်ဖြင့် ဘကြီးတော် မင်းတရားကြီးထံ ခစားကာ ခွင့်ပန်ခဲ့လေသည်။ သို့သော်လည်း အမိန့်တော် တစ်စုံတစ်ရာ ချမှတ်ခဲ့ခြင်း မရှိခဲ့ပေ။ ခက်ခဲသော အချိန်ကာလ တစ်ခုဖြစ်ခဲ့ပါသည်။ ခရစ်ယာန်ဘာသာကို သက်ဝင် ယုံကြည်မည့် သူများအတွက် အန္တရာယ် ချိန်ခြောက်မှုများ ရှိခဲ့သောကြောင့် ဗြိတိသျှ လက်အောက်ခံ စစ်တစ်ကောင်းမြို့သို့ ပြောင်းရွှေ့ကာ သာသနာပြုရန် စဉ်းစားခဲ့လေသည်။ ၁၈၂၀ ခုနှစ် ဖေဖော်ဝါရီလ (၂၄) ရက်နေ့ တစ်ခုသော ညနေစောင်းတွင် သာသနာတော်အတွက် တိုင်ပင် ဆွေးနွေး နေခဲ့ရာ ဦးနော၊ ဦးပြား၊ ဦးသာလှတို့ (၃) ဦးက ခက်ခဲသော အချိန် ဖြစ်သော်လည်း ယုံကြည်သူ (၈) ဦး သို့မဟုတ် (၁၀) ဦးခန့် ရှိလာသော အချိန်မှ တစ်ဦးဦးကို ခေါင်းဆောင် ခန့်ထားပြီး ဆရာတို့ သွားလိုရာ သွားစေလိုကြောင်း တောင်းပန် ပြောဆိုခဲ့တာကြောင့် ဆရာကြီးတို့ ဇနီးမောင်နှံဟာ မြန်မာပြည် မှာဘဲ ဆက်ပြီး သာသာနာပြုဘိ်ု့ ဆုံးဖြတ်ခဲ့ကြပါတော့သည်။

၁၈၂၃ ခုနှစ်တွင် ယုံကြည်သူ တပည့်တော် (၁၈) ဦးခန့်အထိ ရှိလာခဲ့ပြီး ဓမ္မသစ်ကျမ်း ကိုလည်း မြန်မာ ဘာသာသို့ အောင်မြင်စွာ ပြန်ဆိုနိုင် ခဲ့ပါတော့ သည်။ ၁၈၂၃ ခုနှစ် ဒီဇင်ဘာလ (၁၃) ရက်နေ့တွင် ဘုရင်မင်းမြတ်ကြီး၏ သဘောတူ ခွင့်ပြုမှုဖြင့် အင်းဝတွင် သာသနာ ပြုခွင့်ရရှိခဲ့ပြီး အထက် မြန်မာပြည်သို့ ပြောင်းရွေ့ သာသနာ ပြုခဲ့လေတော့သည်။

၁၈၂၄ ခုနှစ်တွင် အင်္ဂလိပ်မြန်စစ်ကြောင့် နိုင်ငံခြားသားများကို ဖမ်းဆီး ထိန်းသိမ်းခဲ့ရာတွင် ဇွန်လ (၂၈) ရက်နေ့တွင် အာဏာပိုင်များ၏ ဖမ်းဆီးခြင်း ကို ဆရာကြီး ယုဒဿန်လည်း ခံခဲ့ရလေသည်။ အင်းဝထောင်တွင် အကျဉ်းချခံရချိန်တွင် မမ ယုဒဿန်က ကိုယ်ဝန်ကြီးဖြင့် လာရောက် တွေ့ဆုံခဲ့ ပြီး ဆရာကြီး၏ ကျမ်းစာဘာသာပြန် လက်ရေးမူကို ခေါင်းအုံးတွင် ဝှက်ကာ ယူဆောင်လာပေးခဲ့လေသည်။

ကိုယ်ဝန် အရင့်အမာနှင့် ဖြစ်သော မမယုဒဿန်သည် ၁၈၂၅ ခုနှစ် ဇန္နဝါရီလ (၂၅) ရက်နေ့တွင် သမီးငယ်လေး မာရိယာကို မွေးဖွားခဲ့လေသည်။ အကျဉ်းကျခံပြီး (၁၁) လအကြာ ၁၈၂၅ ခုနှစ် မေလ (၂) ရက်နေ့တွင် အင်းဝလက်မရွံ့ ထောင်မှ အောင်ပင်လယ် လက်မရွံ့ထောင်သို့ (၁၀) မိုင်ခရီးကို  ဖိနပ်မပါ ခြေဗလာဖြင့် ပြောင်းရွေ့ ခေါ်ဆောင်သွားသဖြင့် ခြေဖဝါးတွင် ဒါဏ်ရာဒါဏ်ချက်များဖြင့် သွေးများ ယိုစီးကာ ကျဆင်းလာလေ တော့သည်။ မမ ယုဒဿန်ကလည်း လသား ကလေးငယ်ကလေးကို ရင်မှာပိုက်လျက် မျက်ရည်တို့ဖြင့် ငိုးကြွေးလျက် ဆရာကြီး ယုဒဿန် နောက်သို့ လိုက်ပါခဲ့လေတော့သည်။

ထောင်ထဲမှာ ဖျားနာနေသော ဆရာယုဒဿန်ကို ပြုစုဘုိ့ ကြိုးစားရင်း သူမကိုယ်တိုင်မှာတော့ အစာအဟာရ ချို့တဲ့ခဲ့ရပြီး သမီးငယ်လေးကို နို့ချို တိုက်ကြွေးဘို့ လုံလောက်တဲ့ အင်အား မရှိတဲ့အတွက် ရွာထဲမှာ ရှိတဲ့ မိခင် အမျိုးသမီး အချို့ကို အကူအညီ တောင်းခဲ့ရခြင်းဟာ အင်မတန် ဆို့နင့် ကြေကွဲဘွယ် ကောင်းလှပါသည်။

ထောင်ပြောင်းရွေ့ချိန်တွင် ထောင်စောင့်များက ခေါင်းအုံး အစုတ်ကြီး ဟုဆိုကာ လွင့်ပစ်လိုက်သဖြင့် ထိုခေါင်းအုံး အစုတ်ကြီးကို ဦးအင်းက တွေ့ကာ သိမ်းဆည်းထားခဲ့သည့်အတွက် နှစ်ပေါင်းများစွာ အပင်ပန်းခံ ဘာသာပြန်ခဲ့သော ကျမ်းစာလက်ရေးမူများ မပျောက်ပျက်ခဲ့ခြင်း ဖြစ်ပါ သည်။

၁၈၂၅ ခုနှစ် နိုဝင်ဘာလ (၅) ရက်နေ့တွင် အင်္ဂလိပ်မြန်မာ စစ်ပြေငြိမ်းရေး စာချုပ် ချုပ်ဆိုရာတွင် ဘာသာပြန်အဖြစ် ဆောင်ရွက်ရန် ထောင်ထဲမှ ခေါ်ထုပ်ခံခဲ့ရသည်။ ထိုသို့ ဘာသာပြန် လုပ်ဆောင်ပေးမှုကြောင့် ရရှိလာသည့် ဒေါ်လာ (၆၀၀၀) ကို မြန်မာနိုင်ငံ၏ ပညာရေး မြှင့်တင်ပေးနိုင်ရန် အတွက် မော်လမြိုင်မြို့တွင် စာသင်ကျောင်းဆောက်လုပ်ရန် လှူဒါန်းလိုက်လေတော့သည်။

၁၈၂၆ ခုနှစ် မက်လ (၆) ရက်တွင် ဆရာကြီး  ယုဒဿန်တို့ ရန်ကုန်မြို့သို့ ပြန်လည် ထွက်ခွာခွင့် ရရှိခဲ့ချိန်တွင်တွင် သမီးငယ်လေး မာရိယာမှာ (၁) နှစ်ကျော် အရွယ်သို့ ရောက်ရှိခဲ့ပြီး  ဖြစ်သည်။   မမ ယုဒဿန်မှာ ငယ်ရွယ်သော အသက်၊ နုနယ်သော ခန္ဓာကိုယ်ကို ဆန့်ကျင်ကာ ခင်ပွန်းသည် ဆရာကြီး ယုဒဿန် အနားတွင် ပါရမီ ဖြည့်ကာ အမှုတော်မြတ်အတွက် ပေးဆပ်ခဲ့သူ ဖြစ်ပါသည်။ ကျမ်းတမ်းသော လူနေမှု စရိုက်၊ ပြင်းထန်သော ရာသီ ဥတုနှင့် ရင်ဆိုင် ယှဉ်ပြိုင်ကာ သောကနှင့် ခက်ခဲမှုများကို ကြိုးစား တိုက်လှန်ရင်း ဝိညာဉ်အများ ရှင်သန်နိုင်ဘို့ အသက်ကို စွန့်ခဲ့ရသူ တစ်ဦးပါ။  ၁၈၂၆ ခုနှစ် အောက်တိုဘာလ (၂၆) ရက်နေ့တွင် ကျောက်ဆောင်အမျှ တည်ကြည် ခိုင်မာခဲ့သော စိတ်နှင့် ခန္ဓာကို နှုးညံ့သော သူမ၏ ဝိညာဉ်တော်က  စွန့်ခွာခဲ့ပြီး သခင့်၏ အထံတော်ပါးတွင် မှေးစက် အိပ်ပျော်သွားခဲ့ပါတော့သည်။

အသက်ငယ်ငယ် လူမမယ် သမီးလေး မာရိယာသည်လည်း ပြင်ထန်းလှသော ရာသီဥတုနှင့် ရောဂါဘယများကြောင့် ဝေဒနာ အများနှင့် သခင့်ရင်ခွင် အပါးတွင် ခိုဝင်ခဲ့သည့်အချိန်မှာကား ၁၈၂၇ ခုနှစ် ဧပြီလ (၂၄) ရက်နေ့ပင် ဖြစ်ပါသည်။ သမီငယ်လေး၏ ရုပ်ခန္ဓာကတော့ မိခင်၏ မြေပုံ နံဘေးတွင် လှဲလျောင်း အိပ်စက် သွားခဲ့ပါပြီ။

ဆရာကြီး ယုဒဿန်မှာ ဇနီးသည်နှင့် အတူ သားသမီးများ အားလုံးကို ဆုံးရှုံးခဲ့ရပြီး ဒါဏ်ရာများနှင့် ဝေဒနာသာ သူ၏ ရင်တွင် ပြည့်နှက်စွာ ခံစားခဲ့ရပါသည်။  တနဿင်္ရီဒေသ၏ တောနက်ကြီးထဲမှာ စိတ်ကို အမှောင်ချ၊ အားလုံးကို မေ့ပစ်ဘို့ ကြိုးစားချင် ခဲ့သော်လည်း၊ အမှုတော်မြတ်မှာ ပေးဆပ်ထားပြီးသား သူ့ရဲ့ နှလုံးသားဟာ သေဆုံးမသွားနိုင်ခဲ့ဘဲ အမှုတော်မြတ်အတွက် ဦးလှည့်ကာ ပြန်လာခဲ့ပါတော့သည်။

ကိုယ်စိတ်နှလုံး သုံးပါးကို ပြန်လည် ပြင်ဆင်ခဲ့ရင်း အမှုတော်ဆောင် တစ်ဦး ဖြစ်သူ မစ္စ ဆာရာ နှင့် တစ်ဦးကို တစ်ဦး ပါရမီဖြည့်ရင်း ပိုမို လုပ်ဆောင် နိုင်ဘို့  ၁၈၃၄ ခုနှစ် အသက် (၄၆) နှစ် အရွယ်တွင် ထပ်မံ အိမ်ထောင်ပြု ခဲ့ပါသည်။

ဇနီးမောင်နှံ နှစ်ဦးအတူ လက်တွဲ အမှုတော်ဆောင်ရင်း ၁၈၃၅ ခုနှစ် ဒီဇင်ဘာလ (၂၉) ရက်နေ့တွင် ဓမ္မဟောင်းကျမ်းကို ဘာသာပြန်ဆို ပြီးစီးခဲ့လေ တော့သည်။ ၁၉၃၅ ခုနှစ်မှာပင် ဇနီးသည်၏ ကျန်းမာရေး လိုအပ်ချက်များကြောင့် အမေရိကန်နိုင်ငံသို့ ပြန်လည်ခရီးပြုရင်း လမ်းခရီး တစ်နေရာ စိန့်ဟာရီနာ ကျွန်းအနီးတွင် ဒုတိယ ဇနီးသည်မှာလည်း အသက်ပေးသွားခဲ့ရပြန်ပါသည်။

ချစ်သူရယ် ... စိမ်းလန်းကျွန်းသာ ခွဲခွာရာဖြစ်

ရှေ့ပြည်အရေး .. မျှော်ရည်တွေးကာ

သင်သာ ရှေ့လှမ်း၊ ငါနောက်လှမ်းပြီ

ဘယ်ကမ်းဘယ်မှာ၊ ဇာတာမှိန်မှိန်၊ ပြန်ဆုံချိန်ကို

မမျှော်ရဲပြီ။

ချစ်သူရယ် ... မျက်ရည်ကြွေကျ၊ သဲကြေမွ၍

နှုတ်ဆက်ခွဲခွာ၊ မစွမ်းသာငြား

သွားပါအသင်၊ သခင်ရှိသည်။

ကြေကွဲခြင်းကို အံတုမည်။

ချစ်သူရယ် ... သခင့်ချပ်ဝတ်၊ ကိုယ်မှာ ဝတ်တင်

သတိဆင်လျက်

ဗုဒ္ဓထွန်းရာ၊ ပြည်မြန်မာဝယ်

သခင့်မေတ္တာ လွှမ်းစေသား။

ဇနီးသည်မပါ တစ်ကိုယ်ရေ အိမ်ပြန်လမ်းခရီးဟာ နာကျင် မှုများနဲ့၊ ပြည့်လျှံ ခဲ့ရပါသည်။ မွေးရပ်မြေ အမေရိကန်မှာ ဘုရားသခင်ရဲ့ သတင်းကောင်း တွေကို နေရာ တစ်ချို့မှာ ပြန်လည် ဝေမျှပြီး သူရဲ့ နှလုံးသား မြုတ်နှံ ထားပြီး ဖြစ်သော မြန်မာ ပြည်ကို  ပြန်လည် ထွက်ခွာ ဘို့ ပြင်ဆင် ခဲ့ပါသည်။

အဲဒီအချိန်မှာဘဲ ဆရာယုဒဿန်ရဲ့ အမှုတော်မြတ်မှာ အနစ်နာခံ လုပ်ဆောင်နေမှုကို ပါရမီ ဖြည့်ချင်သော မစ္စ အန်မလီနှင့် ၁၈၄၅ ခုနှစ်တွင် ထပ်မံ အိမ်ထောင်ပြုပြီး မြန်မာပြည်ကို ပြန်လည် ထွက်ခွာလာခဲ့ပါသည်။ ၁၉၄၆ ခုနှစ် ဇူလိုင်လ (၁၁) ရက်နေ့တွင် မြန်မာပြည်ကို ပြန်လည်ေ၇ာက်ရှိခဲ့ပြီး ဇနီးမောင်နှံ (၂) ဦး အတူလက်တွဲကာ အမှုတော်မြတ်အတွက် ဆက်ကပ်ခဲ့ကြပါသည်။

၁၈၄၉ ခုနှစ်နှစ် ဇန္နဝါရီလ (၂၄) ရက်နေ့တွင် အင်္ဂလိပ်မြန်မာ အဘိဓါန်ကို ရေးသား ပြီးစီးခဲ့ပါသည်။ သမ္မာကျမ်းစာ အဘိဓါန်နှင့် အတူ စာပေ များစွာ ကို ရေးသားခဲ့ပြီး  အမှုတော်မြတ်အတွက် ဝိညာဉ်များစွာကို ကယ်တင် လမ်းပြခဲ့လေသည်။ မောပန်းလှပြီ ဖြစ်သော သူ၏ ဝိညာဉ်ကို သခင့်ထံပါး တွင် ဆုလဒ်များစွာနှင့် အတူ ခိုနားရန်အတွက် ဤတစ်ကြိမ်တွင် ထပ်မံ သိမ်းဆည်းခြင်း ခံရသူမှာ သူကိုယ်တိုင်ပင် ဖြစ်ပါတော့သည်။

အမေရိကန်ကို ပြန်ပြီး ဆေးကုသမှု ခံယူရန် သဘောင်္ဖြင့် ထွက်ခွာလာခဲ့ရာ ၁၈၅၀ ခုနှစ် ဧပြီလ (၁၂) ရက်နေ့တွင် မောပန်းလှပြီ ဖြစ်သော ဝိညာဉ်ကို ဘုရားသခင်က ပြန်လည်ကာ ရုပ်သိမ်းခဲ့လေတော့သည်။

ပထမ ဇနီးသည် အန်းတစ်ယောက် စွန့်ခွာထွက်သွားချိန်တွင် သူအနားမှာ မရှိခဲ့လို့ စိတ်မှာ နာကျင် ခံစားခဲ့ရပါသည်။ သူရဲ့ သမီးငယ်လေး မာရီယာ သေဆုံး သွားခဲ့ချိန်မှာလည်း သူ့ရဲ့ မျှော်လင့် ချက်တွေ သေဆုံး ခဲ့ရပြန်ပါသည်။ ဒုတိယ ဇနီးသည် စာရာကတော့ သူ့ရဲ့ လက်ပေါ်မှာဘဲ သေဆုံးသွား ခဲ့တာကြောင့် သူ ဖြေမဆည်နိုင် ဖြစ်ခဲ့ရပြန်ပါသည်။  သူ အသက် ဆုံးသွားချိန် မှာတော့ ဇနီးသည်က အနားမှာ မရှိ၊ ပင်လယ်ခရီးလမ်းမှာ ဖြစ်သော ကြောင့် ဝေဒနာတွေကို ကြိတ်မှိတ် ခံစားခဲ့ရတယ်။ သူ၏ မြန်မာပြည် သာသနာ ခရီးအတွက် ပေးဆပ်ခဲ့ရသော ဒါဏ်ရာများ၊ နာကျင်ကြေ ကွဲမှုများ၊ သူ၏ သွေးနှင့် ချွေးများ ထို့နောက် သူ၏ မျက်ရည် စက်များ ထိုခံစားချက်များ အားလုံး အတွက် သူ၏ တစ်ခွန်း တည်းသော စကားလေးက ပြည့်စုံ လုံလောက် ခဲ့ပါသည်။ ထိုစကားလေးမှာ အဘိဒါဏ်ကို ပြုစု ပြီးချိန်တွင် သူမှတ်တမ်း တင်ခဲ့သည့် “ခရစ်တော် အတွက်သာ မဟုတ်ခဲ့ရင်” ဆိုသော စကား လေးပင် ဖြစ်ပါသည်။

ဒါဏ်ရာများနှင့် ပြည့်နှက်ခဲ့သော ရုပ်ကြွင်းခန္ဓာမှာမူကား ဂုဏ်ပြုသူ မရှိ၊ အမှတ်တရ မရှိ၊ သင်းချိုင်းမရှိ၊ ပင်လယ်ရေပြင်အောက် တစ်နေရာတွင် နစ်မြုတ်လို့ ကျန်ရစ်ခဲ့ပါပြီ။

ဆရာကြီး ယုဒဿန်သည် ရန်ကုန်မြို့တွင် (၁၀) နှစ်၊ အင်းဝမြို့တွင် (၂) နှစ်၊ မော်လမြိုင်မြို့တွင် (၂၃) နှစ် စုစုပေါင်း (၃၅) နှစ်ကြာ မြန်မာပြည်မှာ ဒုက္ခဝေဒနာ ပင်ပန်း ဆင်းရဲမှု အမျိုးမျိုးကို ခံယူပြီး မြန်မာပြည်၏ နှစ်ခြင်း သာသနာဟူသော မျိုးစေ့ကို ကြဲဖြန့်ခဲ့ပါသည်။ ဆရာကြီး ယုဒဿန် ခေါ်တော်မူခြင်း ခံရချိန်တွင် အမှုတော်ဆောင် (၁၆၂) ဦး၊ အသင်းတော် (၇၄) ပါး၊ နှစ်ခြင်း ခံပြီးသူ (၈၉၂) ဦး၊ ယုံကြည်သူ (၇၉၀၄) ဦးတို့ကို ထားခဲ့နိုင်ခဲ့သည့် အပြင် ယောင်္ကျားလေး ဘော်ဒါဆောင် စာသင်ကျောင်းနှင့် ကျမ်းစာသင်ကျောင်း၊ စုစုပေါင်း (၄၄) ကျောင်းကို တည်ထောင်ပေးနိုင် ခဲ့ပါသည်။

သို့သော်လည်း သူ၏ အသက်၊ သူ၏ မိသားစုများ၏ အသက်များဖြင့် စတေးကာ တည်ဆောက်ခဲ့သော သာသနာသည် အသက်ရှင်သန် လေဟုန်ဆန်ကာ နှစ် (၂၀၀) ကို ရောက်ရှိလာချိန်တွင် ခရစ်ယာန် အသင်တော် (၄၉၀၅) ပါး၊ ကျမ်းစာသင်ကျောင်း (၂၀) ကျောင်း၊ ဓမ္မတက္ကသိုလ် (၂၅) ကျောင်း၊ ယုံကြည်သူ ခရစ်ယာန် (၄) သန်းခန့် သည် ခရစ်တော်ကို ရရှိကာ ထာဝရအသက်ကို ပိုင်ဆိုင်ခွင့် ရရှိခဲ့ကြလေသည်။ အသက်သွေးနဲ့စတေး သူရေးခဲ့သော သမိုင်းသည် အမြစ်ခိုင်မာ နှစ် (၂၀၀) ကြာမြင့်လို့ လာခဲ့ချိန်တွင် ကျွန်တော်တို့ အယောက်စီတိုင်းသည်လည်း စိတ်နှလုံးကို ပြင်ဆင်ပြီး ဘုရားရှင်၏ အလိုတော်နှင့် အညီ ပါဝင်လျက် ကြီးမြတ်လှသော သာသနာ သမိုင်းကို ဆက်လက် ပါဝင်ကြပါစို့လား။

ဦးနော အောက်မေ့ဘွယ် နှစ်ခြင်းအသင်းတော်မှ ထုပ်ဝေ ဖြန့်ချီသော “ခရစ်တော်သာ မရှိခဲ့ရင်...” ဆရာကြီး ယုဒဿန်၏ အထုပ္ပတိ မှတ်တမ်း ဒီဗွီဒီ အခွေမှ နောက်ခံ စကားပြော များကို ကူးယူ ရေးသားပါသည်။

https://www.4shared.com/office/qB-5CO0Wgm/Adoniran_Judson.html